Politika

Ko si i Vanja Grigorova, biathinalo kandidati vash Europakoro Parlamento tari Bugaria

I Vanja Grigorova si biame an o 1978 berš an i Sofia, Bugaria. Oj an o momento si presidento e Asociake " Soladariteto, Bugaria"
Si la buteder aktivitetoa tari protektiva e bukajrne faktenge thaj socialno peravde kategoria personenge thaj marginalizirime manuša

Oj kerel maripa vash romane niamia thaj socialno siguriteto an o umalja tari diskriminavc ia thaj jekhipe em protektiva.

Aso o kapacitetia thaj o aktivitetia akala dive i Komisia baši inicijativa lergja akaharin te kheden pe 150.000 signature basšo biathinali kandidatiras tari Vanja Grigiriva sar kandidati bašo depuatai an o europakoro parlamenti.

Tari rig e inicijativake džanena kaj ka resen te kheden o signatire baši kandidatura.
I Grigorieva trujal i romani čhib kerel lafi bugarsko, Anglikane, Germaniakiri thaj rusko čhib.

 

An o kurko ko 21 April palo šovto drom ka alusarel pe Presidento e themake Republika Utarali Makedonia

Akala si avgo alusariba palo akcepcia thaj validiteto taro Prespansko kontrakto kote si faisalkerdo o problemi e anavea maškar i Makedonia thaj Grcia thaj i them reslja nevo anav Utarali Makedonija. O presidento so nakhel oleskoro mandati o Gjorgje Ivanov so sine kontra o kerdo Kontrakti. našti sine te del palem piri kandidatura sebepi ustavno limiti taro majbut duj presidenteskere mandatoa.

Aso o makedonikane kanonia o kandidati bašo presidenti šaj te legarel i viktoria panda ki avgo rota dži kote resel upreder 50% taro vote taro sa registririmo elektorati tari lista. Te na sine agjaar ka ikerel pe dujto rota an o 5 maj kote than ka len o duj kandidatia so reslje majbut vote an i jekhto rota . Te šaj o votiba ovel validno thaj regularno an i dujto rota trubul te resel pe o cenzusi taro 40% te ikljon manuša an o votiba.

Aso o Ustav e presidenteskoro kandidati trubul te ovel ole upreder 40 berša te ovel themutne majhari 10 berša ko agorutne 15 berša an i them . Jekh presidenteskoro mandato si 5 berša.

Niami te den piri vota an o akala šovto presidenteskere alusariba isi 1.808.131 themutnen.

Sar opservatoria ko akava alusaribaskoro procesi dži ko TAK apliciringje thar resle akreditacia o Demokratikano Instituto taro Kosovo enja akreditacie, i civilno organizacia MOST 1527 akreditacie thaj i Civilno asociacia CIVIL akreditacie.

An o aviba taro alusariba an o Europakoro Parlamento: O Roma keren zori e Europake, numa e europakere kandidatoa keren li zori e Romenge?

Odoleske so maškar o Roma thaj o EU si len paše konekcia , tegani soske o proeuropakere kandidatoa klar em saste na keren kontakto e romane votibaskere elektoratea nekobor kurke angleder o alusariba an o Europakoro Parlamento?
Ano agor sa an i Francia thaj i Špania si po jekvaš milioni Roma. An i Slovakia , Ungaria, thaj Bugaria o Roma si taro 5 dži ko 10 % taro sublimato dizutne ko odola thema. O partie trubul te arakhen insiracia so o egzamplo tari Slovakia.

Ko presidenteskere alusariba o persi periodo i viktoria lelja i terni , liberalno thaj proeuropakoro orientirimi kandidatka i Zuzana Čaputova. Akcepcijaja taro romane vote sine kotor olakere strategiake. Pali sako viktoria ko alusaribaskoro cikluso oj sikavel sine nasikeriba e dende votenge e Romenge thaj odova pe romani čhib. Odova sine čače but phravdo thaj nadarutno akti ko momentoa kana o kandidatia raritetno keren sine zori te den suporto e Romenge tari dar kaj ka našaven o vote taro aver elektoratia.

