Politika

O Govermenti havljarela! Direktorijati baši implementacija e Romane strategiajke – numa bizo klar ingerencie

Palo o nasukcesi e Romane jekhinake te resel importantno pozicie sar ko Parlamenti agjaar em ko Govermenti , palo agor taro parlamentarno alusariba ki Republika Utarali Makedonia i formiriba e Govermentoske legardi taro Premieri o Zoran Zaev , dela pe o pučiba: Sar majodoriga te funkcionirinel  o importantno em prioritetno pučiba kana si ko fokusi i Romani jekhin?.

Ko angloaluasribaskoro periodi o teganutno lidero taro SDSM , Zoran Zaev dengja lafi kaj desave ministriumia ko Govermento ka oven čhinavde ama odoleske ka formirinen pe agjaar anavkerde Direktorijatia, kote aso o Zaev jekh si reuervirimi em e Romane jekhinake. Odova si aso desave drum ia te prelen pe o ingerencie taro nekanutno Ministeri bizo resoro ki implementacia e akciono planonge tari Romanei Strategia.

Ama o Direktorijato sar ka funkcionirinel panda nane klar. Ko agorutne 2-3 berša o NGO sektori kergja debate em diskutiringja sar te ovel majsukcesiale o Ministeriumi bizo resor, kote sako drom sine čhivdo partisko manuš , so implementirinel sine partisko agenda , nozo pobaro desavo feedback ko diferentno umalja kote si akceptzirime i romani jekhin.

Odoleske o Netvorko ki akcepcia e saste em sistemsko faisalia , o romano NGO sektori , o Presidento tari Internacionalno Romani Unia (IRU) o Zoran Dimov em o naformalno asociacia RDS bašo Roma Times vakerena kaj te funkcionirinel majsiga o Direktoriato ki implementacia e Romane strategiake . Ko akala pučimata bašo Roma Times o Presidento tari Internaciobnalno Romani Unia –IRU o Zoran Dimov potencirinela:

„Sar avgo em majimportantno o alusar taro legarutno e Direktoriajtoske te ovel alusardi persona so ka ovel napartisko em te ovel hazri te presel o savale, te ovel le uči universitetsko edukaciaem te ovel alusardo ko Putardo Konkurso. Ko jekh dav propozalo te kerel pe timo so nane te ovel partisko numa profesionalcia so saste ka keren buti em ka den rezulatatoa.

Ko jekh o Direktoiato te ovel džovaplime ki realizacia e Strategiake e Romenge em te ovel lideri institucia ko sikaviba themakere politike baši Integracia e Romenge ko sasoitnipa. O govermento te legarel i obligacia te na učharen pe paralelno o ingerencie avere strukturencar so ko momenti funkcionirinen ko desave ministeriumoa.

Sar efikasno realizacia valjani konstruktivno dialogo representoncar tari Romani jekhin, sar so si o deputato i rajona Šikovska, o rajo Asan Ferat em abver koaliciono partneoroa taro politikano blčoko em o Romano NGO sektoro.

Formiribaja o Direktoriato ki implementacia e Strategiake e Romenge , i Republika Utarali Makedonia dopherdo ka bičhavel pozitivno signalo e Europakere Uniake baši integracia em faisalkeriba e Romane jekhinakle ko sasoitnipa. Ka del sasti ilustracia kaj o Govermento e Republika Utarali Makedonia na salde deklarativno, nima em ki praktika kamel te implementirinel o „Jekh sasoitnipa savoirenge“ vakerel o Zoran Dimov.

