Socijala

Akava oktombro sine majtato ki historia

O Oktombro 2019 berš sine o majtato oktombro dži akana ki planeta phuv , vakergja avdive e Europakiri vselensko programa Kopernik, dopheribaja kaj akava si 5-to masek ko niče so reslja jali si paše dži ko rekordno moldipa.

Akaleberšeskoro oktombro si majtato bašo 0,69 Celsius taro rposek oktombroskere temeperature ko period 1981-2010 berš.

But hari nakhavela (0,01 digra) oktombro 2015 berš, numa si 1,2 digri upreder I temperature taro proindustrisko era e manušipaske.

„Akava si pandžto masek ko niče so nakhavgja jali si paše ko rekordi” vakerel I agencia “Kopernik” program so dikhel I klima.

O Juni 2019 sine majtato juni dži akana, a juli si havljardo sarb apsolutno majtato masek ki historia sar kontrolirinen pe o temperature. O Avgust 2019 si dujto majtato avgust ki historia, a o septemvro si jekhto.

O agorutne štar berša si majtate dži akana so si notirime ki palneta. Ko avgust e Lumiakiri meteorološko organizacia rangiringja o 2019 berš meškar o pandž majtate berša , aso I presia taro klimatsko trampe , soske vakeren sine em o ekspertoa.

Trainen thaj trpinen , em odova legaren le em avutne generacienge

90% taro Romani džuvlja ki Srbia sine len terori taro partneri , sikavel o majnevo rodaripa tari Asociacia „ Romani cikna” taro Kruševac.

Akala džuvlja majbut si viktimia taro terori ki pli familia em but droma našti prepenadžren kaj kerel pe lafi bašo terori.

-Sine kerdo intervju upreder 300 Romane džuvlja so si upreder 18 berša em dži tegani nikaske na vakergje so sine lencar,

O aktivitetoa an o tereni vakeren kaj akala džuvlja tari Romani Jekhin majbut sine len fizičko em psihičko terori. Ola si sikle te trainen em te trpinen a odova sikaven em e avutne generacienge.

– Buteder droma ola nane kaske te vakeren, thaj ko savo kher te iranen pe , em naeducirime em o analfabeti kerena te oven ekonomsko thinale , thaj odoleske trpinen terori , akcentirinen o aktivistia tari akaja asociacia.

Ko jekh taro anglutne rodaripa ko Kruševac, alo dđi ki konkluzia em but bilačhe rezultatia : kote 85% prandinengje pe anglal 18 berša, , a 70% angleder 18 berša bijangje em pire avgo čhave,

Link: http://www.romskiportal.com/2019/11/04/naucene-su-da-trpe-istu-matricu-prenose-na-potomstvo-cak-90-posto-romkinja-u-srbiji-zrtve-su-partnerskog-nasilja/?fbclid=IwAR0LHTKDGv7dNlg5YhyYWW9egs6UTrThGgKDvkLtk9hSMoq_4dVRyowF6AU

Kontraverznost trujal o rodaripa ki statistika ko mudaripa e Romenge – o romane organizacie šubikeren o rodaripa sar rasizmo

Akana sikavgja pe negacia ki statistika taro bibahta kerde e Romendar trujal so akaja statistika si deš berša.

Angleder desave kurke o Instituto baši kriminologia em jurisdikcia ko Universiteto ko Helsinki , Krim sikavel raporto e kriminaleske thaj ko jekh del informacie kaj isi prigresi ko nivelo taro mudaripa.

Pohari sama sine liparde e Kontrolake ko dživditno kriminali odoleske so diferencirinel pe e Romen taro aver Fincia.

Aso I statistika taro Krim o Roma si len dešthajšov pobaro pkjajbe kaj ka keren korkoromudaripa taro aver Fincia.

O Romane organizacie negirinen taro statsistikano metodo so hulavel e Fincon taro avera.
- Gindinav kaj akava si diskriminacia saste romane populaciake . Akava pherel sa o nišania taro rasizmi vakerel o Vaino Lindberg., vicepresidento ko romano Konsiliarno Ofiso..

„Pahre sit e vakerel pe kaj kerel pe lafi kaj mangen te ovel rasizmi jali nikana so na sine čače gind amare sasoitnipa” vakerel o Pjavi Majaniemi , proekt menadžeri ki Finsko romani asociacia.

I Suvi Keskinen , profesoro pali etnikani korelacia ko Univerziteto ko Helsinki pučela save si akala metode tari kerdi statistika.
-Na trubul te ovel metode tari etnikani preperutnipa ki Finska, em odoleske pučava man so rodena taro Roma te oven diferentno taro aver ko finskonsasoitnipa upral I funda taro kriminali, vakerel I Keskinen.

Link: https://yle.fi/uutiset/3-11042210?utm_content=2019-11-01&fbclid=IwAR2vuhVvTTAgqVJynmk9978sxKmIC3Tk_yfvXKHMBMHbHN9qGxxgWLfdfwY

 

 

O Šuto Orizari nane jekhutni romani komuna ki lumia. Ki Romania si i komuna Kojaska, ano regioni Dambovica (Comuna Cojasca, Dâmbovița)

I Komuna Kojaska arakhel pe ko regioni Dambovica , Muntenija, Romania so si phanli e gavencar Kojaska, Fintenele em Jazu.
Ko agor taro XIX veko i komuna sine kotor taro netvorko e regioneske Ialomiša ko regiono Dambovica em odothe sine o gava Kojaska em Fantanelel barabutne polulaciaka taro 2.500 dizutne.

Aso I statistika taro 2011 o dizutne tari komuna Kojaska gejnel 8.276 dizutne so si majbaro nego angleder kerdi hramosaribaskiri statistikako 2020 berš kana sine registririme 7.286 dizutne. Majbaro procenti taro dizutne si Roma (71,96%), minjoriteto si Romancia (20,4%), a o aver resto si 7,61%.

Dizjakoro šerutno e komunake Kojaska si o Viktor George taro Socialdemokratikano partia. O konsili gejnel 15 rperesentoa. O Komuna Kojaska si 45 km utarale taro Bukureštt.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 168 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date