Panda majinteresno si kaj i Čaputobva pendžargja o momenti kaj o Romano elektorato thaj o kandidatia khelgje majbari rolja an i olakiri alusaribaskiri viktoria. Palo lokalno alusariba an i Slovakia an o 2018 berš kana sine alusarde 40 dizjakere šerutne Roma thaj upreder 400 Romane deputatoa an o komunakere Konsiloa . Olakoro uniba mujal o ekstremno nacionalistikane orientirime partie kergja o Marijan Kotleba te našavel , politikano lidero so si penđardo sar promotoro antiromane retorikaja , kote an i avgo rota taro presidenteskere alusariba an i Slovakia thaj sar so sine i čipota an o regionalno alusariba angleder duj berša.

Ko desave europakere thema bajrol o intereso ko alusaribaskoro potencialo e Romengoro. An i Špania sar egzamplo o štar majbare politikane partie taro Podemos dži ko konzervativno Gjudadanos, an o pire liste čhivgje romane kandidatoa sar antvorto ko alusaribaskoro sukceso e ekstremno nacionalistikani partia Voks.

 

Manifesto tari AVAJA

I AVAJA si civilnikani inicijativa so artikulirinela thaj promovirinela o interesoa e Romengere dži ko involvirime riga. Akaja kampanja konektirinela 10.000 dizutne Roma taro 14 dizjak an i them resarinaja te kerel uniba e hangonge vash o jekhinakere interesia.
O Roma si dizutne an i akaja them thaj rodena aktivno te len than an o demokratikane procesoa thaj an o aniba decizie. An o nakhlo periodo , o Roma sien" chidime", "kinde" thaj "manipulirime" te den piri vota vash o interes averengoro.

Buteder političaria avena sine thaj dena sine lafia kaj o dživdipa e Romengoro ka lačharel pe numa panda na dikhen pe o rezultatia an i jekhin. Taro kerdo rodaripa so si konektirime e alusaribaja thaj kobor Roma ikljovena , šaj te notirina kote 60% taro anketirime so lele than ko anglutne presidenteskere alusariba si len pakjiv an i institucia - presidento e themake.

Odolea akaja inicijativa vash akanutne presdienteskere alusariba si len resarin te motivirinel e Romen so den piri vota te len than an o alusariba thaj te oven kotor taro okola so ka anen piri decizia. Leibaja than an o alusariba o Roma si len šajdipa te sikaven pire kolektivno interesoa so ka oven kotor taro rodaripa dži ko kandidatoa vash presidento e themake.

Amen o Roma legarde taro argumentoa aso nakonsenzualno participacia an i themakiri thaj institucionalno administracia thaj o nanipa taro sistemsko faisalia vash o Romane problemoa notirime tari rig e nacionalno thaj internacionalno organizacie, esapina kaj i them trubul te del majbari sama thaj zori ko faisalkeriba e problemonge so si akceptirime o Roma thaj inkluzia e romane jekhinake an o sasoitne aktivitetoa.

Pali kerdi konsultacia e Romane dizutnencar resarinaja vash majbari inkluzia e Romenge an o sasoitne aktivitetoa a ko jekh thaj garancia vash majbaro sukceso an o avutnipa e themake, i AVAJA , sar civilno inicijativa so si la resarin te artikulirinel i vota e romane jekhinake rodela

  • O Roma te oven minimum 2% akceptirime an i themakiri thaj institucionalno administracia dži ko 2020 berš resarinaja te arakhel pe i sasti akcepcia prekal o institucie targetea an o ministeriumia.
  • Duj drom majbari budžeteskiri alokacia an o faisali e Romane problemonge dži ko 2020 berš
  • Duj drom majbari realizacia an o kapitalno investicie an o romane mahale dži ko 2020 berš.

 

FaLang translation system by Faboba

Mangava te vakerav

Momentalno Online

       Isi 134 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali