Socijala

Šahpaska – Čupi: O Proektia taro REF si baši pobari inkluzia e Romane čhavenge ko angloškolsko edukacia em si but importantno

O Ministeriumi baši buti thaj socialno politika I Jagoda Šahpaska, arakhlja pe e Redžep Ali Čupi , direktori taro Romano Edukaciakoro Fondi kote o ofisi si ko Beograd, kote diskutiringje e džiakanutne em o aktivitetoa so avena ko proektia taro Fondi , resarinaja taro majbari inkluzia e Romenge ko sasoitno dživdipa prekal suporto em suporto ki edukacia thaj anglosikljojbaskiri edukacia.​
Tari rig e diroktereske taro REF o Čupi sine vakerdo kaj o Romano Edukaciakoro Fondi si le ofisoa ko 16 themna ku Dakšimpurabali Europa , a ki Amari them kerel buti ko duj šerutne proektoa Odova si stipendie e Romane čhavenge so si ko maškartune sikljovne thaj o proekti bilovengoro konkluzia e Romane lhavenge ko angloškolsko edukacia , proekti realizirime tari rig taro MTSP ki kolaboracia e 18 jekhinencar tari lokalno govermento.
Akala proektia implementirinen pe taro 2006 berš em sako berš khuvena taro 350 -400 čhave ko baripa taro 3 dži ko 6 berša kote ki buti si 19 negovatelke Romnja sar kotor taro proekti.
Taro ministeriumi akcentirinena kaj majbaro kotor tari inkluzia e Romane člhavenge ki anglosikljojbaskiri edukaciaq taro januari 2019 , o MTPS konketiringja e Romane čhaven ko gardenia prekal o dende propozaloa taro Govermenti te faislakerel o sistemsko forma sar propozalo dži ko komune te keren tromalipa tari participacia e kerienge akale čhavengere.
Ko vakti taro dikhiba kergja pe diskusia e šajdipaske te oven konektirime em o Roma ki on line edukacia ko angloškolsko periodi ko vakti taro COVID 19 . Te šaj odova te kerel pe o REF del suporto odolea so ka del tabletoa okole Romane čhavenge so nane te ove dikrekto ko gradinek .
O duj riga konkretiringje baši kolaboraica mašjkar o MTPS em o REF te džal majodoriga resarinaja majbari konekcia e Romnenge ko sa o segmentoa ko sasoitno dživdipa , akcentoa ko anglal školsko edukaciakoro proceso.

„Jekh sasoitnipa savorenge, ama na e Romenge“ si serijalo so džala ko kontinuiteti

„Jekh sasoitnipa savorenge, ama na e Romenge“ si kotor taro seriali so akava Govermento sikavel i koorelacia mujal i Romani jekhin.
Pali i avgo epizoda taro seriali „Jekh sasoitnipa savorenge, ama na e Romenge“ kote nane than Romeske – ministeri , ki dujto epizoda nane than bašo Rom viceministero.
Ki trinto epizodo sine – nane Rom ni ko legarutne pozicie ko themakere institucie.
I štarto epizoda – Nacionalno platforma sikljojbaske on line isi ki makedonikani, albanikani, anglikani, bošnjačko, turkiakiri em srbikani ama dikhena kaj nane ki Romani čhib!
Te gelo majadariga akaja „Bandini“ seria taro „Jekh sasoitnipa savorenge, ama na e Romenge“ ma te ovel amnge čudno kana ka avel i epizoda „Parlamentarno, Presidenteskoro jali aver alusariba“ nane te oven tegane vote tari Romani jekhin! Trujal sa ako na o „Režiseri“ ko akava seriali na hilavel desavo „Honoraro“ e epizodake „Alusariba“ em tegani te ovel Romane vote! Ka dikha – te ova saste veste!

Muarem: Trujal so isi kadari, o Roma na astaren legarutne funkcie ko themakere em privatno sektori

