Socijala

E dizjakoro šerutno tari komuna Šuto Orizari del propozalo: Korkoroizolacia sa o dizutne taro Šuto Orizari so avena taro europsko thema so si ki loli zona sebepi korona virusi

Ko piro FB profili e dizjakoro šerutno ki komuna Š.Orizari Kurto Duduš hulavgja statusi kote si notirime: „ O agorutne nekobor divesa ko Šuto Orizari reslje baro numero amare Roma, so si gastarbajtera ko stranstvo“

 

Aso o propozalia tari Komisia baši protektiva taro infektivno nasvalipa sa okola amare dizutne so avena taro thema so si notirime sar „loli zona“ te keren testi baši korona virusi bizi diferenca si li pozitiv jali negativ  em te čhiven pe ki korkoroizolacia.

 

Taro odova aspekto ka dav propozalo ki avutni bešin e Konsiloske so ka ovel ko 19.03.2020 – Štartodi te anel asavki decizia.

 

Ko jekh kamav te dav propozalo te limitirinel pe o bukjarno vakti e potikne dukjanenge, butikia e kurke te šaj minimizirinel pe o riziko tari infekcia e e virusea maškar o dizutne“ vakerel ko plo FB statusi e dizjakoro šerutno ki komuna Šuto Orizari o Kurta Duduš.

O EVN thaj JP “Vodovod I kanalizacia” nane te čhinaven bašo napukjime fakture ko akava periodi – I Agencia bukjake nane te kosel tari evidencia e bibukjarnen

O EVN nane te čhinavel I struja e dizutnenge , sa dži kote si o preventivno aktia tari protektiva e viruseske , vakeren tari I kompania. Odothare den apel ten a sine urgentno te aven ko punktoa e kompaniakere, emo kola so šaj te istemalkeren o elektronsko notacie.

 

Ko jekh o JP „Vodovod i Kanalizacia – Skopje“ aso i nevi situacia e korona virusea ki amari them em i apel tari Regulatorno komisia baši energetika vakerel kaj ko akava periodi sa dži kote si akala konsekvence taro Govermeno em o Ministeriumi sastipaske a te čhinavel pe o buvljaripa e infekciake , nane te čhinaven o pani bašo napukjime borčia.

 

Em tari agencia bukjake informirinena kaj nane te oven kosle tari evidencia sa okola bibukjakere ko akava periodi te na kergej registracia ko sistemi.

State Departmenti: O Roma majteleperavdi grupa ki BiH

O Roma, a ekstra o Romnja majodoriga si majteleperavdi Р em majdiskriminirimi grupa ki BiH. Ola si diskriminirime ko kherutnipa. Sastipa, edukacia em ko bukjarnipa. Paše 95% si bizi buti.

 

Akava si akcentirime ko raportoa baši i situacia e manušikane niamenge ki BiH ko 2019 berš kote ko trintodi havljargja o amerikansko Stejt Departmenti . Kerel pe lafi bašo raporto kote o amerikansko govermento kerel le themenge ki sasti lumia kote kerel analizesa importantno aspektonge ki situacia e manušikane niamnege.

 

Baro numero Roma ki BiH si bizo khera jali nane len kanalizacia em struja ko ple khera.

Pobuter taro olengere khera si pherde manušencar em nane olen dokumentia kherengere,

Upreder 75 % olendar dživdinen ki segregacia vakerel pe ko raporti.

Ko jekh džala majodoriga i implementacia e akciono planenge bašo Roma ko periodo

2017-2020.

 

Link: http://www.portal-udar.net/state-department-romi-najranjivija-grupa-u-bih/

 

I EU dela po 2.000 eura , o migrantia ki Grcia te iranen pe kop le thema

I Europakiri Unia ka del sakone migranteske so si thanjardo ko akana pherde kampoa ko grčko džaziria po 2.000 eura te iranel pe kip li them, vakergja I komesarka andrune bukjenge ki EU I Ilva Johanson ki Atina, palo kerdo kontrakto e grčko govermentea.

 

Oj vakergja kaj akaja opcia si momentalno ka ovel salde jekh masek em si e migrantonge so avile ki Grcia angleder o 1 Januari.

 

Oj akcentiringja kaj paše 5.000 migrantoa pheren sa o šartia korkoro te iranen pe vakerel o BBC.

 

Šelencar migrantia akava masek brodea resle ko grčko džaziria ko pašipa tari Turkia , bajraripaja I presia uparl o centroa so lena len. Ko kampoa isi pobuter taro 37.000 migarantia trujal so šaj te akomodinen salde 6.000.

 

I Johanson vakerela kaj efta thema membria ki EU dengje akcepcia kaj šaj lena majhari 1.600 čhaven bizo jeria kaske esapinen kaj si but teleperavde.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 188 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date