Socijala

Muarem: Trujal so isi kadari, o Roma na astaren legarutne funkcie ko themakere em privatno sektori

O žurnalsito Ramuš Muarem – Cirko, ki panel diskusia ki tema: “ Diskriminacia em bukjarnipa ko themakere em privat sektori” ki organizacia taro CIVIL notiringja kaj hulavipa primal o etnikumo kana khuvel pe ki buti našti te ovel afirmativno decizia thaj odova si kontra Ustavi e themakoro.
„Džanaja kaj siem multikulturakiri them em asavke ande propozalia si dujmujale em čhivde ko atakia, em asavke dekretia šaj anen pobaro hulavipa num,a ekonomsko jali aver stabiliteto” vakerel o Muarem.
Ov vakerel kaj o Roma ki them keren mabut kali ekonomia , soske korkoro dikhena kaj nane len šanse jali o šanse si minimalno te khuven ki buti ko themakere jali privatno sektopri.
„I them kerela zori te eliminirinel I kali ekonomia te šaj te pherel pe e themakoro budžeti em o Roma keren asavki kali ekonomia sosoke nane len konekcia te šaj te keren buti sar oficialno bukjarne , e te čhivgje len ki buti ola si ko tikne kvalifikaciono pozicie taro majtelune ešalonia . dži kote sar legarutne pozicie nane len šanse te resen” vakerel o Muarem.
O Muarem notiringja kaj o bukjarnipa ko themakere institicie em administracia prekal o Ramkovno kontrakto si ko but tikno nivelo. Ov vakergja kaj na kerel pe lafi kaj nane kadria Romane , soske isi buteder diplomirime Roma sar kergja pe Implementacia e Romane dekadake ko periodi 2005 – 2015 berš.
„Ko kriseskere institucie nane bukjarne but Roma , trujal vice nacionalno ombdusmano I Vaska Bajramovska em jekh ko Findavno adalati ko Gostivar em odokhare. KI policia o procenti taro bukajrne Roma si 0.7%, ko Muzeia 0.5% taro Roma (odova si taro resori Kultura) Ko edukaciakere instiotucie Roma so keren buti si ko maškarutne pkole 0,2%, ko fakultetia 0, 3% a ko fundavutne pkoel 0.6% em odova procento si sebepi o duj fundavne škoel ki Šuto Orizari em odoleske I cifra si majuči. O cifre kobor Roma si ki buti si katastrofa” vakergja o Muarem.
Ov vaekrgja kaj o bukjarno profesionaliteto našti ovel kriteriumi savo nacionaliteto si odova kandidati , numa te džanel, džanel te nadžanel, nadžanel.
O Muarem akcentiringja kaj I percepocia kaj o Roma na moldinena pe but si soke I them olende na percepirinela sar so trubul. Ov vakerel kaj o Roma si “kolateralno zijani” so ko nevo Govermento nane Rom ministeri, nane ni viceministeri, nane ni legarutne ko themakere ionstitucie em kompanie , isi salde jekh Romani deputato em odokhare” vakerel o Muarem.
Ov vakerel kaj I them havljarel Direktoriumi numa panda na džanel pe kana ka ovel aktivno em ko ka ovel čhivdo ko odova than ,

O artiklo kergja o Dehran Muratov
Link: https://civilmedia.mk/muarem-iako-ima-kadar-romite-ne-dobuvaat-rakovodni-funktsii-vo-javniot-i-privatniot-sektor/

Youtube:

 

D-r Božidar Boškovski ka ovel o nevo ginekologo ko Šuto Orizari

O doktori Božidar Boškovski ka ovel o nevo ginekologo ki komuna Šuto Orizari, informirinena taro Ministeriumi bašo sastipa. Odothar vakeren kaj ko olengoro mitingo o ministeri sastipaske Venko Filipče em o ginekologo d-r Božidar Boškovski diskutiringje bašo phravibe I ordinacia , resarinaja o džuvlja tari akaja komuna te ovel len sastipaskiri opseravcia.
„I lokacia si arakhli sine phanlo kontrakto ko vakti taro dikhiba e resorno ministeriumi te anel aparatura odole ordinaciake. Sa e džuvlen taro Šuto orizari akana ka ovel len ginekologo so ka opservirinel lengoro sastipa. O d-r Boškovski si purano ginekologo so ka ovel ko raspolaganje sa e pacientenge ki akaja komuna” potenciringja o ministeri Filipče.

