Kultura

Lokalno Heroia... taro SP BTR akava vikendi ka lel than an o filmeskoro fetivali Tehara an o Malme, Švedia

Persi berš o filmsko festivali "Tehara" sine sar pilot proekti but majtikne programaja - agjaar so akava berš si jekhto oficialno festivali.

O festivali ka ovel taro 28-to Novembro dži ko 1-to Decembro an o Malme, Švedska an o Arthouse Cinema Panora, thaj e publikake so ka avel i visita si free. O Film festivali " Tehara " organizirinelale i "Tehna Media" sare naprofitno organizacia.

O filmi "Lokalno Heroia.." an i festivaleskiri programa aso o plani ka ovel presentirime an o 1 Dekemvri 2018 berš startea taro 15:30 o časo.

O agorutno dokumentarco taro SP BTR an i koprodukcia e Studio 7 "Lokalno Heroia.." so sine finansirime taro Makedonikano Filmsko Fondi ka lel than an i akaja programa. Ov ka ovel an i konkurencia bašo phursakoa.

Citește mai departe...

Ikerdo kulturno informativno akti /artikano performanso e proekteske Miri edukacia avdive - majlačho tajsa

Sar kotor taro aktivitetia e proekteske " Tamikeriba majzoralo civilno sasoitnipa e motivaciake ko zori edukaciakere inkluziake ko Roma" an i FŠ Vasil Glavinov an o Skopje ikergja pe kulturno informativno akti /artikano performanso e proekteske " Miri edukacia avdive - majlačho tajsa
An o artikano performanso than lele upreder 25 kerde ilustracie taro sikle akale školaatar an i tema " I kultura thaj tradicia ko Roma".

Anglal o misafiria o organizatoria ZDRICM, RRC thaj KMOR , o džovaplime tari FŠ Vasil Glavinov o čhave thaj o jeria piri tikni prezentacia sine e membro taro RRC thaj KMOR i fatoš Usainova, o presidento an o ZDRICM o Yoran Dimov thaj o direktori e školake Kjamuran Kuči.

Citește mai departe...

Ko sig vakti kreacia Akciono plani baši Kultura e Romengiri an i R.Makedonia

O ministeri bizo resor an o Govermento e R.makedoniake thaj aktuelno koordinatori e strategiake e Romenge an i makedonia sine le bukjarno mitingo membroncar taro ministeriumi baši Kultura, MTPS, NGO sektoro.

O mitingo sine organizirime an o kabineto e ministereske bizo resoro Aksel Ahmedovski jekhutne nuktaja an i Agenda arakhiba barabutno akti ikeriba Akciono plano 2019 berš - hazrkeriba beršeskoro budžeto konektirime kulturaja sar so si i čhib em i tradicia e Romengiri an i Makedonia.

Ko mitingo sine inicirime formiribe grupa so ka keren o programo thaj o plano e beršeske so avela. O plano ka ovel kerdo an i koordinacia e NGO organizaciencar so si len paše aktiviteto e Kulturaja, Folkloream Čhib,, Filmi thaj Tradicia.

Citește mai departe...

An o ruheskoro hrami, jekhto korkorutne arteskoro performansi taro Erol Sulejmanovski

„An o ruheskoro hrami“ si anavkerdi i jekhto korkorutne arteskoro performansi taro Erol Sulejmanovski so ka ikerel pe taro 09.11.2018 dži ko 19.11.2018 berš an o Skopje.

O Sulejmanovski profesijaja si diplomirime inžinjeri palo sekjuriti thaj sastipa kana kerel pe buti , an o slikarstvo si okupirime taro pire majterne berša thaj ko slikiba lipargja pire 30 berša taro dživdipa.

Prekal oleskere aktia so ka oven izložime , o visitoria ka ovel len šajdipa o specifično akcepcia taro o umetniko an o sublimati taro tradicionalno premal o moderno, prekal virtuelno magično vizuelizacia.

Citește mai departe...
FaLang translation system by Faboba

Mangava te vakerav

Momentalno Online

       Isi 89 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali