Pali andi decizia taro IRU membroa em o IRU Kabineto angleder 3 čhona kaj ko mart 2020 ka ikerel pe o 11-to IRU Kongresi ko Skopje.

Trujal ničale aktivitetoa sar so si Alusar nevo Presidiumo em IRU Parlamenti ko thavdipe sine em bičhavipa aplikacie bašo IRU neve membroa em delegatoa.

Odolea bajrola em o numero taro IRU membroa  ko Parlamento em odolea bajrola o korkoro digniteto e korkoro IRU-ske a avgo drom o deiba voto bašo avutno IRU Presidiumi ka ovel implementirime prekal elektronsko hangiba trujal o delegatia ko Skopje popendžardo sar Demokratsko Tranzicia.

Premal sikavdo intereso tari rig e korkoro Romengoro aktivistoa, intelektualcia, studentoa sikavdo si baro inetersoi so reslje o aplikacie vash membripa ko IRU so ka anel pe lenge decizia ko IRU Kongreso ko mart 2020.

Trubul te akcentirinel pe kaj udžarel pe te len than upreder 50 thema tari sasti lumia so dži akana dengje piri aplikacia, planirime si te len than. Planirime si em leiba than taro aver miasafiria kote ka oven upreder 150 džene ko akava baro 11-to IRU Kongresi.

E srbiakere funkcionerenge thaj političaria , trujal o sutavno zagarantirime anavkeriba sar Roma olenge panda siam – Cigani.

Ko internet iklilo liloro tari Suzana Vasiljević konsiliaro ko kabineto taro Aleksandar Vučić bašo mediumia em jekh taro šerutne promotoria e propagandake ki legarutni srpsko partia.

Maškar o aver ko plo dendo lil dži ko premieri Ivica Dačić vakerela: „ Kerav sine protektiriba tire personalno interesenge, stopiringjum desave aktia ko mediumia em TV mujal tute, kerav sine politikane kampanje ko internacionalno nivelo, na kaj sium špioni numa avgo drom gindingjum kaj šaj kerav šukaripa mire themake.

A tu mukhea jekh eks prostitutka miro em tiro anav te sikavel ko internetn em TV em te daravel man em te bičhavel mange vulgarno mesažoa prekal SMS.

So te vakerav e žurnalistonge kana pučena man sium li informirime kaj ti romni angleder desave kurke agorkergja ki psihijatarsko hospitalo sebepi sdo isi tut afera desave Romane džuvljaja – Ciganka?

Faktea kaj sium profesionalco thaj panda kerav buti tuke , nikaske na vakergjum o čačipa em ko tergjol palo akava sa. Na sebepi tiro, numa sebepi miro em tire familiakoro.

Odoleske molisarav tut te faislakere sar džanea tiro problemo „ tergjol an o hramosardo liloro tari Suzana Vasiljević.

Link: https://inforadar.co/vesti/najvaznije-vesti-iz-arhive/vuciceva-savetnica-dacicu-zena-ti-je-zavrsila-u-bolnici-zbog-tvoje-afere-sa-nekom-cigankom/?fbclid=IwAR0yvYI8UXIOMnoz4TaJGsvaEeqyOwPL9VipE1vAKHmOKS4odBUH7WaQnPo