Ano pire aktivitetia ko vakti tari visita an i Rusia, Moskva o IRU Presidento sine le dikhoba thaj diskusia e pendžarutne Romane aktivistoa thaj intelektualcia tari Moskva thaj Rusia.
O Presidento Dimov bašabutne e šefeka taro IRU Ofiso an i Moskva o Anatolij Butakov dikhle pe thaj notiringje idea e pendžarutne direktorea e Romane teatroske an i Moskva o rajo Roman Grokholski, thaj o romane aktivistoa thaj kulturakere bukjarne o Vadim Ivan Bariev thaj i Nadežda Demeter Doktori pali histora thaj nauka.
Ola an o pire diskusie potenciringje i situacia e Romencar an i Rusia save prioritetno pučiba si an i konekcia e Romencar tari akaja them.
Hulavde si o strategie a ko jekh notiringje pe kote an o majučo nivelo barabutni koorelacia ko buteder umalja sar so si i historia, kultura i čhib i tradicia te šaj ki desavi forma vazdel pe majučeste sa akava so si konektirime e Romencar, thaj piro sasto kredibiliteti thaj intelektualno kapaciteto te keren an o avutnipa ko jek kvalitetno nivelo trampaja faktia thaj i situacia.
O dikhiba sine produktivno thaj si akcentirime kaj an o avutnipa ka keren palem dikhiba thaj kontaktoa baši majlačhi komunikacia.
