Politika

Notacia taro Lev Fem an i konekcia e agorutne peravibaja e romane kherenge an i Bugaria: Ajde savore buvljaren akaja informacia sakote

O Anti romano rasizmo, etnofobia thaj ksenofobia resle but bari proporcia an o bugariakoro govermento , bugarsko mediumia thaj o bugasrko sasoitnipe buvleste.
O Lev Fem solidariziringja pe saste e Romencar so si stigmatizirime rasistikane maltretirime , dehumanizirime thaj keren terori an o buteder forme tari stigamtizacia thaj dživdinen ki bgut rasisitikani, etnofobično thaj ksenofobično socialno trujalipa thaj atmosfera.

An o 9 januari o vicepremieri e Bugariakoro Krasimir Karakačanov thaj akhargja e buldožeren te peraven o naformalno romane mahale ko gav Vojvodinovo an o Plovdiv. Akava peraviba an o Vojvodinovo angleder nesave berša sine linia asavke konsekvence ko aver da romane mahale.

Akava si saste okoja rasistikani taktika so ikerel putarde thaj kerel globa upral sasti romani jekhin jali sasti romani mahala ko aktia kana isi desavo incidentia taro individualno Roma so si učeste publicirimi ko mediumia an i stigmatizacia thaj dehumanizacia.

Link: Dikh o originalno artiklo

 

O ministeri frdingja i akharin te del finansie bašo Sinti, Travelsia thaj Romane čhavenge

O ministeri bašo jurisdikcia e čhavenge vakerela kaj o terne arakhen pe problemoa sar so si maltretiriba, numa vakerel kaj asavko procesi faisalibaske ka ovel lungo.

O ofiso taro ministeri baši edukacia frdingja i akharin te den pe love te del pe suporto e čhavenge tari Sinti, Roma thaj Travelse grupe an o škole.

Nadim Zahawi vakergja e Komiteteske bašo džuvlja thaj jekhutnipa e jekhinenge kaj olengere zaruripa ka lačharel pe prekal dende stipendioe e čhavenge.

Ov sikavel sine dokumentia taro o rodaripa taro o komisie so keren buti an i diskriminacia so arakhen pe o jekhina sar so si o Roma thaj o Travelsia.

O ministeri čhavorikane niamenge vakergja anglal o deputatia : " Trubul te ova realno korkori premal amende kaj te manglem te resa progresi , o bukja ačhile jekh a jekh tahj ačhol te kerea panda but buti"

"Me ni gindinav kaj amen bešaja akalte em vakeraja kaj siem an o učo nivelo maškar amende thaj kaj i buti si finiširimi"
O deputato Sara Šampion sikavgja sevđa kaj o škole našti te keren piro finansiriba e čhavenge taro akala minjoritetia sar so si o SRT

Dikh o artiklo ko originalno linko

Anketa: Paše 83,7 % taro dizutne bi džan peske tari Makedonia

O rezultatia tari kerdi anketa an i tema " Kana bi šaj, dali bi džan tumenge tari Makedonia?" realizirimi taro portalo Fakulteti.mk sikavel kote 83,7 % taro anketirime bi džana peske tari Makedonia kana bi si len šansa.

An i anketa so sine phravdi angleder duj kurkesa , ko pučimaskoro liloro anonimno dengje antvorto barabutne 1.474 anketirime.

Ko pučiba " Kana bi šaj, dali bi džan tumenge tari Makedonia?" antvorto dengje 1.491 persone, a olendar 1.234 (83,7 %) dengje antvorto "Oja", 123 (8,3 %) sine an o duj gogja, a 117 anketirime (7,9 %) bi ačhoven an i Makedonia.

Aso kerdi anketa o anketirime sar destinacia kori bi džan notiringje i Germania, Australia, Kanada, Francia, Holandia, Danska, Austria, , Skandinavia, Švajcaria, Slovenia, Nov Zeland, Švedska , USA thaj Britania.

An o pučiba „Soske bi džana tumenge?“ antvorto dengje 1.054 anketirime. Majbut sine o tikno antvorto: " Majalčhe dživdipaske"

Romani Demokratsko Unia - RDS: Avilo o anglonilaj, trubul te džangavgjoven o romane političaria taro hor jevendaskoro suno!

Lungo vakti o RDS dikhel o aktioelno aktivitetia an i them thaj o aktiviteto taro romano politikano bloko thaj olakere membria an o sa o niveloa.

O RDS aso dži akanutno kerdo ko lačharipa e romane jekhinake an i them notirinela le ko but tikno nivelo taro aspekto lende akcie tari rig e romane politikane blokoske bizi diferenca si li ola an i pozicia jali opozicia.

Pobuter droma sine aktivitetia so trubul sine te kerel pe reakcia tari rig e jekhto politikane ešaloneske.
Liparibaske si kote ko dende anglalalusaribaskere dende lafia mujal i romani jekhin akan panda si sa an o jekh than. na sine nisave reakcie taro romano politikano bloko aso o kanoni e čhibjenge.
O agorutno akti baši statistikani operacia gejniba e manušenge thaj eliminacia e grafake - nacionalno identito.

Citește mai departe...
FaLang translation system by Faboba

Mangava te vakerav

Momentalno Online

       Isi 294 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali