O vice Nacionalno Obmdusamno Vaska Bajramovska – Mustafa: „Doktor Mengele ko phanlipe tikneberšengere, alarmo bašo Ombdusmano
“Palo 22 o časo o thana kote si akomodime o phanle si phanle em eventualno kana si len istemalkerin taro fiziološko aktia ola istemalkeren o erzi – zvono, so si konektrirme e phanlipaskere personalea.
Numa o čhave vakergja kaj pherdo droma o dežurno na avela ki akharin , so ola palo odova keren uriniribe ko plastikakere šišia kaj so soven, em arakhen len dži javinate” vakergja o vice Nacionalno Ombdusmano Vaska Bajramovska – Mustafa.
Ola ko jekh notirinena kaj ko jevend troman te nanjoven salde jekh drom ko kurko, a nilaeske trujal so isi khameskere kolektoria šaj nanjoven duj drom ko kurko.
Ki institucia nane len sako drom doktori , em kana si nasvale o sekjuriti dela len I terapia so si dendi taro doktori so si ko Sastipaskoro kher ko Ohrid.
“Majbibahtale kana siem sine ki visita sine odova ked dikhlem olengere sastipaskere kartonia e čhavenge, o Nacionalno ombdusmano konstatiringja kaj 15 čhavenge si dendi terapia “Dijazepam” diveseskere dozaja taro 0,5 dži ko 20 miligramoa“, vakerel I Bajramovska.
Ko hramosardo raporto e dozake “dijazepam” so si hajvaneske pharo upreder 300 kg, so dengje o doktoria akale čhavenge tergjol: “ nervosa ko akala persone so si len tikno nivelo tari tolerancia”, “ jekhe dromestar impulsiviteto em frustracie” thaj “ tikno nivelo socialno em edukativno statuso”
