E presidenteskere alusariba finiširingje i viktoria legargja o Stevo pendarovski! Numa te kera jekh percepcia taro aver aspekti an i konekcia e romane hangonge sar egzamplo i jekhutni majbari romani komuna an i them i Š.Orizari.

Odothe pali avgo rota alusariba an o 21 April o rezultatia sine čače but telune taro aspekti procenti kobor iklile, kote taro barabutne 23.765 hasngutne an i lista iklile 21.8% - 5181 hangia kotar 2369 bašo Pendarovski, jali 45.7% Siljanovska 1774 jali34,2%, Reka 835 jali 16.1%.
Fakti si kaj sa okola importantno romano politikane fktoria an i Šutka ko vakti taro kampanje sine but "zorale" an o FB numa an o dive hangibaske o efekti sine but aver čhane!

Odothare dikhibaja i matematika sar te sine konektirimo o alarmo maškar o partie thaj pali avgo rota fakti sine kaj an i dujto ka ovel olen "korekcie" te sikaven pe anglal pire mentoria taro SDSM thaj VMRO-DPMNE.

Em ki dujto rota startujngje zorele thaj motivacisko retorikaja pakjajbaja an o olengoro kredibiliteto. Odothe barabutne o SRM, o PCER, o OPER, e dizjakoro šerutno taro SDSM , thaj aver rigatar ROM thaj DSR , akate konekltiringja pe thaj pire motivacijaja thaj te sikaven piro kredibiliteto i Avaja thaj aver romane NGO gindibaja kaj o ikljojbe bašo hangiba an i dujto rota ka ovel duplo majbari.

Ola savore startujngje zorale URA numa o efekto na sine sar so trubul! Diferencijaja tari avgo rota akava drom sine hari majuprederthaj odova barabutne majbut 1700 vote trujal o numeria taro sa 23.765, piri vota dengje 6899 jali iklile 29%.
I diferenca an o vote gele ko Pendarovski bašo 1583 vote!
Jali an i translacia ikljol "Tinanel sine i plain, bijandilo kjermuso"!
I poenta si akaja: O Romane lideria bare krloja, o romane analitičaria (Avaja) motivacisko krleskere zorale, a o efekti salde 7% majbaro ikljojbe diferencijaja tari jekhto rota!
Yte puča amen akala rezultatia si li than presentaciake kobor si ola akana zorale thaj kredibiliteto taro akala rezultatia te šaj oven faktori ko romano čorolo manuš?

Trubul te džanel pe te šaj motivirine e romane manuše trubul te ovel amajnglal kerdo pozitivno efekto thaj rezultati, soske ola na pakjan pobuter an i okoja fraza "te merel mi daj"!
Motivacisko retorika tari forma " Ka ovel", " Ka kera", " ka resa" thaj aver nane efekti! E Romea trubul te oven phravde, transparentno direktno ko saste 365 divesa an o berš . a na salde 20 divesa taro desave kampanje , a palo odova te vakeren: " Izvini a ko sian sine tu"?

I RDS analizadžala majodoriga..

O stavi taro teskti si personalno taro RDS thaj si avri tari redaktorsko politika e web portaloske Roma Times

Agorkergje e presidenteskere alusariba thaj džanel pe ko viktoriringja nevo presidento si o Stevo Pnedarovski! Barabutne an o alusariba iklile 844.365 hangutne jali procenti so iklile si 46,70%, so sikavel kaj sine reslo o cenzusi.

Ov reslja 436.212 hangia jali 51,66% taro vote a i Gordana Siljanovska Davkova 377.713 jali 44,73%, a 30.442 jali 3,61% sine navalidno.

Thaj počmingje o kalkulacie ko si majbaro an o akala rezultatia. O Makedoncia bajraren pire elektorate , o Albancoa vakeren kaj te na sine ola nane te resel pe sine o cenzusi! Savore nesar sar te bistergje amende e "minjortiteten!". Akcentoa i srpsko, bosansko , vlaško thaj aver akate si thaj o Roma.

Ikljola kaj taro iklile barabutne 850.000 hangia sar so vakerena o DUI olengere si 100.000, tegani o resto averengere vote 750.000. Dikhibaja o debate maškar o duj majbare makedonikane partie SDSM thaj VMRO DPMNE , thaj aso olemgere kapacitetia olende duj e rigendar si len paše po 250 mile. Odova sikavel kaj te iklile odola duj riga barabutne ka kheden paše jekvaš milionia hangia. Kote si o aver 200 mile hangia em so kera olencar?

Džanen li o Makedoncia thaj op Albancia kaj te na sine e majtikne jekhina thaj etnikumia olende nane teovel olen cenzusi alusaribaske? Džanen a li kaj o Roma sar nacionaliteto sako drom an o alusariba anena po 30-40 mile hangia ? Kana odola hangia bi oven taro jekh ambari olen šaj te opvel garantirime po 4-5 romane deputatia, em nekobor ministeriumia thaj uče pozicie an o themakere kompanie thaj institucie so ka anel em majbaro procento phravde bukjarne thana. e romane jekhinake!

A agjaar? Maksimum salde duj deputatia . jekh "figurativno" naimportantno ministersko than em odokhare! A palo odova khuvena pe an o kolin kaj o Makedoncia thaj Albancoa pire elektoratea a bistrena e 200 milija hangoa taro o potikne nacionalitetia so majodoriga ačhon avrial taro margine sar salde dikhen tari rig e diveseskiri politika!

Aj oven heroia ikljoven korkoro an o hangiba bizo amende o potikne minjoritetia pa te dikha amen em te gejna amen - ka džanen čače kobor sine moldime tumen o Makedoncia thaj Albancia!