Socijala

Kote si majeftino: ki makedonia jali ki Germania?

Amari konkluzia si : bizo fakti kaj isi bari diferencia ko dživdipaskoro standardi em prosek plata, o moldia ki Germania ko majbaro kotor si majeftino. Ki Makedonia hari poeftino si salde o lon, , I kafa, o emiši em o zarzavati.

Odoleske akale deciziaja sar konkluzia lel pe I analiza taro moldia ko fundavutne dživdipaskre artikloa em ki Makedonia em ki Germania.

I analiza sikavel kaj o artiklia ki Makedonia na salde so nane poeftino , numa ko majtikno vast so jekh a jekh moldi a ko desave kotora enm poskup tari barvali germania. I konkluzia si: bizi diferenca ko moldia e ko dživdipaskoro standradi ki Germania si majeftino . Ki Makedonia majeftino si o lon, kafa em emiši em zarzavati.

Maro
Ko prosek jekh parno maro taro 750 gr kiu Germania si 0,85 eura (51 denari), o francusko bageti taro 250 gramia si 0,60 eura (36 denaria). Parno maro taro 250 gramia ki Makedonia si 27 denaria, a nekote si em 39 denaria.

Zejtini
Jekh litro taro majeftino zejtini ki Germania si šaše 1 euro (60 denaria) . Ki Makedonia jekh litro taro majeftino zejtini si 65 denaria.

Thud
Jekh litro guruvano thud maslenost 3,2 ki Makedonia sar majeftino si 38 denaria, a ko prosek si paše 45 denaria ko litro.
Ki Germania o majeftino thud si paše 0,55 eura (33 denaria), a o majskupo „Alpsko“ o thud si 1 euro.

Lon em šekeri
O lon ki Germania si paše 1.38 eura kilo (85 denaria), a ki Makedonia 28 denaria. Kilo šekeri ki Germania si paše 0,69 eura (42 denaria), a ki Makedonia o majeftino so isi ko dukjania si 38 denaria o kilo.

Jare
Tikni table šov jarencar ki Makedonia si paše 50 denaria, a ki Germania si paše 1 euro (60 denaria)

Sapuni em detergentia
O sapuni “Balea” ko momenti ki Makedonia del pe popustea bašo 79 denaria,a oleskiri cena normalno 105 denaria. Ki Germania sar normalno cena sine 0.55 eura jali paše 30 denaria, a ko popust em si poeftino.
O detergent “Persil” bašo 20 thojba ko makedonikano DM si 365 denaria. O germansko DM akava detergent oleskiri cena si 5.15 eura jali paše 320 denaria

Slovakia: O Roma ko desave gava na mukhen len ko khangira

Ko gav Paščovski Nova Ves , o Roma trujal so si katolikia na troman te džan ki lokalno khangiri. Nane lenge mukhle te aven ko mise barabutne e aver manušencar taro odova gav.

Ki mangin jekh taro opatia odole khangirake te iranel odova sine atakujme a oleskoro vordon em zijankerdo.
–Nikana na sine amenge vakerdo kaj amen da šaj khuvaja ki odoja khabngiri. Amare mise sako drom kera len sine avrial tari khangiri , a kana sine biršima khuva sine ko khera, Odothe kheda amen sine em po 70 -80 džene Roma – vakerel o Andrej Červenjak, gaveskoro starešina.

Akate o Roma kergje jekh kapela lovencar tari Germania. Ko savato ko than ko kurko avela lenge o opati o Miroslav Turčik. Ola aven akate tari ladž kaj ola si ćorole em ma te oven diskriminirime, vakerel o Miroslav.

Ko pašipa e gaveske Šariške Jastrebje o opati akahrel sine e Romen ki kurkeskiri misa, ama odova na agorkergja šukaripaja. O gavutne buningje pe akaleske em mujal o Roma em kergje zijani ko opateskoro vordon. O gavutne vakeren kaj si „alergično“ ko Roma.

–Vakeren kaj o Roma na lele than kana kergja pe I khangiri em nae len niami te khuven olende.
Ama me sium optimisti kaj ko avutnipe akava hulaviba nane te ovel em nane te keren pe odola diferencie maškar o manuša, akcentiringja o Andrej Červenjak.

Link: http://www.portal-udar.net/u-slovackim-selima-romi-iskljuceni-iz-crkve/

E Germaniakoro govermento akceptiringja o aktia ko maripa mujal o nacional ekstremizmi

O persi masek germaniakoro govermenti ekceptiringja o paket kanonia mujal ekkstremistoa thaj buvljaripa natolerancia prekal Internet sar antvorto ko kerdo atako taro nacionalno radikalia upral sinagoga ko Hale ko purabalo kotor e themake.

E germansko ministeri andrune bukjengje o Horst Sehofer vakergja kaj dikhela o nacionalizmo thaj o terorizam sar daravin.

