Aso o informacie taro IRU Ofiso an o IRU parlamentarno sesia an o Beograd taro 12-14 oktomvri 2017 berš ka diskutirinel pe te phravel pe proceso anglal Romano Kriso sebepi kerde disjreditacia e IRU ske thaj olakere membria taro Bogdan Trojanek tari organizacia " Królewska fundacja Romów"  - Szczecinek Polska.

O IRU thaj o delegatora ka roden taro Romano Tradicionalno Kriso te phravel procesi mujal o Bogdan Trojanek thaj oleskiri organizacia te iskontaktirinen te vakeren anglal o kriso em te sikave argumentia em faktia.

Te dikhlja pe kote aso o notirime aktia nane faktia, tegani o Tradicionalno Romano Kriso te implementirinel Dekreto thaj globa an o učipa taro 100.000 eura.

An o agorutno parlamentarno mitingo an o Beograd so ikergja pe ko 13 Oktobar maskar o aver sine dendo propozalo i Livia Jaroka aktuelno deputato an o Europakoro parlamenti  te ovel membri asn i Internacionalno Romani Unia  thaj sar membro tari Ungaria ka lel i funkcia vicepresidento an o IRU.

Olakoro membripa an o IRU si but importantno faktea kaj i Livia Jaroka si aktuelno deputato ano Europakoro Parlamento thaj pendjardo romano aktivisto vash o Romane niamia.

Ko jekh olakoro membripa an o IRU ka ovel but baro poyitivno momento amare organizaciake soske ka ova panda majkredibilno anglal europakere thaj aver internacioanlno institucie, so ka shaj te istemalkerel pe olakiri poyicia an o IRU vash majbaro lobi thaj logistika anglal odola institucie.

O Dekreto vash olakoro membripa an o IRU ka ovel dendo ko vakti kana ka ovel man visita thaj ka ovav an o Briselo ki konferencija "Romani Platforma" so ka ovel an o 27 thaj 28 Novembro 2017 bersh.

An o Parlamenti e IRU-ske ko Beograd o IRU an o piro aktiviteto trujal lachariba taro aktiviteto e delegatonge, o akcento sine dendio an o dikhle aktivitetia e IRU Komisienge so havel pe sar buvleste spektaro taro nukte.

Odova havel pe sar prestrukturacia e IRU Komisienge kote an o cekat e e Presidentea taro IRU o Zoran Dimov, o shefo e IRU Komisinege Rosita Gronfors thaj o sasto IRU te legarel pire zoralipa an i rezlizacia e Plano thaj strategie ko aktiviteto dji ko avutno IRU Kongreso an o 2019 bersh an o London, Britania so sine votime taro savore 70 deleagtia so avile taro 35 thema.

A aktiviteteske taro IRU Komisie kergja [pe dikusia a ko jekh o shefia e Komisienge thaj olengere vice membria i Rosita Grinfors, Zoran Dimov, Khuram Khan, Agush Demirovski, Roman Chojansky, Ajten Berafla, Gerard Linder, Ramush Muarem, Gregor Julson, Stivo Balog, Stefan Kuzichov, Veli Husein thaj o avrutne ekspertoa (asistentia) sar so si D.r Trajko Petrovski, D.r Ljuan Koka, Daut Quiliangi thaj avera angje decizia te kerel pe panda majtransparentno , majangazirime thaj majfundavutne.

Angleder desavo vakti ko mediumia iklili informacia i bibaht thaj fizičko em psihičko tortura upral 36 beršengoro Rasim Ćufurović - Rom taro Karlovac kote 550 divesa sine tretirime sar robo tari rig e familiake Velić taro gav Draganić ko pašipa e dizjake Karlovac an i Kroacia.

Palo lende anglalrodaripaskere aktia mujal o krisime akale bibajtale akteske numa mukhena than tari natolerancia soske palo kerdo rodaripa oi policia thaj o kriso an i Kroacia iklili informacia kaj o krisime si mukhle te ovan krisime numa nane ko momenti phanle , thaj ando si akti kaj na troman te aven ko pašipa tari 50 metria e marde Rasimeske.

Odoleske i Internacionalno Romani Unia -IRU olakoro presidento Zoran Dimov thaj sa o membria reagirinen aso anglutne pendžarde situacie roden taro institucie  apelea  o proceso te ovel putardo thaj transparentno  bizo phanle khelina thaj ignoracia thaj garaviba e saste akteske.