I Brankica Jankovič membro an o ofiso arakhipaske jekhinenge bičhavgja seljami sebepi o ando dekreti kaj i komuna Zemun čhinavgja i decizia te paldel eRomen tari romani mahala Grmeč an o Zemun, sa dži kote na arakhel pe savakteskoro thanjaripa.
Oj bičhavgja mesaži kaj akala čipote trubul te implementirinel pe prekal o standardia bašo ikeripa fundavno manušikane niamia. O selektivno butikeripa te faislakerel pe problemia taro nalegalno kerde objektia si seriozmo strukturalno diskriminacia e romane jekhinakean i Srbia.
O Roma taro naformalno mahala Grmeč an o Zemun ko juni masek reslja dekreti taro tamikeribaskiri inspekcia komuna Zemun kote trubul korkoro te peraven pe kherako roko taro nekobor divesa thaj daravipaja kaj ka keren ola palo odova zorea. Ki odoja romani mahala ko Zemun dživdinen trianda romane familie kote majbut olendar si taro Kosovo.
Pali akaja andi decizia akana šaj te legalizirinel pe akala objektia te šaj funkcionirinen majodorig
