Kana neko nakhela taro limoria em te dikhljen olen kaj asala ka vakeren eske kaj si ladžavo odova so kerela. Numa na em ko jekh tikne romane limoria ki Vranjsko Banja. O mule keren asajbe ko dživde pire slikencar taro majšužo dživdipaskoro periodi so čhiven ko ple limoria, tikne šale em anegdote so tergjona odothe.

Ko jekh pakjala pe kaj ko odola limoria parumi si em i pendžarutni Koštana. „Na džanava numa gindinav kaj akala limoria si jekhutne asavke. Asavke aktia premal o Roma so dživdinen akate si salde te ikeren i memoria premal o mule ko majlačhe leskere momentia dživdipaskere . O Roma akana si emancipirime, numa palem ikeren piri tradicia“ vakerela o Slavomir Kostić.

Ov vakerel kaj i emancipacvia ko Roma na reflektirinela pe ko olengoro gindipa kote o dživdipe si čhivdo anglal o meripa em premal olende o dživdipa si majimportantno akti aso o meripa em odoleske ko limoria ki romani mahala Čosiki isi fotografie kote o dživdipa si čhivdo anglal o meripa, em i mangin sakone dromeske o mulo te ovel pamtimo premal o šukaripa em lošalipa so kerel sine sa dži kote sine dživdo.

Bibahtake o romane limoria akana si hari pomikhle, bare čajrencar em korovea. Ko limorengere meremrno ploče ko fotografie taro mule isi neko sar khelela, bašavela, giljavela ... Isi fotografie mikrofonea sar giljaven jali sar bašalena harmonika, truba , sajzerai em aver. Ko jekh nane interesno salde olengere slike numa interesno si em o tesdktoa – epitafia so si hramosarde ko limoria. Ko jekh sar egzamplo tergjol em hramosardo si: „Mulo ko vakti operaciake taro krajnikia“  jali aver limoreste hramosarela sine: „ Mange sine te kere buti, mange sine te hohave, akana ko than khere odmorin tut akate“.

Link:https://www.telegraf.rs/vesti/srbija/3236820-kroz-ovo-groblje-prolazi-se-s-osmehom-samo-u-vranjskoj-banji-je-normalno-da-mrtvi-zabavljaju-zive

Utarpaščimali Bugaria si majčorolo region ki Europa. A odothe ki kinara e lenjake Dunav ko gav Dolni Cibar, dikhela pe kulturakoro fenomeni- 90% taro dizutne si Roma seriozno em realno manginaja baši edukacia, sebepi so o gav sine anavkerdo em sar “Romano Kemridž”.

Penzioneriam čhave, jeria – sako sikljol em kamel te sikljol , ola džanen bašo Harvard em džanen kaj i edukacia si majimportantno. Ola sikljona peske „ na udžaren averendar“ džanen baši i propoaganda em na den piri vota soske na kamen te ove iskoristime  em kinde“bašo kebapia“. Nesave političaria avena numa o problemoa ko odova regioni si beršencar purane.

Sar so vakerel jekh purani vakerin” Ov uzal o pani, a trušalo ka dža tuke” Dživdinen trujal o Dunav ama pani pijena tari pumpa , so si bakteriološko rumimi em nasvaljovena . I infekcia nane epidemiološko. Olengere khera si čorolikane ama šisto em lačhe. Paše sare si evangelistoa džana ki khangiri em o pastor dela len drumo sar te arakhen pe ko nilačho em lačho momento.

Ola sikljoen em I anglikani čhib, Olende sikavel o 25 beršengoro Anatlij so si hemime darhiencar . Ov dživdine ko gav Vulhidron e make pandž berša dromarela 18 kilometria ko dive te šaj te educirinel e Romen taro Dolni Cibar.

Scenaristo akale dokumentarcoske si Asen Vladimirov, a I režija tari Eldora Traikova.

Link: https://bnt.bg/bg/a/keymbridzh?fbclid=IwAR3JvS-h_Nj19itWEQnMjrqBRmZ7PSJhgZYkvV0__fdTseo9UV1ecH_t9mg