Politika

O Grüne: Majbaro suporto e Romane klubonge

An o Internacionalno dive e Romengoro i partia Grüne rodena majbari finasisko suporto e romane asociake an o Burgerland - sa dži ko 2021 berš.

O roma thaj o Sinti si arhinale sar austrisko etnikani grupa taro 1993 berš . I Romani asociacia an o Burgerland kergje bari buti an i lingvistika, tikjariba i diskriminacia thaj an o maripa mujal o rasizmi , vakergja o membro tari Grune Partia o Volfgan Špicmuler.

O vice presidenti vakergja kaj i situacia e Romencar thaj Sinti an i Europa si bilačhi thaj bajrol o nivelo taro nacionalistikane partie . Ov notiringja sar egzamplo e italiakere premiere kote persi kurko sine atakujme khera taro Roma taro ekstremistoa, a o o Salvini phravde notirinel dislokacia e Romenge.

Stromer: Maripa mujal i diskriminacia
"An o vakti kanma o nacionalistikane partie sar o govermento an i Austria trubul te keren stop e rasizmoske thaj natolerancia. O aktiviteto olendar nane than an i Austria thaj an o EU" vakergja o Špicmuler

Ko jekh o vicepresidento e Parlamentoske o Rudolf Stromer (ÖVP) komentiringja an o Internacionalno dive e Romengoro. Trubul te džal majodorig ko maripa mujal i diskrimancia mujal o Roma. Panda isi natolerancia thaj nane liberalno , paščimale demokratiua vakergja o Stromer.


Link: https://burgenland.orf.at/news/stories/2974755/

Pobaro kotor taro romane politikane lideria den o suporto bašo Pendarovski

An o pervazia e angloalusaribaskere kampanje bašo presidenteskere alusariba akava berš an i pres konferencia an i Komuna Šuto Orizari anglal o mediumia pire notaciencar sine kotor taro romano politikano bloko so vakergje kaj olengere membroa thaj simpatizeria ka den suporto e kandidaturake taro Pendarovski.

An i pres konferencia than lele o koaliciono partenria taro SDSM , o deputatia o Amdi Bajram taro SRM, o Samka Ibraimovski taro PCER, ko jekh o presidento tari OPER o Neždet Mustafa thaj e dizjakoro šerutno e komunake Šuto Orizari an i komuna Šuto Orizari thaj membro an o SDSM i Kurto Duduš.

Ola nadujgogjakere sikavgje piri mangin kaj ak den suporto tari kandidatura taro Stevo Pendarovski thaj dengje propozalo kaj an o 21 april ki jekhto rota thaj ko eventualno dujto rota an o 5 maj an i akaja komuina i viktoria ka legarel o Stevo Pendarovski.

E slovakiakiri "Erin Broković" si avgo džuvli presidento kolea čhinavgja o populizmi

Kana o nevo alusardi presidentka an i Slovakia i Zuzana Kaputova, uli jekhto šefi an i them so sine alusardi an o savato, presentiringja pe korkoro peste diferencijaja taro baro nivelo populistikane partie so astargje e Europa.

E 45-beršengiri liberalno advokati bičhavgja naiskerin bašo pire votutne na salde an i slovakiakiri čhib numa thaj an i hungariakiri , čehiakiri, romane thaj rutensko - te sikavel jekhiba e minjoritengere grupe taro nacionalitetoa thaj eliminacia e nacionalistikane retorikake so si popularno ko desave paše thema.

"Bahtali sium na salde taro rezultatia numa šerutme so na adaptirina amen an o populizmi . te vakera o čačipa thaj te bajrara o interes bizo agresivno vokabulari" vakergja oj bašo olakere suprto persone, havljargja o Rojters .

I Kaputova si politikano nevipa so i kampanja bašo mariba mujal i korupcia so astargja o akordi an i them so panda kerel maripa mujal o mudaripa an o fevruari persi berš e žurnalistoske Jan Kucijak thaj oleskiri prandimi persona Martina Kušnirova.

O mudaripa thaj o krisiba e slovačko biznismeneske Marijan Kocner so sine so sine šubikerdo bašo dejbe dekreto te mudarel pe so kergje pe majbare protestoa an o postkomunistikani Slovbakia thaj ko agor angja dži ki ostavka taro premieri Robert Fico.

Palo odova o presidento Andrej Kiska ko jekh sine ando an i situacia ma te kandidirinel pe ko akala alusariba bašo dujto mandato.

Link: https://amp.cnn.com/cnn/2019/03/31/europe/slovakia-elects-president-zuzana-caputova-intl/index.html

O trin presidenteskere kandidatia an o 1 April startujnena pire kampanjaja

An o palokurko ko 1 April i Gordana Siljanovska Davkova, Stevo Pendarovski thaj Blerim Reka startujnena pire kampanje ko šovto presidenteskere alusariba.

I Siljanovska Davkova si presideneteskoro kandidati taro VMRO - DPMNE thaj i koalicia, o Stevo Pendarovski taro SDSM thaj i koalicia, a o Blerim Reka tari Aliansa e Albancongiri thaj i asociacia Besa.

I kampanja bašo presidenteskere alusariba ka ovel sa dži ko 19 April , palo so avela 24 saatenogor moratorium , anglal o dive taro alusariba.

Aso o akcentiribe taro alusaribaskere štabia o kandidatia ka vizitkeren paše sa o thana - lokacie ko dikhiba e dizutnencar thaj mitingoa ko majbare dizja. Dena lafi kaj ka ovel tromali thaj fer kampanja.

Ko aviba e oficialno startoske taro presideneteskoro alusariba , apel bašo fer thaj tromali em regularno alusariba dži ko kandidatia , politikane partie thaj dži ko dizutne bičhavgje thaj e themakere representoa thaj e Themakiri Alusaribaskiri Komisia - TAK.
O nevo presidento ka šaj te alusaen ole 1.808.131 dizutne so isi len niami te den vota a si registririme an o Alusaribaskiri lista.

Aso kerdi ždrepka an o TAK , an o lil hangibaske o Reka ka ovel telal numero 1, i Slijanovska - Davkova numero 2, a o Pendarovski numero 3.
O avgo alusaribaskiri rota taro akala šovto an o niče presidenteskere alusariba si notirime bašo 21 april, a i dujto rota ka ikerel pe an o 5 maj.
Aso o makedonikane kanonia o kandidati bašo presidento šaj te legarel i viktoria panda an i avgo rota dži kote resel upreder 50% taro vote taro sa o registririme dizutne an i Alusaribaskiri lista.

te na sine agjaar ka ikerel pe thaj dujto rota ko 5 maj kote than ka len o duj kandidatia so resle majbut vote an i avgo rota. Ko jekh trubul ki dujto rota te ikljon majhari 40% taro registririme te šaj o hangiba ovel regularno thaj oficialno. O mandati taro aktuelno presidento Gjorgje Ivanov agorkerela ko 12 maj 2019 berš.

FaLang translation system by Faboba

Mangava te vakerav

Momentalno Online

       Isi 668 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali