Palo agor e 10-to Kongreseske taro IRU an o Skopšje so ikergja pe taro 18 dži ko 20 marto 2016 berš, kote than lele upreder 70 delegatora taro 35 thema taro 5 kontinentia, sine alusardo nevo Kabineto, oficialno zojrakergja plo validiteti palo sa okola paušalno diskvalifikacie thaj reakcie taro nalegitimno "IRU - Latvia - Riga" ko čekat e Nortmund Rudovich thaj o Dorin Čoaba thaj oleskiri "IRU Romania".
Pli registracia thaj oficialno verifikacia , kote o ofiso taro IRU si an i Viena - Austria. Akalea phanlja pe i tema anavkerdi IRU, thaj ko si validno IRU. Te lipara kaj o nevo prezidento an o IRU si o rajo - Zoran Dimov tari Makedonia. Trubul te akcentirinel pe kote avgo drom an i historia taro IRU ko nevo Kabineto thaj len thaj džuvlja Romanja upreder taro 40%.
Link: http://www.romatimes.news/images/IRU-registracija.png
