Ko pervazia e aktiviteteske tari Internacionalno Romani Unia - IRU taro 11 dži ko 13 juli an o Skopje, R.makedonia ikerel pe Parlamentarno sesia e delegatonge tari romani organizacia.
Ko akava periodi o delegatia so ka len than taro buteder thema an i lumia ka anen deklaracie, startegie sar ka kerel o IRU buti ko periodo so avela thaj ko agor e sesiake ka inicirinen pe aktia so keren buti o IRU delegatia.
Maškar o aver aktivitetia planirime si i debata e ambasadorencar tari thema an i Europa an i tema: “Hear Us, Please Answer Us”.
Planirime si thaj IRU Biznis Forumo vizita e Vinariake Tikveš - Kavadarci.
Ko majodorigutno butikeriba ka ovel prezentacia taro IRU prezidento o Zoran Dimov bašo o funkcioniriba e membronge taro IRU thaj o Komisie so ka legaren sako plo sektoro.
Ko agor e sesiake ka anen pe rezolucie thaj deklaracie so ka inicirinen o delegatia taro IRU.
O moto thaj parola akale Parlamentarno sesiake prekal i kampanja so ka ktzrubul te implementirinel pe si anavkerdi sar:
AMEN NA SIEM UČHARIN - AMEN SIEM REALITETI - ROŠAREN
НИЕ НЕ СМЕ СЕНКА - НИЕ СМЕ РЕАЛНОСТ - ОСВЕТЛИ СЕ
WE ARE NOT A SHADOW - WE ARE REALITY - LET THE LIGHT IN