O žurnalsito Ramuš Muarem – Cirko, ki panel diskusia ki tema: “ Diskriminacia em bukjarnipa ko themakere em privat sektori” ki organizacia taro CIVIL notiringja kaj hulavipa primal o etnikumo kana khuvel pe ki buti našti te ovel afirmativno decizia thaj odova si kontra Ustavi e themakoro.
„Džanaja kaj siem multikulturakiri them em asavke ande propozalia si dujmujale em čhivde ko atakia, em asavke dekretia šaj anen pobaro hulavipa num,a ekonomsko jali aver stabiliteto” vakerel o Muarem.
Ov vakerel kaj o Roma ki them keren mabut kali ekonomia , soske korkoro dikhena kaj nane len šanse jali o šanse si minimalno te khuven ki buti ko themakere jali privatno sektopri.
„I them kerela zori te eliminirinel I kali ekonomia te šaj te pherel pe e themakoro budžeti em o Roma keren asavki kali ekonomia sosoke nane len konekcia te šaj te keren buti sar oficialno bukjarne , e te čhivgje len ki buti ola si ko tikne kvalifikaciono pozicie taro majtelune ešalonia . dži kote sar legarutne pozicie nane len šanse te resen” vakerel o Muarem.
O Muarem notiringja kaj o bukjarnipa ko themakere institicie em administracia prekal o Ramkovno kontrakto si ko but tikno nivelo. Ov vakergja kaj na kerel pe lafi kaj nane kadria Romane , soske isi buteder diplomirime Roma sar kergja pe Implementacia e Romane dekadake ko periodi 2005 – 2015 berš.
„Ko kriseskere institucie nane bukjarne but Roma , trujal vice nacionalno ombdusmano I Vaska Bajramovska em jekh ko Findavno adalati ko Gostivar em odokhare. KI policia o procenti taro bukajrne Roma si 0.7%, ko Muzeia 0.5% taro Roma (odova si taro resori Kultura) Ko edukaciakere instiotucie Roma so keren buti si ko maškarutne pkole 0,2%, ko fakultetia 0, 3% a ko fundavutne pkoel 0.6% em odova procento si sebepi o duj fundavne škoel ki Šuto Orizari em odoleske I cifra si majuči. O cifre kobor Roma si ki buti si katastrofa” vakergja o Muarem.
Ov vaekrgja kaj o bukjarno profesionaliteto našti ovel kriteriumi savo nacionaliteto si odova kandidati , numa te džanel, džanel te nadžanel, nadžanel.
O Muarem akcentiringja kaj I percepocia kaj o Roma na moldinena pe but si soke I them olende na percepirinela sar so trubul. Ov vakerel kaj o Roma si “kolateralno zijani” so ko nevo Govermento nane Rom ministeri, nane ni viceministeri, nane ni legarutne ko themakere ionstitucie em kompanie , isi salde jekh Romani deputato em odokhare” vakerel o Muarem.
Ov vakerel kaj I them havljarel Direktoriumi numa panda na džanel pe kana ka ovel aktivno em ko ka ovel čhivdo ko odova than ,

O artiklo kergja o Dehran Muratov
Link: https://civilmedia.mk/muarem-iako-ima-kadar-romite-ne-dobuvaat-rakovodni-funktsii-vo-javniot-i-privatniot-sektor/

Youtube:

 

Slovakia: So si I doš ko Roma?

E slovakiakere političaria , konektiribaja em o ex premieri Robert Fico (SMER-SD) em o ekstremno nacionalistikano lideri Marijan Kotleba, lungo vakti istemalkerel e romane minjoriteto sar viktimi (kurbani) ki olengiri polarizacia em politikani agenda. Deceniencar o Roma sine majlokho targeti te ove došarkerde – bange bašo sa o problemia ki them.
O Fico vakerel sine sako drom kaj o Roma “lena love soske kerena čhaven” em istemalkeren o sistemo ki them bašo socialno suporto, a o Kotleba thaj o deputatoa tari oleskiri Nacionalno partia Amari Slovakia (LSNS) but droma tari partia taro Kotleba, humanizirinen e Romen anvakeribaja kaj si ola “parazitoa” . O Milan Mazurek deputato tari oleskiri partia sine em krisime taro Kriso sebepi rasistikane notacie mujal o Roma ko 2019 berš em sar rezultato odoleske ov našavgja piro deputatengoro mandato.
O Belak autori e neve studiake vakerel kaj si but problemia ko hulavde romane jekhina , ama vakerel kaj o manuša nane došale. Majproblematično lokacia buteder droma sine prezentirime ko slovakiakere mediumia , sar “simptomatikane” si len jekh nukta: ola ko disave historikane periodoa , I komuna lele desave diskriminatorsko jali zorale konsekvence mujal desavi romani jekhin. „Odova si okova so konektirinela sa odola kritično thana” vakerel o Belak. Sar tikni paralela akava trendi si sar identično ko nevekerde diskusie bašo West Europa ko implikacie taro kolonialno era jali ki USA sar tradicia ko robia em rasno diskriminacia. I Slovakia ki akaja konotacia nane khanči diferentno „O butipa nane hazri te lel desave konkretno konsekvence” vakergja o Belak sio odova anavkergja le sar “ indirektno rasizmo” “Upral I funda taro akala fer -niamia, o Roma ko romane mahale panda si alhavde ko majtelune punktia em nane len hango” vakergja ov.

Link: https://balkaninsight.com/2020/09/30/slovak-roma-strive-for-better-lives-despite-extreme-poverty-report-finds/?fbclid=IwAR1XaorFkM3jK8vTFN4WvA1Eh7hf660tEkeyD-YF_o-kDKQaDUgkmQLhobE

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 126 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date