Socijala

Taro avdive o gartenia em o škole nane te keren buti

Trao avdive ko avutne 14 divesa sa o gardenia, o škole em o fakultetia nane te keren buti, a nane mukhlo te ovel khedipa, mitingoa em manifestacie ko putardo thaj phanlo than kaj so udžaren pet e oven upreder 1000 manuša informiringja kop res o ministeri sastipaske o venko Filipče.

 

Sar so vakergja ov, jekh taro jeria e čhavenge dži ko 10 berša ka ovel tromaldo tari I buti te ovel e čhavencar , a oleskoro na aktiviteto tari I buti ka ovel pukjime.

 

Odoleske o Filipče dengja apel ten a džal pee m ko igroteke jail asavke thana kote so o čhavde šaj te ovel olen kontaktia pobare numeroa čhave.

Kobro Roma ka khuven ko makedonikano Parlamento? Prekal o liste jekh , maksimum duj džene!

O SDSM ko plo agorutno kongreso ko hotelo Aleksandar Palas prezentiringja i lista taro kandidatia ko sa o šov alusaribaskere jekhina ki them.

 

Ki AJ 2 kote sar legarutno si o Oliver Spasovski thaj si interesno e Romenge ki pozicia 6 si i Ljatifa Šikovska membri ko IO SDSM em lungovakteskoro NGO aktivisto , a i pozicia  telal numero 11 si o Asan Ferat taro Š.Orizari. Ki Alusaribaskiri jekhin 5 o lideri taro PCER em deputato ko anglutno mandati o Samka Ibraiomvski si ki pozicia 10.

I lista taro VMRO-DPMNE em i kolaicia panda na prezentiringja piri lista so udžarel pe te oven kandidatoa Roma, ama panda nane sigurno ki koja pozicia ka oven o Roma. Aso o informacie akanaske sar jekhitno Rom so ka ovel hari majuče pozicionirime si e presidente taro VMRO-DPMNE taro Šuto Orizari ki Alusaribaskiri jekhin 2. Aso udažriba ov šaj te ovel ki pozicia ki odoja lista ka ovel taro 7 dži ko 10 than. Odova si o Erdjan Demiri.

 

Akana dela pe pučiba kobor realno ka šaj te udžarel pe ka ovel li romane representoa ko avutno Parlamenti?

 

Fakti si kaj o matematike taro SDSM na sine interesno ni o Amdi Bajram, Fata Osmanovska, Gege Demirovski em avera, a fakti si kaj em taro bloko taro VMRO-DPMNE ka „izvisinen“ but romane anava.

 

O apetitia si but bare , ama fakti si kaj akala alusariba o Roma ka oven ki „dieta“ a odova si baro razočariba taro romano elektorati.

O muzeo romane kulturake ka prezentitinel piro nevo proekto Centro e Romenge thaj Sinti ki Čehiakiri šerutni diz

O muzei taro romano kulturakoro centro planirime si utsavale te prezentirinen piro Romano Centro ki Praga ko šatrtodi ko 26 mart ko 11:30 o časo.

 

O Centro si ko objekto ko centro e dizjake ki mahala Dejvis ki Praga sine dizajnirime ko tesktilno firma kote o jaudia si gazda o Lav František Peruc tari rig e arhitetonge Arnoš Muhštajn  thaj Viktor Frut.

 

I vila ko Velvarsko 1 si kerdo ko 1937 berš ki romanitizirime koncepcia elemntoa ko funkcionalizam. Ko agorutne berša na sine saste istemalkerdo ama na saste lačharde em but droma sar centro ki filmsko setia sar egzampli  ko čehško filmi (Džuvlja ko iskušenie).

 

Taro 2019 berš o kher legaren sine o Muzei taro Romano kultura kote o ofiso sine ko Brno , so ko momenti kerel rekonstrukcia resarinaja sar specijalizirime bukjarno than. O centro e Romenge em Sinti ki Praga. O Proekti si finasiske suportime taro grantoa tari Norvegia 2014-2021 tari oleskiri programa e manušikane niamia.

O sistemi bašo alarmi em rodaripa e našavde čhavenge “Amber alert” ki Srbia ka ovel aktivno taro agor e masekoske april?

O sistemi bašo alarmi em rodaripa e našavde čhavenge “Amber alert” ki Srbia ka ovel aktivno taro agor e masekoske april informirinen o mediumia.

 

Akava sistemo isi ko majbaro numero thema em havljarel pe kaj ka ovel notirime sako našaviba e čhavengoro te čhinavel pe urgentno I programa ko TV  em radio satsioni , sar eksluzivno informacia te ovel bašo našavdo čhavoro.

 

Suportoa taro akava alarmo o dizutne ka oven informirime o detalia ki konekcia taro kidnapiriba ki savi forma šaj te del pe suporto e policiake te arakhen i kidnaperen.

 

Odova bašo “Informer” vakergja o Igor Jurić fundavutno e Fondaciake “ Tijana Jurić” em dat tari kidnapirimi em mudardi Tijana.

 

 “ Pakajava kaj mi Tijana ka ovel sine dživdi dži kote angleder 6 berša akava alarmi sine čhibvdo ki Srbia, ama sium bahtalo so šaj ko avutnipa but terne dživdipa te kurtalinel.

 

Ov dopherel kaj ko odova momenti o mobilno operatoria pe klietnege šaj te bičhaven momentalno SMS thaj MMS akala informacie.

 

“Em na salde odova . Sa akala informacie em fotografie ka ikljon ko bankomatia, led ekrania ko majbare biznis centroa ki them em benzisko stasionia. Bukvalno i sasti them ka konektirinel pe ko rodaripa, vakerel o Jurić.

“Amber alert” dži akana kurtalingja buteder dživdipa čhavengoro ki sasti lumia. O Jurić vakergja kaj o alarmo ka “aktivirinel” em e policia em e kriso.

 

Link: http://rominfomedia.rs/sistem-za-uzbunjivanje-i-potragu-za-nestalom-decom-amber-alert-u-srbiji-ce-biti-aktivan-krajem-aprila/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 115 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date