Respektirime tumari ekselencio
I Internacionalno Romani Unia - IRU sar majbari thaj seriozno internacionalno organizacia , kote isi 70 delegatia taro 40 thema an i sasti lumia kerel buti maripa bašo hakoja taro Roma ko sa o mediriania, pire membroncar - delegatorencar thaj aver membria dži ko sa relevantno majbare internacionalno, europakere thaj lumiakere institucie, si validno ofiso , so si la than te kerel reakcia an o momentia taro nakonsekvenctno tretmano, decizie, aktia so direktno si an i obligacia i Romani populacia.
I Protestno nota -Reakcia , si jekh forma sikaviba bibaht an i konekcia tari ksenofobia, natolerancia, diskriminacia thaj jeriengiri nacionalno natolerancia premal i Romani populacia , so akala divesa uli tari rig taro Angel Kalev , Tumaro themutno - dizutno an o gav Ovčepolci - Pazardžik, kote bizo desavo motivo avere rigatar, oleskiri nacionalno natolerancia brutalno thaj nahumano kergja fizičko thaj psihičko atako upral jekh 17 beršengoro terno romano čhavo taro odova gav. An o video so ov korkoro o Angle Kalev kergja le ko oleskoro mobilno telefono, postiringja le ko socialno netvorko , kote dikhel pe thaj šunel pe sar trujal fizičko atako , bičhavel thaj nacionalistikane daravina .
O IRU majzora lerel reakcia an o akal individualno atakia, thaj rodel majzoralo demanto thaj keriba kriso em reakcia Tumare thematar thaj implementacia generalno rodaripa, thaj jurisdikcia mujal o šeruno akteri akale incidenteske. Kriso thaj keriba jursdikciakere instrumentia tari rig e R.Bugariakere so ka ovel akti sar distanca, soske fakti si kaj i R.Bugarija dživdinen 800.000 Roma thaj si direktno phagiba o fundavno manušikane hakoja an i them so si membro an i EU.
Panda jekh drom apelirinaja baši direktno distanca, thaj nota taro sikavdo bilačhipa thaj tumari hramosardi vaktavin bašo distanciriba akale akteske, te šaj ma te ovel sar sikavdi forma kote te na kerdili reakcia tumare rigatar, odova si jekh ajekh sar te den validiteti akale bilačhe akteske.
An o Skopje Respektea
20 Aprilo 2016 Zoran Dimov
Prezidento an i Internacionalno Romani Unia - IRU