Beograd: Skinhedsi kergja atako upral Rom thaj Romni ko busi, o aver manuša salde dikhena sine

Ko socialno netvorko FB iklili informacia so brutalno sine marde Rom thaj romni ko busi ko Beograd.
Prekal o svedokia so dikhle akava akti o incidenti ulo idžerati ki linia numero 706.
Ko FB statusi hramosarel: „ Erat paše ko 18 o časi ko busi numero 706 jekh tikno geralo nacisto zorale margja Rome em romnja. Bizo te keren khanči o Roma khuvgja len vastencar em prencar ko šero. Ola roden sine neko te chidel len em rovena sine. Ko busi sine paše 60 manuša so e tikne kretenske duri dengje le suporto sar te ikljol em kori te našel taro busi, kana nesar molingjum e šofere te ačhol ko jekh stasioni kote sine duj policajcoa. Sa o trin džene iklile taro busi em ko vakti kana huljavav sine e Romengere gonoja taro busiem vakerav sare avera barabutne te vakera so kergja o tikno nacisto ko busi e Romenge o aver manuša vakergje kaj sium delini em te vakerav korkoro soske olende na insteresirinela len „hramosargja i rakhli.
Ok hramosargja kaj o policajcoa mukhle e „tikne nacisto“ a i medicinsko ekipa legargja e Romen ko hospitali. „Akana na džanav sar tane soske alo olengoro čćhavo te lel o torbe , ama džanav kaj si akava bari ladž e sa aver manušenge e policiake em e doktorenge, a nadžanav ka ikljol pe li akaleske em ko kriso“ hramosargja i rakhli ko FB. Akale akteske panda nane nisavo reakcia taro themakere institucie.

Link: https://mondo.rs/Info/Crna-hronika/a1380333/Skinhedsi-napad-na-rome-u-autobusu-na-liniji-706.html?fbclid=IwAR1z8J1TTTGumWIxZioB6O--zy3rfkxxaGjr8wI2s2cutvRXYBz76wwyEec

Naoficialno: Ko sig vakti ki komuna Šuto Orizari ka počminel bukjaja i Ginekologia!

Taro pire hainga o portali Roma Times džanela kaj ko sig vakti majpakjavutne taro o masek so ka avel ka profunkcionirinel o Ginekološko ordinacia sar kotor tari i Ambulanta ko Šuto Orizari.
Palo o agorutno bibahtalo akti kana muli jekh Romani khamni džuvli thaj olakoro bebe ko GAK so ulo angleder deš divesa sar te konektiringja o „lolo alarmi“ bašo lungoberšengoro problemi ko personalno (matično ginekologo) ki komuna Šuto Orizari.
Prekal o notacie o Ministeri sastipaske Venko Filipče , o romano deputati ko Parlamenti i Ljatifa Šikovska, e dizjakoro šerutno e komunake Kurto Duduš thaj i Inicijativa e Romnjengiri taro Šuto orizari ko piro agorutno mitingo angje decizia kaj ka len pe konkretno aktia ki realizacia akale problemoske. Prekal olende o Ginikologo si arakhlo so korkori da mangel te kerel buti odothe. Akana udžarela pe te anen pe moderno aparatura baši i ordinacia em signatura ko koncesionersko kontrakti ko 4 berša. Ko jekh ki ordinacia ka kerel buti em asistenti medicinsko personali – Romani medicinsko persona so ko starti ka ovel pukjimi tari i komuna a palo odova ka ovel pukjimi taro korkoro ginekologo. O strati tari Ginekologia udžarel pe te počminel bašo jekh masek. Ko jekh o portali Roma Times vakerel kaj ko siga vakti udžarel pe i Ambulanta ko Šuto Orizari te ovel la em Brza Pomoš pire vordonea em personali taro doktori em šoferi.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 111 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date