Socijala

I Germania utsavalkerel : Trin decenie taro peraviba e Berlinsko duvareske, simbolo ko hulaviba maškar o Purab thaj o Paščim

I Germania notirinela importantno , baro dive tari piri nevi historia. Jekh taro legarutne thema tari Europakiri Unia , utsavalkerel 30 berša taro peraviba e Berlinsko duvareske, simbolo taro hulaviba e thema ko vakti taro Šudro mariba taro komunistikano purab thaj kapitalističko paščim.

O betonsko duvar sine lungo 155 km em sine sar jekh simantra maškar I Purabali thaj Paščimali Germania so sine kerdo ko 1961 berš . Oleskiri funkcia trujal teritorialno hulaviba e duj, ideološko, kontra blokoa, sine čhinavdo em našipa taro bukjarno takati em politikane oponentia.

O duvar trujal o fizičko hulavdo Berlin , phanlja o paščimalo kotor e dizjake. O notacie si kaj ko mangipa te našen prekal o duvar mule 140 persone maškar so em askeri so arakhen sine I simantra.

Grattan Puxon: E Romenge o Kosovo nane siguritetno than

Sar hramutno thaj aktivisto so lačhe džanel I situacia ko Kosovo em ki eks Jugoslavia , dikhav kaj majodoriga o Kosovo nan “siguritetno” destinacia e Romenge , ekstra desave individue, kaskere aktia bašo azili si ki procedura. Asavki si i situacia tani e Roksanaja Hajrizi tari Otava, Kanada.

I Roksana si biame ko gav trujal i Kosovsko Mitrovica . Oj trujal so si biame odothe nane registririme (so ko majbaro numero aver da Roma nane registririme) Ola nane la nit themutnipa ko Kosovo thaj ni tari Srbia.

Ko anglutno periodo odova sit haj avdive, o Roma si astarde telel o bare konfliktoa ko Kosovo em notirinel pe kaj paše 100,000 Roma sine etnikane užarde taro Kosovo , em buteder khera e Romengere si lende zoresa.

O IRU si le sa o anava taro pobuter šel Roma so sine mudarde ko odova period. Buteder olendar našle ki Srbia em Makedonia so ačhile ko nadžanlipa sebepi so nane len dokumentoa, našavipa o themutnipa em čorolipa.

Ko agorutno vakti nesave individue irangje pea so miri percepcia na ikerel I teza kaj o Kosovo si majodoirga “siguritetno” e minjoritetenge. Džanava desave aktia kaj desave Roma sine zorea irame ko Kosovo telal presia taro daravina, bizo pire khera em buti so trubul sine palem te našen taro Kosovo.

Khanik taro okova so hramosardem majupre ko teksto lende si duj raportia so hramosargja i londonsko grupa e minjoritetenge em olengere niamia. So legarel pe dži ko aktuelno situacia e Romenge ko Kosovo avdive, em eventualno isi panda – dar. Persi masek o Gani Rama sine mardo pe droma ki Priština em mulo ko hospitalo. Odova si fakto kaj o Kosovo em panda si risiko e Romenge.

Pobuter taro korkoro fetivali Romano Havashi thaj o Roma ki Turkia

O pendžardo festivali Roman havashi si salde jekh egzamplo odoleske kobor e turkiakiri kultura si la presia tari romani kultura . Trujal so ki Tirkia mangen te khelen ki romani muzika , ama I Turkia but hari iranel pi sama e Romane jekhinake odothe,

Ola si minjoriteto so sare džanen olen ama buteder manušenge tari Turkia na džanen but detalia olenge. Ola dromaldan si identifikujme sar “Romanlar” a na sar Roma

O roma ki Turkia sar „Romanlar“ si but vekia odothe. Olengere mahale ko teganutno Otomalnsko imperia sine dokumentirime ko 17 veko. Sar rezultati taro kerdo kontrakto ki Lozana ko 1923 berš , jekvaš milionia muslimania ale tari grcia ki turkia, odothe konektirime em buteder „Romanlar“

Prekal o proekcie taro Europakoro konsilo paše 2.7 milionia Romanlar dživdinen avdive ki Turkia, so kerel la ko jekh sar majbaro europakoro romano entiteto..
Olendar majbaro kotor oficialno religiski si muslimania - sunitia so si buteder em taro Turkiakere manuša.

Link: https://renk-magazin.de/roma-in-der-tuerkei/

Si li čače ili fake info? Ko oglas bukajke administrativcoa prekal nacionaliteto ki buti khuven Makedoncia!

Si li čačutni jali fake informacia valjani te dikhel pe. Akala dive ko FB editirimo si info em slika kote dikhel pe Oglas bukjake ki themakiri institucia bašo te khuven ki buti administrativcoa.
Ki olate kalr tergjola kaj bukjarne thaneske Poterno administrativco pravno bukjenge ki jekh Themakoiiri sastipaskiri institucia ko Skopje alusarel pe kandidato prekal nacionaliteti sar Rom a kote ple saste anav thaj teloanav na korespondirinel kaj si ov čače prekal nacionaliteto Rom.
Ki odoja editirime informacia majtele bukjarne poziciake Poterno administrativco javno nabavke ki odoja themakiri sastipaskiri institucia alusarel pe kandidati albanco kote pire anavea thaj teloanav na korespondidirnel kaj si Albanco.
Dela pe jekh retoričko pučiba em palo odova buvlajrdi si dikskusia em kommentaro ko FB . Si li akaja desavi fake informacia, a te na sine trubul li saste te prekontrolirinel pe akaja situacia?
Saste džanela pe kaj asavke situacie isi em kanan ko hramosariba em apliciriba bašo Fakultetia em Universitetoa ki makedonia isi but javer džene so dekalaririnepe sar Roma a nane Roma salde te khuven ki kvota bašo upis ko themakere fakultetia.
Bibahtake ni abgo ni agoriutno asavko akti!

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 186 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date