Manuša romane ratea so sine lideria ki Bugaria, Moldavia thaj Romania

Sar so buteder Bugarcoa ko lačhipa liparen e “Bate Tošo” odokhare em dena arman e “desničarsko Rome” . Bizo te haven kaj si čačipa soske historičaria sikavgje o romano darhi taro Todor Živkov. Premal o profesori Todor Balkanski ov prekal dadeskiri linia taro Živkov ov si taro romane gavutne. Ko 1877 berš o učo represent taro region Orhanie sine rusko majoro Sozi notirime sar “nervozno em seriozno manuš” Sine le idea sa o džamie te kerel olen khangira a e Romen muslimanoa te kerel hristijanora. Odova akti kergja le ko vakti taro oleskoro nasledniko Mirković kote ko oleskoro ofiso angja jekh bura panjeja em o svešteniko kergja len hristiania sar leste. Agjaar o anav tari familija Jašarovci sine kerdo ki bugarsko čhib em sine notirime sar Živkovci. I daj taro Todor Živkov I Maruca sine tari familia vlahiakere Roma taro Somovit.
Asavko akti si em e romansko diktatorea o Čaušesku. Ov si biame ko 26 januari 1918 berš ko vlahiakoro gav Skriničeht telal o anav Nikolae Čauš. Premal o profesori Balkanski oleskere darhie si taro Romane migrantoa so anavkeren pe sine sar “Bugaria”, Kana sine le 14 berša ov ulo membro ki Romansko komunistikani partia . Palo odova ov kop o anav dophergja o lafi “esku” so si ki translacia “ stilea” emu lo Nikolae Čaušesku so notiringje pe sar genijalco taro Karpatia . Diferencijaja taro Todor Živkov mujal I Moskva, o Čaušesku sine le nadaravutnipa e Moskvavke em o kremelj te vakerel kaj nane te lel than ki Praško anglonilaj taro rig e Varšavsko paktoske.
Buteder angleder sine jekh egzamplo manuš romane ratea so palo odova ulo em Princo em te legarel e Moldaviakoro thagarutnipa. Oleskoro anav si Stefan Razvan. Prekal jekh verzija ov sine čhavo taro vlahiakoro kmeto em Rom so sine em robo e princoske taro Anastasi , mitropolito moldaviakoro si dengja le lačhi edukacia a palo odova o mitropoli korkoro mukhlja le ma te ovel pobuter robo.Sebepi oleskere personalno kvalitetoa . o Stefan Razvan ulo bojari. Ov reslja te ovel šerutno ko sekuriti brigade taro o princo Arion Tiranolus. Ko jekh momento o sekjuriti Stefan huljavgja le tari piedestalo e princo emo v uklilo ko piedestalo em sine ko trono 5 masekoa (taro april dži ko avgusto 1595 berš), suportoa tari Polska . Ko agor ov da sine mudardo odolea so sine humlavdo kem posavdo kolcoa.

Link: http://www.voice-bg.com/29-glasat-na-bulgaria/7064-hora_romane.html

O Europakoro kriso manushikane niamenge angja decizia mujal I Slovakia sebepi policiakoro brutaliteto mujal o Roma

O Europakoro kriso manushikane niamenge (ESCP), kaskoro ofiso si ko Strazbur , Francia erati angja i decizia kaj i Slvakia phaglja o niamia duj e personenge so sine ratvarde tari i policia ko vakti tari i racia ki romani mahala ki Moldava em Bodvu ki Slovakia ko 2013 berš. O themakere ofisia na kergje baro rodaripa akale akteske  so si phagiba o internacionalno kanonia ki them manušikane niamenge . Akana o kriso rodela kompenzacia taro rodiem love a odova si 20.000 eura.

O incident sine ko juni 2013 berš kana pobuter taro 60 policiajcioa kergje racia ki romani mahala so dživdinen ko droma Budulovska ki Moldava upreder Bodvu e, klerhgje fizičko atako paše 30 Romenge konektiribaja čhave em romnja.

O Centro manušikane niamenge (Poradan) sar NGO kergja jursdikciakiri askepcia em e duj terne Romenge sar svedokoa so sine brutalno marde tari I policia ko vakti e raciake kana sine legarde ko policiakoro stasiono em odori ikerde.

 

Link: http://www.romea.cz/en/news/world/european-court-of-human-rights-rules-against-slovakia-in-case-of-police-brutality-against-roma

O Orban phanlja i Ungaria! O embargo ko takati taro avdive

E Ungariakoro premieri Viktor Orabn angja dekreto kote nane mukhlo khujbe e stranconge ki them salde nekobor momentencar. O Embargo so ka ovel ko takatai taro avdive  sine havljarde panda persi kurko.

O ekstra momentia legaren pe dži ko govrementeskere reprezentoa so organizirinena oficialno aktia, okola so si len medicinsko zarzripa, stransko stidentia notaciaja kaj si ničale studentoa, šoferia taro kamionia so džana peske khere, misafiria taro familiarno utsavalkeriba  sar so si bijava , sprotsko , kulturno em religiozno mitingoa.

Sakoneske so si mukhle te khuvel ki Ungaria ka trubul te džan duj kurke ko karantini em duj droma testirime  em negativno ko virusi.

E dujkurkeskoro karantini trubul te ovel em e Ungarconge so aven ki pi them taro staranstvo.

 

FaLang translation system by Faboba

Mangava te vakerav

Momentalno Online

       Isi 90 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali