Dikhibaja o fakti so deceniencar napalal thaj i situacia e Romencar sar unitarno nacia amare themake saste thaj olakere pozicie sar an o themakere institucie taro sa o aspektoa (politikano, socialno, civilno thaj aver) o agjaar notirime "romane lideira" korkoro keren segregacia thaj korkoroinicijativno čhiven pe an i majteluni pozicia , impreisumea sar "angleder" te vazden pire vasta thaj olencar trubul te kerel buti sako drom desavo "aver majbaro faktori" numa na ola korkoro.

Bizi diferenca tari odoja pozicia o Roma korkoroinicijativno čhivena pe an i dujto, trinto jali aver paluni pozicia numa an o than saste thaj phravde te vakeren kaj si jekh a jekh sar sa o avera an i them!

O dži akanutne romane politikane lideria aso nesavi inercia asavki "epodemia" inficirinena tari genberacia an i generacia neve personen so kamen te oven (jali sikaven thaj promovirinen ) sar avutne lideria.

Ko than procentia thaj specialno rodaripa te pheren pe desave rodaripa (socialno, ekonomsko, infrastrukturno thaj aver problemi ) desave dende rokoncar trubul majphradeste te vakerel pe lenge an i anomalia thaj oleskiri eliminacia , a na te kerel pe strategia sar forma: " Kama akava thaj akava thaj oleskiri relizacia taro tegani dži tegani" thaj te ovel klar te faisalekeren odova urgentno.

Sar so faisalkeren o problemia e naRomane themutnenge, ko jekh trubul faisali thaj an i akaja them e "periferno naciake " e Romenge.
Odoleske trubul "New Wave" jali „ Babe face" romane lideria so baši personalno satisfakcia, so saste taro respekto mujal sasti Romanipopulacia trubul te sikeven majbri tolerancia thaj konstruktiviteto , a na leiba aktia an o "piro šero".

Trubul te ova an i klar situacia thaj te džana kaj - O civilno thaj politikane niamia si manušikane niamia. A telel "manušikane niamia havaja jekh a jekh fundavutne niamia thaj na rodaja troje!
Trubul te džana kaj na trubul amen te roda troje soske ola but lokheste šulavena pe.
ma te ova amen majgogjaver kaj sa džanaja thaj te ikljol sar an o okova vici kana jekh Rom so kerel buti puranipaja sar "staro kupujem" gelo te položinel baši vozačko, thaj kana paldel sine o vorda anglal i komisia jekh olendar pučlja e Rome:
-„Rajo so gindine savo si okova znako so si 40 metria kaj o semafori?"
Tegani o Rom majsig te ikljol majgogjaver thaj te sikavel kaj džanela vakergja: ... Gindinav kaj si ... Aluminiumi!"
Numa i analiza taro RDS ka džal majodoriga...(džala majodorig)

O stavi taro teskti si personalno taro RDS thaj si avri tari redaktorsko politika e web portaloske Roma Times

E Europakoro Kriso manušikane niamenge angja decizia e Romaniake te pukjinel lovengiri kompenzaciae familiake Lingurara, kaskere džene sine ratvarde ko vakti tari jekh brutalno policiakiri intervencia . O incidento ulo an o javinakere saatia an o 15 decembro 2011 berš an i diz Valčele an i paščimali Romania.

E familiake ka pukjinel pe sumare 49.000 eura lovengiri kompenzacia. As o inforamcie akale ande Krisoskere deciziake so dengja o Kriso. o policajcia phagle o udar taro olemgoro kher tari familia Lingurara ko vakti kana i familia sovela sine.

I policia peravgja 4 e personen tele thaj marela len sine. Kotor taro policajcoa sine telel maske fantomske thaj sine specialcoa.
Palo odova o policajcoa legargje duj dženen avri an i avlin thaj odori da margje olen . Palo odova sine legarde an o policiakoro stasioni thaj ikerde jekh dive thaj palo odova sine mkhle kana angje i policia decizia kaj ola kosem si čorgje nalegalno kašta.

I familia tegani sine eakomodime taro ratvarina ko lokalno hospitalo thaj aso medicinsko raporto o ratvarina sine lenge kerde soske sine marde policisko pendrekoncar . Ko vakti taro incidenti i familia sine bizi šastra thaj ni jekh tari familia na sine anglutne telel kriseskiri opservacia thaj na sine len policiakoro dosie.
As o Kriso na sine nisavo faktori i policia te kerel asavki akcia . I familia an o 2012 berš dengja akcepcia mujal akaja policiakiri akcia numa o Krisoa an i Romania na mangle te dikhen o akti aso olengiri akcepcia kaj na sine but faktia te vazdel pe asavko proceso.

O asasto akti sine ad akta sa dži ko 2014 berš kana akava akti reslja anglal Europakoro Kriso maunušikane niamenge. O Kriso dikhlja faktoa thaj vazdingja proceso em sine konstatacia kaj o atako sine brutalno an i them so dengja signatura aso Europakiri konvencia manušikane niamenge.

O Kriso ko jekh čhudingja i verzia taro policiakoro raporto kote vakeren kaj o sasto akti sine soske o Roma interveniringje ko vakti tari akcia. Trujal o brutalno atako sine notirime kaj odothe sine thaj natolerancia thaj anti romani hoš aso o nacionaliteto soske i policia kana kergja i akcia geli motivoa kaj si ola Roma thaj šaj si len thasj desavo kriminalno dosie.

Aso i gind taro Kriso so si anavkerdo sar "institucionalno rasizmo" jali rasizmo kerdo taro themakere institucie so buteder droma isi an i Romania a akava si jekh olendar . O proceso anglal Europakoro Kriso manušikane niamenge sine 5 berša thaj i familia viktoriringja.

O Kriso dengja decizia i them sakone ratavrde membroske tari akaja familia te pukjinel po 11 700 eura sar namaterialno ziani thaj panda po 2 251 eura te učharen pe o troškia e kriseskere aktonge . Bnarabutne sine unificirime 85 policajcoa so ko vakti taro brutalno takoa upral i romani jekhin an i diz Valčea kote trujal o atako upral i familia Lingirar atakujngje thaj avere Romen.

Link: http://www.romskiportal.com/2019/05/02/rumunjska-izgubila-na-europskom-sudu-za-ljudska-prava-mora-nadoknaditi-stetu-romskoj-obitelji-zbog-brutalnosti-policije