Socijala

O Roma si buteder droma bisterde taro Holokausto. O familie taro o viktimia keren maripa ma te ovel pobuter agjaar

Ko 1943 berš o nacistia kergje specifično kotor ko kampo Aušvic Birkenau notirime sar „Romano logori“ Paše 23.000 Roma sine deportirime ko Aušvic kote 21.000 sine mudarde egezkuciaja jali ko gasno komore.

I politika taro genicido sine klar ko lil hramosarde taro Himler ko 1944 berš kote vakerdo si kaj “I kerdi evakuacia em izolacia” e Jaudienge em e Romenge si direktiva mujal olende nane pobuter sar obligacia.

Kotor taro o mudaripa e Romengoro nakhlja bizi decizia buteder familie nadžanen so ulo olengere majpaše familiencar. Sako kurko o rodaripa tari Libroteka Holokausteskoro e Romenge ko Viner, džovaplime te dikhel ITS kontaktirinel e manušen em pakjal kaj ka havel so ulo olemgere majpašencar.

Okova so ulo olencar buteder droma si morbidno. Ko 1938 berš o d-r Robert Roter legarutno ko Centro rodaripaske rasno higiena ko ofiso sastipaske ko Rajh , počmingja proekti resarinaja te kerel analiza taro “rasno karakteristike” e Romenge.

 

Link: https://time.com/5719540/roma-holocaust-remembrance/?fbclid=IwAR03LeVS5rTSgjYuP_4EgHIxUbSUKDmziKk3IprQyPJX1V-_PfubS0Tt_qU

Bugaria: Namangle, phanle, deportirime, diskriminirime. O Romano minjoriteto ki Bugaria

O Roma ki Bugaria deceniecar si diskriminirime ki piri them. Ko than suporto primal lende isi natolerancia so resell en. I Korona Pandemia panda pobuter kergja vakerel o Krasimir Kanev. I Sofia si šerutni diz kote si la 1.5 milionia dizutne em sine popularno turističko destinacia e europakere turistonge anglal I Korona. Odola turistia fotografirinen sine I gigantsko katedrala  ko Nevski taro sa o riga. Dikhena sine bara purine 4.000 berša ko metro stasiono “Serdica” em phiren sine ko bulevaro Vitoša, kote pien sine kafa em hana sine hajbe. I Bugaria sikavel sine nesave kotora tari I diz e turistonge . Pobuter lokalno dizutne nadžanen sine bašo mahale Fakulteti em Orlandovca duj majbare romane mahale. Okova so e britaniakere, franciakere jali germaniakere turistia ka dikhen ko desavo kotor e dizjake te gele odori ka dikhne banana republika. A o Fakulteti si Europakiri Unija oficialno kana ko 2007 berš I Bugaria khuvgja ki EU.

Ko akala kotora tari  Sofia so ni jekh ki Bugaria na kamel te dikhen olen em te šunel olen o čhave legaren melale šea. Buteder familie dživdinen ko phage khera  bizo takjariba em sanitaria. O dizutne ko odola mahalisi bizi edukacia. Salde hari si len piri buti. Emo la si diskriminirime ko sa o sfere bukjake.

 

Link: https://berlinspectator.com/2020/07/21/hated-incarcerated-evicted-discriminated-bulgarias-roma-minority/?fbclid=IwAR2wR-0G1QAVdF4P1P7T6T25oHZ1O9GpL4Mc3L_HBJNstMREYFKTlfixt8s

Liparin: 22 berša taro meripa taro Sait Balić

O Sait Balič si biame ko 3 januari 1932 berš ko Niš.

Ov sine but šukar atletičari em fudbaleri. Ov ulo aktivno ko Romano kulturakoro khedipa KUD “ Ibo Ademović” ko Niš. Ov khedingja piri generacia taro prosperitetno Roma em počmingja I misia “emancipacia e Romenge” . Prekal piro egzamplo taro educirime, politikane em socialno aktivno Roma ov irangja I sama taro avera da em fokusiringja pe ki idea manušikane hakoa, edukaciaem arakhiba thaj džangaviba e nacionalno prioritetsoke ko Roma ki Jugoslavia.

Ko trinto IRU Kongreso o Sait Balić sine alusardo sar Presidento taro IRU.

Ko rook taro o duj mandatoa ov kergja nevo koncepto tari I buti taro IRUem programa taro aktivitetoa.

Akaja organizacia sine lendi ko UN em reslja NGO satusi ki Organizacia taro Unime Nacie.

O neve bukjarne programe sine lingvistikabi standardizacia, kulturakiri trampa, reparacia taro Dujto lumiakoro maripa, protektiva e manušikane niamenge (kolektivno em individualno) prioritetoa ko EU em Europakoro Konsilo.

Ko oleskoro aktiviteto em rezultatia ov reslja buteder phuraskoa. Majimportano si akala:

  • Phursako Vuk – somnakaeskoro liloro,
  • Somnakaeskiri učahrin – Kulturakiri em edukaciakiri jekhin an I Srbia,
  • Phursako „1 Maj“ (Avgomajsko phursako) e dizjake Niš,
  • Oktomvrisko phursako tari diz Niš,
  • Medalja bašo zasluge somnakaeskere logoa.

O reformatory em o “Baro rom” o Sait Balić mulo ko 20 juli 1998 berš ko niš em parume kop romane limoria ko Niš.

Pendžarutno aktivisti bašo Romane hakoa o Laslo Bogdan kergja korkoromudaripa

O Laslo Bogdan 46 beršengoro dizjakoro šerutno ki komuna Cerseri , Ungaria, pendžardo političari thaj aktivisto bašo Romane hakoa mulo ko palokurko rakjate, informiringja o sajto informacienge “ Herklin”. Citiribaja o levičarsko portalo havljarela jekh taro majpendžarde romane pendžarde persone ki Ungaria kaj korkoromudargja pe.

Ko momenti I policia kerel rodaripa sar mulo o aktivisto Romane hakoengeo Laslo Bogdan. O kabineto taro dizjakoro šerutno sine informirime oleskere meripaske ko dujtodi vakergja I Gizela Pap, bukjarni ki komuna. Oleskiri familia rodingja ma te den pe dopherde detalia o motivonge . Premal o romani gazeta Romnet, oleskoro trupo arakhlo ko pogono artikliribaske kana humlavgja pe.

Ko nakhle berša kerel sine buti sar lidero e Romenge em arakhlja pe buteder konfliktoncar so prekal oleskiri gind čhinaven sine i integracia e Romengiri.

 

Link: https://hungarytoday.hu/roma-rights-activist-laszlo-bogdan-suicide-2/?fbclid=IwAR1JEUvlSnn0vkwa0inV4dP-htXIOWfBI4EDDFr7lwwSD-rL03JqznWdy34

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 238 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date