Politika

Iklili I mapa tari “Bari Jugoslavia” : O Tito mangela sine te kerel majbari them an I Europa, a akale planoske ni jekh na džanela sine!

Ko džanel savi ka ovel sine I jazia tari Jugoslavia dži kote nesar so e publikake sine napendžarde te ikljol sine o plani so kergja le o Josip Broz Tito.

Neko avdive nostalgiajaden pe godi e Jugoslaviake em vakeren kaj tegani dživdinel pe sine but pošukar numa avdive, a avera vakeren kaj I Jugoslavia sine veštački kerdi so deceniecar khedel sine zori te kerel unibe sa e naciengoro so našti sine te oven khedime.

Numa na džanel pe savi ka ovel sine I perspektiva e Jugoslaviakiri dži kote o plani taro Tito ovel sine, a but džene nadžanena sine odoleske.

Nesave historičaria esapinen kaj o Tito manglja panda pobari Jugislavia so ka ovel na salde regionalno numa em lumiakiri zorali then em jekh btaro majbare ki Europa.

I istoričarka Sabina Ramer persi berš bašo mediumia vakergja kaj I SFRJ e Titoa manglja te kerel integralno Jugoslavia so ka konektirinel em o kinare trujal I Judoslavia: Grcia, Albania, Bugariaem I sasti provincial Furlanija.

Ama okola so sine bašo jugoslovensko iredentizmi sar so sine o monarhistia em republikacia ko vakti angleder te kerel pe I Jugoslavia ko 1918 berš.

O politikano aktiviteto taro Zveno ki Bugaria, kerja I idea tekonektirinel pe I Albania em Bugaria ki barabutni them taro Purabale Slovenia. I asociacia taro Zveno lelja than ko peraviba e presidiume ki Bugaria ko 1934 berš . Roden sine uniba e Franciaja a konektiriba e Bugaria ki Jugoslavia. Em e britaniakere govermenti ko vakti taro Dujto lumiakoro maripa dengja suporto e ideake te kerel pe Bari Jugoslavia.

Ko dujto lumiakoro mariba o Tito vakergja kaj e Jugoslavia isi la niami ko Trst em sasti Koruška, konektiribaja em I Austrisko Koruška.

„Tromalkergjam e Koruška ama o internacionalno šartia sine asavke so trubul sine te ikljova olatar. I Koruška si Amari em amen olake ka mara amen” vakergja o Tito.

Ko jekh iklili intersno mapa so sikavel sar ka ovel I SFRJ dži kote o planoa taro Tito ikljon sine ko duj aktia:
- e maršaleskiri vizia te konektirinel I Albania em kotora tari Romani , Grcia em Solun
- O kompromis taro Bled maškar o Tito em Dimitrov so konektirinel integracia e Bugariake ki jekhin taro jugoslovesko thema.

O autori akale mapake notirinel kaj ko desavo “paralelno universumi” ki komunistikani revolucia ki Grcia kotorvale ka ovel sine kolea so nesave thenma ka hulaven pe sine em ka aven sine ki Jugoslavia.

Youtube:

„HH 1933“: I Germania na mukela o registarsko tablice so liparen ko Hitler

O učo kriso an o Minster na mukhel buteder te oven funkcionalno registarsko tablice so si len „HH 1933“ soske but asocirinela ko period taro nacionalsocializmi em kana o Hitler sine lideri , em si kontra o niamia ko respektriba o morali em o adetia.

„I kombinacia numeria em bukve upral I funda taro sasto džanlipa e historiake, si sar konekcia e nacionalsocijalizmoa em odova režiumi, so si kontra o kanoni ko embargo taro morali em adtia” vakerel pe ki elaboracia ki andi decizia taro kriso.

„HH 1933“ asocirinel ko nacionalsocialistikano slohani “Heil Hitler” , a 1933 si berš kana o Hitler alo te ovel lideri e nacionalsocialistonge emu lo lideri ki Germania.

