Socijala

O plate si bare o talenti trubul te arakhel pe: Top 10 thema ki Europa so majbut moldinen e bukjarnen

I Švajcariiija si havljardi sar majšukar than ki lumia so akharel em arakhel e kvalifikujme bukjarnen štarto berš ko niče. I them tari Centralno Europa mukhlja e Danska , Luksemburg, Island thaj Švedska ki lumiakiri lista bašo talentia taro IMD, editirime ko štartodi. I Švajcarija si pofalimi ilakere učekvalitetno edukaciakoro sistemi thaj o fokusi ko talenti , em o šajdipa te anel profesionalcia avrial tari them uče dživdipaskere standardea em bare plate. I Danska sikavgja pe lačheste bašo jekh a jekhipa paralela ko sasoitnipa, o Luksemburg sikavgja pe ko kontinuirimo investiriba kop le bukjarne takatia ko agorutne nekobor berša. Ake o top 10 thema ki lista tarp 63 marketia, majbuteder legarde tari Paščimali Europa:
Švajcaria
Danska
Luksemburg
Island
Švedska
Austrija
Norveška
Kanada
Singapur
Holandija
I USA astargja o 15-to than , rangirime palala I Germania (11), Australia (13) thaj Hong Kong (14). I Irska si ko 18-to than, Tajvan 20-to, a I Britania ko 23-to than.
Tele ki lista si I Rusia, Bugaria, Meksiko, Romania, Kolumbia, Brazil, Venecuela, Slovakia. A I India em I Mongolia si agorutne ki lista. I Srbia na sine astardi ki akaja lista.

O Roma taro Kosovo dživdinen ko margine e sasoitnipaske bizo depozito ki edukacia so trubul te ovel

Ko vakti tari i Pandemia e Kovideja i situacia e Romencar ko Kosovo dopherdo si phari em i ekonomsko rig vakerel o reprezetno e romane jekhinake ko Kosovo o Gazmen Salijević.
“Savore džanaja kaj I pandemia kerel problemoa ama trubul te irana amari sama hari em ko Roma so dživdinena taro socialno , kheden sekundarno gunoj jali keren phari fizičko buti.
E pandemijaja bukvalno o familie nane ki situacia te parvaren pe čhaven em ekonomski si but kišle, vakerel o Salijević.
Ov akcentirinel kaj akala Roma so ačhile te dživdinenko Kosovo akana si but phareste em si diskriminirime.
“Ni jekh institucia , si politikani, sociačnojali kulturakiri na kmerel seriozno aktiviteto ko faislakeriba e diferentno problemencar ko Roma taro Kosovo, vakerel o Salijević.
Ov notirinel kaj o Roma si ko margine taro sasoitnipa ama na kaj ola mangena numa o sistemi legarel len odoriga em ko kontinuiteto kerel diskriminacia upral olende.
“ Trujal i bari mangin baši integracia , sadživdipa ni politikane ni sasoitnikane sistemoa na den nisavo suporto em nane iskreno barabutne te nakhaven pe o krize em te ikaven o stereotipoa so isi ko aver nacie mujal o Roma taro Kosovo em majodoriga etiketirinena len“ vakerel ov.
O Salijevič vakerel kaj e Ropmen nane len programsko investicia ki edukacia soske salde e edukacijaja šaj te udžaren sasti jekhin ko avutnipa.

„Taro Roma dži ko Džersi“

Majpakjavutne nane aver sar so si tioično storia kaj isi posvoiba , am ate valjani sine te ovel jekh odoja majpakjavutne nane te ovel storia taro Džael Šusterman Adler.
I Džael so barili ko Fort Lee em akana dživdinel ko Randolf, sako drom džanela sine kaj si posvoimi. Olakere jeria o Marsi em I Herb Šusterman , nikana na garavgje olatar odova fakti.
Ama ni jekh olendar na kergja vorba but odoleske em i Džael na sine zainteresirime . Barili sar jekh bahtalo čhavo m paše pe familijajam arakhli taro ple jerija em but mangli.
Oj na ličnilea sine but ko ple jerija ama na sa čhave em na sine primal olengoro kerdo DNK. A angleder duj berša sar mulo olakoro dat em pomožinel sine pe daja te čistinel o apartmani kana dikhlja jekh dokumenti kaj oj si posvoimi.
„Odova sine čačutno barvalipa” vakergja I Džael “Odova sine sar somnakaj. Odola sine čačutno somnakaj em barvalipaem nikana na dikhljum angleder odova , sine intrigantno. A me salde so phergjum 30 berša. Bari nevebijando diveskiri rotacia.
Odoleske počmingjum te razmislimav em akana isi manh nesave infiormacie anglal mande. So te kerav majodoriga?. Te ignoririnav?. Sar te kerav mlo dživdipa majodoriga? Jali te bistrav sa jali te irianav mi sama akaleske?”

Link: https://jewishstandard.timesofisrael.com/from-gypsy-to-jersey/?fbclid=IwAR0HCmLglFQRQuJOHnfCNNHFsLnOofmANgT12wClCd6wfKSP8iy4ZBROWDI

 

Srgjan Šajn: Ko Kosovo sine mudarde em Roma, soske i Srbia na vakerel akale viktimenge?

O presidento tari Romani Partia o Srgjan Šajn e ministerkake bašo manušikane hakoa thaj niamia taro minjoritetia i Gordana Čomič rodingja ki Srbua te kerel lafi em bašo o Roma sar viktimia kaj si mudarde taro OVK kote so počmingja o krisiba ko Hag. O Šajn ki hramosardi forma akcentiringja kaj „naliparena pe but o Roma ko srbiakere mediumia e,m odova si but bari diskreditacia e Romenge“ . Amen havaja i direktiva taro Kriso em o obdusmano ko desave momentia so notirinela salde e vikrimenge , ama našti havav e averen so akale problemoske legarena pe but selektivno“ vakerel o Šajn. Ov dopherel kaj „o mariba em respektiriba premal sa o viktimia jekh a jekh si fundamento te kerel pe konstruktivno dialogo“ em odoleske akhargja e ministerka te kerel reakcia dži ko mediumia ki Srbia te informirinen korektno . „Pakjav kaj ka kerel reakcia em ka marel pe em e Romenge te vakerel kaj o Roma da sione viktimia ko konflikto ko Kosovo a na salde „kolateralno zijani“ sar aver da minjoritetoa taro Kosovo. Vakerel o Šajn. Ov dopherel kaj „ Ko Kosovo bizo piro mangipe gele peske upreder 100.000 Roma thaj majbut numero olendar si našavde jali likvidirime em mudarde“

Link: https://www.danas.rs/drustvo/sajn-na-kosovu-su-stradali-i-romi-zasto-se-u-srpskoj-javnosti-ne-spominju-medju-zrtvama/?fbclid=IwAR1cwN5y2Q1zVn8W5XtasPX92x3O4NX7llSp7duq2qaEN8BaavchAayHdEQ

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 332 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date