Socijala

Kotor taro romane lideria ko politikane partie keren ko stili: „ De so ka de šefe, pošukar nešto - numa khanči“

O Goveremnto dela propozalo dži ko Ofiso tari kompania ikeriba em pšrotektiva magistralno em regionalno drumia „Makedonia pat“ – Skopje te alusarel e Samka Ibraimovski sar v.d. vicedirektorsko pozicia.
Em o Samka odma falingja pe kaj ake leste kamen te alusarel akaja „but importantno funkcia – pozicia!“
Premal leste but si importantno te ovel manuš v.d. vice direktori.
O Ex deputati, minitseri em viceministeri akana arakhlja peske „fotelja“ a oleskere PCER amala nane khančli em „visinena.
Ake o „šefi“ sikavgja plo aktiviteto em maripa e naciake kaset ov legarela, a odova si majimportantno direktorsko than oleske.
A šefe, šefe o socialno mreže akana kjrovena taro komentaria ko stili „taro grast ko her“ em aver. O manuzša čhungarena tut a tu misline deka birišim dela, Sar akana ka ikljove anglal o Roma te rode olendar vota em pativ. So ka vakerel olenge? Našti li pakajaj akj majlačheste sine te ove sine tuke „Ministeri bašo aforizmoa ko FB“ a na agjaar. Numa ako bahtaja neka ovel tuke i finkcia v.d. vicedirektori ki „Makedonia pat“ em neka ovel tuke putardo o drom- avrial tari i politika!

O grupiriba avrial si namukhlo, ama odoleske isi “klasteri ko JSP” si mukhlo em ko majkale divesa

I Makedonia arakhel pen eve kale divencar tari I pandemia , ama bašo purine problemia kana kerel pe lafi ki protektiva e sastipaskoro e dizutnenge. O busoa taro JSP majodoriga oven klasteri tari korona virusi.
Bibahtale slike isi ko socialno netvorko kote dikhela pe sar prepherdo busia taro JSP so si pherde odokhare so našti ni o udara te phanen pe. . Trujal so o problem si panda taro starti tari pandemia , o legaripa thaj I diz Skopje ignoririnela em ko momentia kana I infekcia si rekordno bari, a I Makedonia si them kote isi majučo nivelo taro mule tari korona ko million dizutne.
Idžerati sine jekh taro majkale divesa ki them sine 1.321 inficirime thaj 26 mule, a salde ko Skopje sine uče 583 inficirime thaj 7 mule.
Em ko momenti kana I them šparinela ko sastipa em dživdipa e dizutnenge fakti si kaj sa amende kerena deline , o busia taro JSP ačhina te oven jekh taro majrizično thana baši infekcia tari akaja pandemia.

Duj tikne phenja phirena pernange ko veleško droma te anen thud e tikne bebeske e Medtineske, so nane nangjardo masekoncarc

I Medina em I Elmedina si duj romane čhaja taro Veles taro 8 thaj 9 berša em si duj taro 14 tikne čhave tari Medžude Mustafa so bukvalno pernange ko nilaeskere sandale mangena devlenge ko droma, restorantia te legaren khere hajbaske em thud e štar masekongere bebeske e Metineske . Akava bebe nane nangjardo masekoncar sar bijandiloem si le but rane ki morthik.
Oleskiri daj I Fikrija si 16 beršengiri čhaj jekh taro buteder čhave e Medžudakere našti te arakhel le. Bijangja le khere m soske nane la sastipaskiri kniška, em ekvaš taro čhave nane registririme ko lila bijanipaskere em ni jekh olendar na džala ki škola. I daj sarso vakerel mukhli tani korkoro peste soske olakoro rom na avel em na dikhel e familia. Ov khedel plastika em e lovencar ko than te kinel hajbaske bašo čhave ov pijela len.
„Našti me korkori agjaar kana nane pani, nane toaleti, nane man šporeti kote šaj te takjarav o pani li te kerav hajbaske. A majpahreste si mange kana nane man so te kerav hajbaske em divesencar siem bokhale. Sar tumen ka vakeren tumare čhavenge kaj avdive šaj te han salde jekh drom ko dive jali nane ništo hajbaske?.

Link: https://www.agenda.mk/2020/11/09/%D0%B4%D0%B2%D0%B5-%D0%BC%D0%B0%D0%BB%D0%BE%D0%BB%D0%B5%D1%82%D0%BD%D0%B8-%D1%81%D0%B5%D1%81%D1%82%D1%80%D0%B8-%D0%BF%D0%B8%D1%82%D0%B0%D0%B0%D1%82-%D0%B1%D0%BE%D1%81%D0%B8-%D0%BF%

 

Olivera Katarina pendžarutni akterka taro „Skupljači Perja“ dživdinel korkoro, bizi nikaste nigde, nane la love ni mareske

I srpsko akterka em giljavutni ko mart phergja 80 berša. I Olivera dživdinel sar kiradžika . trujal so sine la bare sukcesia ko sasto regioni em ki lumia a i popularnost reslja ko pendžarutno filmi e Romane tematikaja „Skupljači Perja“.
Oj vakerel kaj si bisterdi taro sa o kolegija em amala ama si la panda plo dostoinstvo em nane nikaste te molinel. Oj angleder desave berša phravde ko ple intervjua vakergja phare dživdinela em sine periodia kana na sinela love ni mareske te kinel.
„Sine momentoa ko mlo dživdipa kana na sine man ni mareske. Sine man but phare momentia, akana na sine man khanči. Ni akana nane man nešto ekstra. Dživdinava sar kiradžika so ka vakeren kaj si čudno kaj ki mli kariera na resljum te kinav mange jekh mlo kher jali aver. Te ovav sine ko Holivud m najpakjavutne ka dživdinasine ko desavo luksuzno kvarti . O Amerikancia respektirinen pire artisten , a akate šaj te oven majbaro talenti ama nane khanči odolestar. Akate aver giljavutne turbofolkeria em avera si but barvale em dživdinena ko baro luksuzi. Dživdinena ko učo piro. Džanena li sar dživdinen o artistoa kate? Ola dživdinen but phareste. Poetia, slikaria, skulptoria , sar dživdinen ola majšukar džanena pšeske a odova si but bibahtalo momenti” vakerel I nekanutni akterka so pali late isi but aktersko rolje em albumia em gilja.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 322 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date