O kriso odolea frdel ki rig o akti taro murš dženo tari germaiakiri diz Virsen kote oleske e dizjakoro ofiso majanglal mukhlja ole te oven le akala registarsko tablice, ama paloi notacia taro jekh dizutno , irangja po anado dekreti.

Palo odova o manuš rodingja taro kriso ko Dizeldorf so dengja le niami em palo odova dži ko majučo Kris ko Minster , emo v da angja decizia sar o matelumo kriso.

 

Amdi Bajram: Nadžav džanena li sine kaj o Obama si miro “bratučedi - nipo”

Soske ni jekh legaripa našti ačhol bizo leskoro. Em sar isi le sukcesu te ovel paše sano legaripaja, si salde jekh kotor taro storie so o deputato Amdi Bajram ka hulavel len ko šou “ Eden na eden”

O Žare kergja leske jekh interesno khelin “Rota bahtake” kote o rajo Bajram jekhe lafea ak valjani te ilustiririnel pire kolegen političaria.

Olenge kerel sine lafi em avere aspektondar, ko si majšukar sar amal ki kafan . “Palo Branko o Sašo Mijalkov” , a o “Obama si mange bratučedi – nipo” vakergja ov.

Romani Demokratikani Unia – RDS: Jekh alusaribaskiri jekhin – baro teatro

O koncezusi maškar o partie baši jekh alusaribaskiri jekhin akanaske nane. Lokhe si jekh partia te del suportho akaja inicijativa , kana džanel pe kaj o avera na mangen te ovel odova. Em akate počminel o baro performanso.

Te paj trampinel pe o modeli taro šov ki jekh alusaribaskiri jekhin , valjani duj šartia: majanglal koncezusi taro politikane partie thaj dujto primal internacionalno standardia alusaribaske em propozalia taro OSCE / ODIHIR odola trampe valjani te agorkeren jekh berš anglal o alusariba.

Sebepi so o bare partie majbut našavena jekhe alusaribaskere jekhinaja , trujal I verbalno deiba pativ , ola čače nane zainteresirime te našaven o “monopoli” upral o hangia so sine dži akanutne ko hulaviba e hangoroe so si leneg sar garancia.

Kana siem ko Roma , jekh alusaribaskiri jekhin si opcia so si lačhi , ama ki savi forma? Oj si lačhi salde te siam sine sar ki jekh kupa.

Ama pendžaribaja amaro mentaliteo ko Romano politikano faktori, ola ki odoja Politikani filharmonia sako mangel te ovel dirigenti an niko na mangel te ovel – muzičari.

O Amdia taro SRM, o Samka taro PCER, o Šabani taro DSR, o Neždeti taro OPER, Berati PIR, Erdjan ROM, o Akseli oleskere neve partiaja, a ko jekh thaj o Krta Duduš, Erdjan Demir, Asan Ferat , o Gege, em avera ka ovel but phareste (drabar . našajdutni misia) te keren unipa pire interesenge ko anav sa e Romenge.

Te sine pendžarde em o aspiracie e neve politikane asociajciake i AVAJA em olengere nagarvde politikane aspiracie , a te na ignoririnen pe em o aspiracie tari nevi asociaci Romano Demokratikano Sojuzi – RDS, tegani ka ikljol kaj panda pophareste ka resel pe dži ki resarin , so buteder Roma ko Parlamento.

Phareste si kaj o „purane politikane face“ ka mukhen em ka keren than e „neve romane liderenge“ . I fotelja si gudli soske anel bu baro individualno benefiti.

Te kergja pe akava modeli tegani ka ovel šansa te ova svedokia taro jekh Teatro anavkerdo sar „ Muja bizo maske“ . Ka ovel interesno, urnebesno em jekh siguritetno - sako ka manegl o pani te anel le ki „pli vodenica“.

O šanse odoleske si realno 99.99%. O aver resto 0,01% ka ovel odova “Mission Impossible”

FaLang translation system by Faboba

Mangava te vakerav

TV BTR NACIONAL

Momentalno Online

       Isi 685 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali