Politika

Garavdi alusaribaskiri jekhin: Si lo o Romane dizutne so ka den piri vota ka anen decizia an o avutno masek?

O notiriba taro Internacionalno Dive e Romengoro akava masek ikergja pe ki but kali atmosfera. Angleder duj kurkesa an i Francia grupa terne atakujngje Romen palo dende informacie an o socialno mediumia so buvljarena sine kaj o Roma kidnapirinen čhaven.

Akana sig an i Italia i neofašistikani grupa Kasa Pound thaj o ekstremistoa Forza Nuova ikergje rasisitikane protestoa mujal o stacioniriba e Romen , konektiribaja 33 čhaven an o socialno centro an i periferia taro Rim.

Trujal sa o mangina te eliminirinen i euuropakiri historia , o Roma arakhen piri čhibm, tradicia thaj kultura. Akava si sa an i akcepcia taro 47 berša taro akava masek 8 Aprilo 1971 berš kana an o Khidipa an o Londona kaj majbut nane te ovel tolerancia te ova formulirime bilačhe anavea sar so si "Cigani - Gypsy"

Siam sine Roma, jekh nacia an i Europa so prekal amare niamia taro demokratsko thaj putardo Europa šaj tromale te dromara maškar o thema so hulavaja jekh a jekh kultura thaj identiteto. Simbolikane notirinaja o nevokerdo jekhipa aklamacijaja taro romano flago thaj i Romani himna.

Taro tegani o Roma an o kontinuiteto den suporto taro europakere proektoa thaj an i nakhli dekada e Europakiri Uniapalem irangja i sama ko problemoa e Romencar thaj akharel e nacionalno Govermenton te keren majbut vash inkluzia e majabre thaj majdiskriminirimo etnikane minjoriteto an i Europa, o Roma.

Link: https://www.prospectmagazine.co.uk/world/roma-eu-elections-european-parliament-france-italy-bulgaria-hungary?fbclid=IwAR0pdMAYLSZlpMytIh-_k91clp319g8_nhYu7_kZC2Mhb6xnEXz7zZohGMU

O Premieri Cipras sine le mitingo e Romencar tari Grcia thaj akcentiringja kaj nane dizutne taro dujto klasa

O zori an o vazdiba i gind e dizutnenge kana isi pučiba konektirime e Romane jekhinaja an i Grvia trubul te oven kontinuiteto vakergja o premiero Aleksis Cirpras ko vakti taro oleskoro mitingo ko palokurko membroncar taro Grciakere Roma an o zamok Maksimos, aso o Internacionalno dive e Romenge.

O Cipras sikavgja čalipa taro akava mitingo notacijaja kaj nane dizutne taro dujto ešaloni thaj dophergja kaj an i Grcia len aktia taro aktuelno Govermento baši suporto e romane sasoitnipaja an o periodi taro fiskalno pharipa.

"Džaja majodoriga e programaja thaj mobilizacia tari olengiri integracia an o ekonomikano dživdipa" vakergja o Cipras, dopheribaja kaj o Govermento kergja mapa te šaj te dikhel pe sar dživdinena o 371 mahale taro 110.000 Roma an i Grcia.

Ov notiringja kaj ko nesave 371 mahale "na naiskergje e themake" so arakhen o manušikane niamia thaj startujnela strateško plani te del pe suporto e Romenge"

O Cipras vakergja kaj sar anglošarti e socialno integraciake e romane jekhinake si kaj olengere čhave trubul te džan an i škola, soske i "edukacia si fundavutno niami thaj šarto akal ejekhinake te resen pire niamia an o avutnipa".

Paralelno o premieri vakergja kaj ka den suporto e školenge thaj te arakhel pe hajbe an o škole sa e čhavenge te ovel sigurno kaj sa o čhave si jekh a jekh tretirime , thaj o programe baši edukacia taro o phureder suportoa te arakhen buti thaj maripa mujal bibukjranipa so o govermento implementirinelas le ko agorutne berša.

Šerutno pučiba sine sar i akcepcia e romane jekhinake dži ki sastipaskiri protektiva , konekcijaja i presia e govermenteskere deciziake te eliminirinen pe o bariere an o sastipa soske majbaro procento taro Roma nane len sastipaskoro siguriteto.

"Nane dizutne tari jekhto, dujto jali trinto klasa. Amen siem čhave savore jekhe Devleske" vakergja o Cipras.

 

Link: https://www.thenationalherald.com/238657/pm-tsipras-meets-with-greek-roma-says-there-a

Deš mile Roma konkretno rodaripa taro presidenteskere kandidatia

I Civilno inicijativa " AVAJA" promovoiringje i kampanja "Amen daja amari Vota, Amen ana Decizia"

I inicijativa si kerdi taro terne Roma aktivistoa thaj intelektualcia so prekal i kampanja kamena te artikulirinen thaj promocia e interesenge taro Roma anglal sa o involvirime riga an i Republika Utarali Makedonia.

I Kampanja kamel te mobilizirinel 10.000 dizutne Roma ko 14 komune te šaj kera unime i romani vota ki presentacia thaj akcepcia o barabutne interesia e jekhinake thaj te motivirina olen e Romen te len than pire votaja an o avutne Presidenteskere alusariba te istemalkeren piro niami so ka kerel vazdiba i politikani kultura e romane jekhinake thaj demokratsko proceso an i Republika Utarali Makedonia.

Formirimi se nevi politikani romani partia an i Makedonia, presidenti si o Aksel Ahmedovski

An i Vinica ikergja pe fundavutno khidipa e Partiake bašo demokratsko prosperiteto e Romenge (PDPR), so ka ovel aktivno majbut maškar i romani populacia taro purabalo regioni e themake.

Sar presidento e partiake si alusardo o Aksel Ahmedovski , diplomirimo pravniko taro delčevo, so sine thaj ministeri bizo resor baši implementacia e Strategiake e Romenege.

Ko partisko učipe isi pandž membria taro majbare dizja an o regiono.

– Definitivno palo buteder decenie, o Roma taro Purab korkoreorganiziringje pe thaj resle pakjiv te formirinen pli partia, so ka keren buti an i protektiva olengere interesia thaj niami. Olengoro hulaviba si te keren buti biathinalo taro aver partie , kote šaj palo odova te keren koalicia desave majbare partiencar.
Pali amende isi solidno kapaciteti taro dizutne upreder 10 mile dizutne so dengje suporto te fondinirinen pe a isi len em membro ko komunakoro konsilo an i Vinica - vakergja o Ahmedovski.

Ko fundiriba e Khedipaske taro PDPR sine andi decizia kote o ofiso e partiake te ovel an o Delčevo, a o partisko ofiso ka oven formirime ko sa o komune taro trin alusaribaskere jekhina an o purabalo regiono.

An o akala presidenteskere alusariba akana ka dikhensave kandidateske te den plo suporto , a ko periodo so avela šerutni obligaciua e partiake ka ovel te keren terensko aktivitetote šaj te sikaven i programa taro aktiviteto.

 

FaLang translation system by Faboba

Mangava te vakerav

Momentalno Online

       Isi 41 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali