An i Austria ko 4 dekemvro ka ikeren pe e presidenteskere alusariba kote maškar o aver kandidatia vash odoja funkcia si thaj o rajo Norbert Hofer tari Freedom Party of Austria (FPÖ).
Saste si pendžarde kaj o kampanje si akana aktuelno thaj o elketorati si hazri sako drom te del suporto desave kandidateske. Ko odola aktivitetia o rajo Stevo Balog radul, so lungo berša dživdinel thaj kerel buti an i Austria, Linz, kote ko jekh si thaj Presidento an o IRU Parlamento ko nakhlo periodo sine le aktivitetia thaj dikhiva e Romane thaj Sinti jekhinake an i Austria, maškar so thaj o manuša taro odola jekhina so šelberšipaja dživdinena odothe generacianecar napalal dživdienea thaj kerena buti an i Austria. Palo dende opservacie thaj i gnd tari Romani thaj Sinti jekhin andi si konkluzua kote majšukar iocia si o kandidati tari Freedom Party of Austria (FPÖ) Norbert Hofer.
odova mesažo si jekh forma suporto tari rig e kotor Romane jekhinake an i Austria sine vakerdi thaj oleske ki akana sig mitingo thaj dikhiba olea. Numa palo odova dikhiba pire reakciencar thaj ikavde taro konteksti sikavgje nekobor potikne romane organizacie thaj asociacie an i Austria sar so si o Roma Centro Viena thaj aver asociacie so si telel olengiri kontrola sar so si Karika Obervart, Roma Servis (Kleinebašelten) Vida Pavlović (Viena), Phurdo (Salzburg). Ola kergje reakcia kaj o Stevo balog sar Presidento an o IRU Parlamento na sine le obligacia an o olengoro anav te vakerel kaj o Roma thaj o Sinti tari Austria ka den piri vota aso olende o "desničari" Hofer!. Odolea startungja i antikampanja mujal o Radul thaj o IRU!
Odoleske o rajo Radul iklilo demantea thaj notiringja i percepcia saste situaciake an i konekcia akale momentea.
O Balog vakerela: " I reakcia taro akala "tikne" romane organizacie thaj asociacie tari Austria si telel i stadik taro Romano Centro tari Viena so si finansirime tari rig e Austriakere themake!
Majanglal thaj fundavno me sar Stevo Radul Balog na vakergjum nikote kaj sium me šerutno e Romenge thaj Sinti tari Austria! O mesažo dendo an i forma sar suporto e rajoske Hofer si vakerdi tari miri rig sa okova so sine mange vakerdo thaj akcentirime taro majbaro kotor Roma thaj Sinti , aekstra okola majpurane generacie so dživdinen lungo vakti an i Austria.
Ake odova vakergjum e rajoske Hofer! Odova momento nesave agjaar anavkerde "romane patriotia" tari Austria sa akava kergje te keren jekh "konfuzia" an i sasti situacia! Startungje akale atakoncar kaj mande nane man nisavo niami an o anav taro IRU te kerav lafi bašo sa o roma thaj Sinti an i Austria!
Sar majnaglal thaj fundavutne ka vakerav palem , o mesažo so si vakerdo dži ko rajo Hofer si tari rig kotor Roma thaj Sinti an i Austria!
Odova sikavela kaj me odothe na sium sine thaj na kergjum aktiviteto an o anav taro IRU! Ko jekh ko vakti taro amaro dikhiba me salde notiringjum kaj si man thaj funkcia an o IRU sar presidento an o IRU parlamento.
Trubul t vakerav kaj aso i programa so kerel o tajo Hofer a si an i konekcia e protektiva thaj hakoa e Romenge thaj Sinti an i Austria si importantno te realizirinen pe bašo majbaro kotor taro Roma thaj Sinti si lačhi thaj optimistikani thaj majšukar opcijaja.
„Me na mangava te kerav maripa mujal o mediumia thaj socialno netvorko akale grupaja anavkerdi sar "romane aktivistia" so sa akala berša napalal apsolutno na kergje nisavo angažmano thaj akcia vash konkretno buti thaj rodaripa suporto thaj prektia an o interes e Romenge so si an i Austria.
Akana kana dikhena kote aver lela inciativa an o aktivitetia bašo lačharipa e situaciake e Romenge thaj Sinti an i Austria, ola sar te džangavdile taro "hor suno" thaj nanipaja aver opcia a te šaj oven notirime an o mediumia thaj maškar o roma počmingje te buvlajren dezinformacie thaj hihavina ko miro anava thaj an o anav taro IRU. me ka bičhavav lenge mesažo te len majbaro aktiviteto thaj te oven majbut aktivno bizi diferenca kerel li odova o Balog jali aver . Improtantno si te kerel pe aktiviteto an o interes amenge e Romenge tari Austria" vakerel o Balog an o agor.
