Socijala

O konzularno ofiso , konektiribaja em o Visno ki Germaniakiri ambasada ko Skopje, phanli tani ko nanotirimo vakti

Ki vaktavin tari germaniakiri ambasada ko Skopje bičhavdi ko 16 masrt 2020 berš vakerela pe:

 

„Sar konsekvenca taro rpogresivno bajrariba e korona viruseske (Covid-19), o Konzularno ofiso konektiribaja em o Vizno ki Germansko Ambasada ko Skopje, ka phanel ko momenti ko nanotirimo vakti basšo normalno cirkulacia taro vizitoria. Sa o notirime terminoa ka oven automatski preregistririme tari rig e Ambasadake bašo nesavo aver terminoa.

 

Te sine tumen germansko themutnipa em Tumaro germansko pasporto thaj / jali ID karta ka ovel navalidno ko avutne duj masekoa jali si akana navalidno, Mangaja te kontaktirinen amen prekal o e mail Această adresă de email este protejată contra spambots. Trebuie să activați JavaScript pentru a o vedea..  Molinaja tumen o e mail te sikaven sar kopia taro tumaro pasporto jasli ID karta.

 

I Ambasada ka informirinel ki olakiri web rig www.skopje.diplo.de, salde so ka normalizirinel pe i situacia em palem ka obvel terminoa.

Bibahtale siam so akana si limitirime em molinaja tumen te ovel tumen haljovipa bašo akala lende aktia!“

O Fjuri šaj te ovel suspendirimo ofto berša?

O Britancoa phravgje rodaripa mujal Tajson Fjuri so si šubikerdo kaj ko 2015 berš sine dopingjume.

 

I antidoping agencia ki Britania phravgja kriseskoro akti kana o Martin Karefut vakergja kaj sine leske dende 25.000 funte te ovel svedoko tari rig e Fjuriske.

 

O Fjruri vakergja kaj halja kontaminirimo mas taro divo balo em angja svedokia te vakeren odova , em ko agor e dujberšengiri suspenzia sine leske čhinavdi.

 

O Martin Karefut palo but berša vakergja kaj sa hohavgja em o Britancoa palem akhargje e Fjuri ko kriso.

 

Te sine agjaar kaj o Fjuri si došalo primal o kanonia šaj te resel le suspenzia taro ofto berša, a odova ka ovel agor tari leskiri kariera.

O koronavirusi ki lumia dži akana inficiringja pobuter taro 160.000 manuša – ov inficiringja em e bare sportisten

Taro nevo koronavirusi dži akana ki sasti lumia mule pobuter taro 6.400 manušas,a inficirime si pobuter taro 160.000 manuša. 

 

O virusi si ko sa o kontinentoa salde na ko Antartik, em but thema sar konsekvenca phanle pire simantre.

Ki USA isi 3482 nasvale, a 65 mule, havljarel o CCN

 

Ki Europa majbilačhe si ki Italia , kote persi kurko mule 368 manuša, so si majbaro numero taro meribaskere aktia dži akana, a barabutne ki Italia mule 1809 persone, notirinel o „Reuters“ em akcentirinel pe kaj isi 24.747 nasvale tari korona virusi.

 

Pali Italia si I Špania em I Francia kote isi 7.753 manuša, em 5.423.

Ki Špania taro Covid - 19 mule 288 manuša , a ki Francia 127.

 

Ko phuvjalo than ko kurko sine notirime neve 16 nasvale, a o anglutno dibe sine 20 nasvale.

 

O numero nasvale ki Kina si 80.860, a sastile 67.749 pacientia, akcentirinel o BBC.

 

Ko South Korea isi neve 74 džene nasvale em akana olengoro numero sabarabutne si 8.238.

 

O japonsko ministeriumi bašo sastipe vakerel kaj ki sasti lumia isi paše 15 punktia tari akaja infekcia.

 

Majbaro si ki Osaka , kote isi 50.000 inficirime manuša. Ki Gvatenala akana si notirime o avgo meripaskoro akti.

 

I pandemia taro koronavirusi angja džiu ko stopiribe e globalno sporteske palo Dujto lumiakoro maripa, kote isi realno šansa te oven prolongirime o duj majbare sportsko manifestacie akale beršeske: Europakoro fudbalsko šampionati em o Olimpisko khelina ko Tokio.

 

O koronavirusi na mukhlja ni e bare sportisten te ove imuno, em nekobor olendasr havljargje kaj si len pozitivno testi, em o klubia korkoro gele telal o karantini.

 

I NBA liga sine suspendirime kana sine notirime kaj si infiocirime o košarkari tari Juta o Rudi Gober, a palo leste pozitivno sine em oleskoro klubsko amal o Donovan Michel em o Kristijan Wood, košarkari taro Detroit Pistons.

 

O sasto timi taro Juventus si ko karantin kana o Daniele Rugani sine lke pozitivno testi , a pendžardo si kaj o anglisko premierligaši Arsenal  em olakoro treneri o Mikel Arteta si pozitivno a ko jekh em o fudbaleri taro Čelzi o Kalum Hadson . Odoi.

 

I Sampdorija da vakergja kaj lakere 5 fudbaleria isi len koronavirusi , a ki Fiorentina trin džene.

 

O beko tari Valensia Esekiel Garaj erati ulo o avgo inficirimo fudbaleri ko špansko šampionati.

 

O dansko reprezentativco em olimpisko šampioni Mads Mensah Larsen si o avgo baro anava ko rakomet so si inficirime e Covid -19.

Jekh nevo sakodivesa: I Korona visrus irangja sa, akana dživdinaja ko saste nevo sumnal

I lumia avdive si but  majdiferentno taro tegani: ko sa buteder thema isi karantini, haotično simantrakere kontrole, pherde hospitalia, phanle škole, gardenia, univerzitetoa, mulane droma, doktoria em medicinsko personmali ko skafanderia, čuče dukjania em guzva ko marketia, em te phanen tut kehere si kotor taro akanutno sakodivesa.

 

Karantini, korkoroizolacia, sasoitni distance, majtikno kontakto, meripa , rizik populacia, testia, panika em krizno reserve si kotor taro nevo vokabulari. Savode šunaja diveseskiri statistika taro numero inficirime ki Amari them em ki lumia.

 

– O roletne tari Europa si phanle . Šaj khuvaja ko disavow kalo , namangle korkorutno socialno eksperimenti, so akana sikavel pe sar sakodivesa em praktikaso nane te ovel amen em šaj ka našavgjovel em siga em lokheste . vakerel akaja situacia I kolumnistka taro “Gardian” Gabi Hinslif.

 

Ama em ka vazdel Amari gind em fakti kaj avdive čače I lumia uli paše konektirime so našti te izolirina amen kolaj, soske I buti si paše savorenge konektirime em phanli o virusi na pendžđarel simantre em kulturakere bariere.  Pakjaja ko solidariteto mašakr amende em Amari familia em saste ki lumia. Odova ka ovel pozitivno konsekvenca tari akaja sasti katastrofa.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 203 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date