Socijala

Polovo dikriminacia: Ko nevo Parlamentarno khedipa panda pohari džuvlja taro anglutno parlamenti

E Themakiri alusaribaskiri komisia idžerati havljargja naoficialno rezultatia taro dešto ko nice parlamentarno alusariba ki Makedonia. Premal o TAK I kolaicia “Amen Šaj” legardi taro SDSM ko nevo parlamenti ka ovel la 46 deputatia, I kolaicia legardi taro VMRO-DPMNE 44, DUI 15, I Aliansa Albancingiri thaj Alternativa 12, I Levica duj em DPA 1.

O aver enja partie em koalicie so lele zhan ko akala alusariba na resle te len deputatengoro mandato. Taro kandidatia bašo deputatia so khuvgje ko Parlamento , 79 olendar si murša a 41 deputato si džuvlja. Kana ka kerel pe paralela ko anglutno parlamentarno khedipa  kote sine 75 deputatia murša em 45 deputatia džuvlja  ka dikhel pe kaj ko akava Parlamentarno khedipaisi dominantno pobuter murša deputatoa.

Familiarno maripa taro mulo Nazif Mujić: Ni o filmi na dengja suporto te ikljova taro o čorolipa!

Sar so si pendžarde o Nazif Mujić sine pendžarde prekal i rolja ko filmi „ Epizida taro o dživdipmanušeske so khedel stastrna“ ko 2013 berš sar naturščiko ulo pendžardo sakote em reslja o phursako „Silver Baear“ ko Berlinale. Odova angja leske baro populariteto  thaj pakjiv kaj ka ovel le majlačho dživdipa. Numa mulo ko 2018 berš ko 48 berša.

Odova tikno populariteto na angja leske baro finansisko benefit  em bikingja em pli statuetka te šaj parvarel pe familia.

Pali peste mukhlja e romnja i Senada em štar tikne čhave . Dživdinel ko gav Lukavac ko jekh taro majčorole kvartoa taro kantoni Tuzla.

Bizi elektrika, pani sanitarno nevorko em love.

I Senada Arapović vakerel kaj na dživdinel ko purano populariteto taro piro rametlia rom numa mangel te informirinel savoren kaj sine dende bare lafia taro lokalno legaripa em filmsko bukjarne numa khanči odolestar.

Oj vakeren kaj divdinen savore ki jekh soba, a struja lena taro o komšia kaske ko masek pukjinen 25 eura ko masek.

Hana tari nacionalno kujna. Sebepi i korona ola na keren buti sar khediba sastrna.

„But sium bibahtali taro režiseri o Denis Tanović em i ekipa. Na rodingje man ni jekh drom sar mulo mo roma“vakerel i Senada.

Fakti si kaj šaj o filmi sine le šukar konotacia em idea amam na kergje khanči amenge. Palo o Nazif ačhile štar čhave, majbari si i lčhaj i Šemska 13 berša, a majtikno i Minela 1 berš thaj efta masekoa. E Sandra si la 11 berš a o tikno Denis pherel 7 berš em akana ka počminel ki škola..Barabutne savore pe dijaja e Senadaja kjeren mariba baši fundavutni egzistencia.

 

Link: http://www.portal-udar.net/borba-porodice-preminulog-nazifa-mujica-se-nastavlja-ni-film-nam-nije-pomogao-da-izbjegnemo-siromastvo/

Ljatifa Šikovska avgo Romni deputato ko makedonikano Parlamento

I Ljatifa Šikovska si taro Šuto Orizari, diplomirimo profesori pali sportsko kultura em direktori ki NGO “Ambrela”. Oj sine kandidati taro SDSM em I koalicia “Amen Šaj” ko AJ 2 legardi taro Oliver Spasovski.

I Ljatifa angleder te ovel ko Uče pozicie ko SDSM deceniencar napalal si pendžđardo romano aktivisti , so kerel sine maripa ki sako forma ki implementacia e fundavutne manušikane niamia em protektiva e čhavenge.

Oj džanela sine but droma te vakerel: “Me na bešav ko ofiso, o ofiso si mange sar tehnikano servisi kote hazrkerav man, a ko princip sa akala berša kerav terenski buti, soske džanav kaj ko teren dikhe o realno situacia e Romengiri em primal odova problem keraja proekti”.

Oj akcentirinel kaj jekh taro majbare problemia ki romani jekhin si nanipa dokumentoa.

Akana kana ka bešel ko deputateskoro than olakiri šansa si odola problemia te animirinel  em te kanalizirinel len ko Parlamento.

„Amenge si importantno čače te arakhern pe sistemsko faisalia , em odola faisalia trubul te oven konkretno aktia em aktivietota, akciono planoa , strategieem ekstra programia, progresivno te šaj o Roma te arakhen piro than ko akava sasoitnipa, soske amen da o Roma keraja benefit prekal amare finansie akale themake so hardžinen love.

Sar sako dizutno ki akaja them “, vakerel I Šikovska.

I avgo Romani džuvli deputato ko makedonikano Parlamento ko jekh legarelal la jekh ekstra gind taro o Čarls Bukovski a odoja si: „ Ka kurtalinen i lumia ako den suporto e manušemge jekh palo jekh. Sa aver si romanitzmo em politika“.

Gitaraja mujal i represia

Angleder duj masekoja iklilo o indisko filmi Gypsy taro režiseri o Raja Murugana, pendžardo režiseri so kergja buteder filmia kote majpendžardo o Joker. O romane organizacie dena stalno kritike o arti so legarela o anav o Gypsy sebepi o diskrimiatorsko korelacia e lafeske sar so si (e akana sig sikavdi amerikansko psihološko seria  Gypsy) o Murgan ačhilo kašuko ko odoja forma kritike jali na šungja odola kritike.

Trujal o nakorektno refleksia e filmeske oleskiri mangin sar so vakergja sine te kerel pozitivno storia em forma taro nomadsko forma dživdipaske so o Roma dživdinen sine šelberšipaja. Ko jekh ki odoja forma o režisero dela kritika e relevantno sasoitno problemi, sar so si o terori maškar o nacie, religie em kaste.

 

Link: https://phralipen.hr/2020/05/27/gitarom-protiv-represije/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 122 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date