O Konsili e Europakoro ko ple raportia dengja kritika e Slovakiake thaj e Čehiake sebepi nanipa progresi an i eliminacia segregacia e romane čhavenge an o škole thaj ko politikane diskusie istemalkeriba rasitikane stavia premal i romani populacia.

Trujal so e slovakiakoro antidiskriminatorsko pervazi si baro, ov del diferentno nivelo protektiva e teleperavde grupenge thaj trubul te kerel pe reforma te šaj phanen pe sa o rupe so isi ko pučipae protektivake. Premal o lafia taro Konsili e Europakoro, ko pučiba si akomodacia e romane čhavenge ko specialno škole, thanjaribaskiri segregacia e Romenge thaj olengoro hali kote si telal sako standardi thaj odoleske valjani te arkahel pe faisali.

Sako 5-to Rom an i Slovakia nane le agorkerdo fundavno škola, a salde 17% olendar džana an i maškarutni škola.

Dži kote ko vakti tari registracia an i Slovakia ko 2011 berš salde 2% tari slovakiakiri populacia notiringje kaj si Roma, o stručnjakia notirinen kaj ki Slovakia si 7,5%. Ano raporto tari EK mujal o rasizmo thaj natolerancia notirinen sar nasukcesiale akcie mujal o rasizmi an i Čehia.

I kontinuirimi diskriminacia upral o Roma, targetea ko romane čhave sikavel baro serioziteti. Ki čehia kote gejnel 10,5 milionia manuša isi paše 300.000 Roma.

fShare

Tweet