Socijala

Prof, D-r Marsel Kurtijade - Profesori Rom taro parisko universiteot ki Sorbona

O Marsel Kurtijade si Rom Doktori pali lingvistikani nauka ko jekh taro majpurane em respektirime Univerzitetoa ki lumia - i Sorbona.

O Marsel si jekhutne Rom so doktoriringja fonoteka thaj hramovipa e romane čhibjake thaj jekh taro majbare ekspertoa e romane čhibjake , literatura, kultura em civilizacia.

O Marsel sar majphureder čhavo ki familia sikavgja pe pire intelegenciaja em verbalno karakteristike. Ko vakti kana sine e jeriencar mitingoa ki škola , oleskiri daj sine bahtali ko Marsel soske sine jekh taro majšukare sikle. Numa oleskoro buntovno stilo dživdipaske, ko than te džal te studirinel medicina , ov gelo ki Jugoslavia em dživdinel sine ki Borča ko Beograd.

Ko jekh dromarel ko sa o regionia ko Balkano em siklilo srpsko, makedonikani, albansko, grčko em romansko čhib.

Oleskoro talento čhibjake sine dikhlo taro aver Roma em sine zamolime te kerel i baza baši romani čhib.

Ov ko 80-to berša ko vakti taro studiriba pali literatura ikergja i doktorsko disertacia ko Pariz em sine jekh tari plejada studentia so studiringje em doktoriringje ko odova Univerziteto sar so si o nobelovcia Pjer em Marija Kiri, i hramonutni i Simov de Bovar em avera.

Angleder duj decenie o Dr Marsel Kurtijade formiringja em i katedra pe romani čhib ko parisko Nacionalno Instituto bašo orientalno čhibja thaj civilizacia a ko maškar vakti odole katedratar iklile baro numero ekspertia romane čhibjake.

"Majbari baht sit e sikljove em pohari te arakhe o ilo e čhibjakoro. Odva si o lačhipa e bukjakoro “ vakerel o Kurtijade potenciribaja kaj I “Romani čhib, šukjur e devleske reflektirinel I baravli lumia kaske na dikhel pe o agor”.

Si li ki Tuzla malverzacia e lovencar so si e Romenge

Liparibaske si kaj panda ko nimalj o Nedžat jusić sar deputato ko Dizjakoro paralemto ki Tuzla vakerel sine kaj isi malverzacia e lovencar so si e Romenge thaj i dokumentacia sine dendi em ko kriso ki diz Tuzla.

Ov vakerel kaj dži akana nane le nisavi irami informacia . Taro kriso vakerena kaj o analize akale informaciake si ko agor.

„Valjani panda deš divesa te kera i informacia. Kana ka ovel amen sa o detalia ka da i irami informacia dži ko rajo Jusić“ vakerem taro krisi.

O Jusić panda ko masek juni akava berš sa i materialno faktia baši malverzacia e lovencar ko vakti tari realizacia e proektencar bapo kherutipa e Romenge dengja ko kriso.

ZDF emitungja dokumentarno filmi baši historija taro Sinti em Roma ki Germania

O dokumentarco maškar o aver kerel i tema sar o Roma thaj o Sinti angleder 75 berša thaj o uštipa premal o daravina ki eliminacia sar ko agjaar anavkerdo „Romano logori ko Aušvic“, thaj i rakj ko 2 avgusto 1944 berš kana sine mudarde ko gasno komore.

I germansko televizia ZDF History, emitujngja pe ko agor e masekoske taro oktomvri o dokumentarco kerel tema ko dživdipa e Romengoro thaj o Sinti ki akaja them kote sine kerde intervju persone taro sosoitno dživdipa , romane aktivistia em javer representoa tari romani jekhin so ko interesno forma vakeren sine pire storie em mariba mujal o diskriminacia.

Ko jekh kotor isi kote i terni tari muzikakiri dinasia Rajnhard , i Doči Rajnhard (Dotschy Reinhardt)vakerel baši i jazia tari piri familia. Ko jekh i Rita Vove – Trolman ( Rita Vowe-Trollmann)  liparel pe dadeske o bokseri “Rukeli”, kana o nacistia lele lestar I titular – themakoro šampioni sebepi “na germansko” boksi.

Link: https://www.zdf.de/dokumentation/zdf-history/sinti-und-roma-eine-deutsche-geschichte-100.html?fbclid=IwAR1Ng_eEiDDTIsZ3o9FLIvXpuxbs4SSSyY6AlDijYnVEJJTAt2tGFAEY2sM#xtor=CS5-84

Britania: I jekhin taro Roma em Travelsia panda arakhen pe rasizmoa em ksenofibijaja

I jekhin taro Roma em o Travelsia si arakhen pe bare natoleranciaja ko sasoitnipa. Angleder akava berš o Komiteto e romnengoro thaj egaliteto havljargja o raporto tari stigmatizacia so sikavel o kolektivno nasukcesi taro govermentia ko faisali akale problemoske.

Akava si konektirime e nasukcesea te investirinel pe ko arakhiba than e kamponge so majodoriga si marginalizirime.

O propozalo tari policia te keren pe majbare e policiakere ingerencie ki konkecia taro bibahta sine len katastrofalno fitbeko.

I policia si la baro niami te reagirinel a o ministeriumi vakerel kaj si seriozno zainteresirime so si bibaht keriba ko phuvja , so kerel pe bari galama em keren pe bare gunoja.
Ko jekh kamel te faisalkerel kaj nalegalno staciniorininen pe .a dodova si o nasukcesi e goveremnteskoro so našti arakhel lokacia em teritoria kaj šaj te stacioniorininenpe, Ko than te ikljol ko agor e endemsko najekhipa o goveremnti rodela em kriminalizirinel o aktivitetoa kerede tgaro piro nalendo angažmano.

Ko jekh sar alarmi si em I čhib so notirinel o Ministeriumi andrune bukjenge kana počmingja o konusltacie bašo deiba dokumentoa em dehumanizacia kaj nane than ko akava sasoitnipa.

Link: https://www.independent.co.uk/voices/letters/election-climate-brexit-letters-racism-gypsy-traveller-government-a9193811.html

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 191 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date