O Sehofer vakergja kaj o riziko ko presentiriba ko Berlina , Ov vakergja e mediumenge kaj o terostikane atakoa so sine kerde taro Nacional socializmo (NSU) neonacistikani grupa so mudargje 10 persone so pobuter olendar sine Turklie mašakar o 2000 thaj 2007 berš thaj o mudaripa akava berš e Valter Lobek političari tari legarutni hristiansko demokratia kote so odova athingje thaj o ekstremno nacionalistoa.

O germansko legaripa persi berš registririme 24 100 individualno ekstremistoa kote paše jekvaš (12 700) si hazri te istemalkeren terori prekal o kontrarazuznavanje.

Persi berš o nacionalno radikalistia ki Germania kergje barabutne 20 431 došperavibaskere aktia, a pohari sine persi berš kana sine kerde 20 520 došperavibsakere aktia.


Link: http://www.romea.cz/en/news/world/german-govt-approves-measures-to-combat-right-wing-extremism-requires-social-media-firms-to-report-ip-addresses-of-users

Purane romane paramisia: O asva jekhe dajake

Angleder but berša jekh grofica zamanglja jekh e Rome . But mangen pe sine em sine bahtale. Sar nakhlja o vakti i Grofica ačhili dovogjende, ama angleder te bijanel e bebe, počmingja baro maripa em o rom trubul sine te iranel pe ki pli them te džal te marel pe.
I Grofica rovela sine but , em o čhavo na sine biame kana informiringje la kaj olakoro rom si mudardo ko maripe.
Ačhili korkoro ko baro kher e izmekjarencar.
Na lungo vakti sar o Rom mulo, i Grofica bijangja murš čhavo. O čhavo sar bajrola sine sa pobuter ličinel sine sar plo dat. Trujal o čhavo i Grofica bistergja i bibaht em i dukh so sine la palo po Rom.
Ama bibahtake ko odova vakti ikljlo baro nasvalipa so sine pherdo nasvale thaj agjaar nasbvalilo da olakoro čhavo em palo desave divesa ov mulo.
I Grofica phagili taro dukha em rovela sine sako dreom em našti sine manuš te chidel la taro limori pe čhaveskoro.
Jekh dive dikhlja la o opati sar rovel upral o limor pe čhaveskoro alo uzal olate em vakergja olake: „ Mi čhaj ava ki katedrala em odori molin tut šaj ka nakhel nesar ti bari dukh“
Oj šungja le em ali ki katedrala kote molinel pe sine em diveste em rakjate. Taro jekh drom iklilo o angeli anglal late em vakergja lake;“ Soske odokhare roveja em sian bibahtali palo tiro čhavo“
Oj vakergja oleske: „ Sar ma te rovav kana si man bari dukh, o devel kazningja man. Mule mandar em mo rom em o čhavo akana nane man niko mancar akate em na mangav te dživdinav.
O Angeli dikhlja la em vakergja olake: „ Ma vaker agjaar. O devel ka pomođinel tut te nakhavel ti dukh. Akana ka vakerav tuke a tu te šaj te kere odova te šaj dikhe te čhave.“
O dive kana ka hulen o angelia ki katedrala ka ave ama ma te dikhel tut niko. Tde dikhlja tut neko ka našti te dikhe te čhave,
I Grofica kergja sar so sine lake vakerdo . Ali ki katedrala ačhili ki jekh kjuša ma te dikhel la niko. Kana o saati sikavgja jekhvaš i rakj, phravdile o udara em andre khuvena sine o duše e manušengere,. Majprvo khuvgja o Angeli so lel i duša e Sprija, a aplo oleste o aver so legaren sine križia em tahtaja.
Sar agorutno khuvgja olakoro da čhavo ko vas ikerel sine baro thajtaj so edvam legarel le sine. Kana dikhlja le i Grofica počimngja but te rovel. O tikno preppendžargja pe daja alo uzal olate em vakergja lake: „ Daje ma rov odokhare pali mande! Legarav svako drom tire asva so pheren akava mlo tahtaj, em bu si phare em našti te ujrajv ko rajo sar o aver angelia.
Miro dat si angeli em mangav te ovav olea em te arakhav mo tromalipa. Ake panda jekh drom ka čuminav tut ama ma rov pobuter te šaj ujrava me da ko mlo dat.
Taro jekh drom phudingja bari bavlal ki katedrala em sa o mule irangje pe ko ple limoria. I grofica pobuter na sine bibahtali palo po čhavo. Oj taro odova dive khedingja sa e čhaven so nane len dada em dija em arakhel len sine sa dži kote na bajrona sine. Oj olenge dživdinela sine em olenge sine sar olengiri daj em mangela len sine sar olakere čhaven.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 192 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date