Socijala

Andi decizia I Makedonia thaj I Albania te startujnen o lafikeriba bašo khujbe ki EU

I Europakiri Unia angja decizia start taro lafikeriba tari Makedonia em Albania te khuven ki EU . I informacia kop lo “Twitter” notiringja la o eurokomesaro buvljaripaske o Oliver Varhei

 

„But sium čalo so sa o membroa thema ki EU resle politikano kontrakti te phravel pe I faza start ko lafikeriba te khuvel pe ki EU e Nort Makedoniaja em e Albaniaja.

 

Bahtarava e duj e themenge . Akava si perspektiva em zoralo bičhavdo mesažo bašo Paščimalo Balknai kaj tumaro avutnipa si ki EU” hramosargja o Varhei.

 

Link: https://makfax.com.mk/makedonija/e%d1%83-%d0%b4%d0%be%d0%bd%d0%b5%d1%81%d0%b5-%d0%be%d0%b4%d0%bb%d1%83%d0%ba%d0%b0-%d0%b7%d0%b0-%d0%bf%d0%be%d1%87%d0%b5%d1%82%d0%be%d0%ba-%d0%bd%d0%b0-%d0%bf%d1%80%d0%b5%d0%b3%d0%be%d0%b2%d0%be%d1%80/

Ki Bugaria I temperatura e Romengiri kontrolirinen prekal dronia

O krizno štabi ko maripa mujal buvljariipa taro koronavirusi ki diz Burgas angja decizia o dizutne ko romane mahale I temperature te kontrolirinel pe prekal dronia , vakergja I televizia BTV.

 

„Angjem decizia te probina jekn nivi forma ki kontrola I temperatira e dizutnenge ki romani mahala. Ko sig vakti ka kera akala kontrole I temperature ko Roma istemalkeribaja dronia so si len termovisoria” vakergja e dizjakoro šerutno taro Burgas o Dimitr Nikolov.

 

Ov vakergja kaj o droni ka šaj te notirinel uči temperature ko manuš so si ki grupa manuša.

 

Sar so si notirime taro bugarsko mediumia ko mahale kaj so si o Roma isi baro thanjariba tari I policia  so kontrolirinen dali respektirinel pe I situacia em o karantini.

 

I Televizia Nova vakergja kaj I Romani mahala Fakulteti ki Sofia kerde si duj kontrolno punktoa em akcentirinen kaj I situacia odori si stabilnoSebepi I situacia ko momenti sebepi I situacia e koronavirusea ko sa o regionalno centroa ki Bugaria (isi 28) konetktirime si kontrolno punktia.

 

You tube: https://www.youtube.com/watch?time_continue=1&v=b1B2TsJGfrw&feature=emb_logo

O Balkancia majhari darana tari Koronavirusi

O rodaripa taro „Galup“ sikavgja kaj upreder 70% taro manuša ko Balkani pakjana kaj I koronavirusi nane odokhar bare daravin sar si sikavdo. O rodaripa vakerel kaj akava šaj udžarel pe sine ko regioni  so siklilo te oven kriye , havljarel “Dojče Vele”

 

Aso o rodaripa 62% o manuša ki lumia darana pe sastipaske a paše 56% vakeren kaj I riziko nane odokhare baro sar so vakerel pe. Akala resultatia notiringja len I Agencia  “Galup” upral I funda tari anketa kerdi ko 20.000 persone ko 26 thema.

 

O Presidento taro “Galup”o Kančo Stojčev vakerel kaj o rezultati nane kontradiktorno sar so dikhel pe ki avgo percepcija.

 

Ko Balkani panda nane bari dar , ko anketirime trin thema. Prekal I anketa I North makedonia em BiH paše 73% taro manuša o virusi si sikavdo bare rizikoa trujal so ola odova na pakjana a ki Bugaria 72%.

 

„O Balkani beršencar si importantno centro. Ko asavke thana o intenzinteti tari historia si učeste, so sikavel kaj akate sine buteder krize so nakhavgje pe” vakergja o Stojčev.

 

Kontra odolestar o Paščimali Europa paše 70% taro manuša vakeren kaj o virusi si čače baro riziko.

LSO notirinela – O terne nane imuno ko nevo coronavirusi

O terne manuša nane imuno ko koronavirusi em si čhivde ko riziko taro seriozno nasvalipa , em meripa, em čhiven ko riziko pire majpašen so si phureder odole so na keren izolacia , notiringja e Lumiakiri Sastipaskiri Organizacia.

 

„But baro kotor“taro pacientia so si tretirime ko hospitalia taro nevo koronavirusi Covid 19 ki sasti lumia sine telal 50 berša, vakerel o LSO ko šartia kaj isi riziko buteder na havgje o riziko  tari akaja pandemia.

 

„Avdive si man mesažo dži ko terne:”Tumen o terne da sien telal baro riziko” vakergja o generalno direktori e organizaciakoro o Tedros Adanom Gebrejsus.

 

Keribaja lafi ko brifingo e mediumenge ko paraštuj ov vakergja: „ Akava virusi šaj čhivel tumen ko hospitali kurkencar em šaj te mudarel tumen . Em te na oven nasvale , i alusar so ka keren kaj šaj te džan šaj te del paralela mašakr o dživdipa thaj meriba nekaske avereske“

 

Pobuter taro 10.000 manuša ki sasti lumia mile taro koronavirusi kana iklili I epidemia ki Kina ko agor persi beršeske. O aktia taro nasvale ko globalno nivelo reslja 210.000 vakeren taro LSO.

 

O phureder em manuša aver sastipaskere problemencar si ko majbaro riziko taro seriozno nasvalipataro koronavirusi.

 

Numa o šefia sastipaske ki Italia majphare targetirime themaja , notiringje kaj isi baro numero em terne pacientia so roden hospitaleskoro tretmano.

 

Paše 12% taro okola so sine hospitaliuzirime ki intenzivno ki Italia si maškar 1q9 thaj 50 berša, aso oficialno numero editirime persi kurko.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 188 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date