Šov e masekonge taro o momenti akana angja pe socialno karta , bizo socialno lovengiri arka ačhile paše 22.000 manuša. Taro resorno ministeriumi vakerena kaj akava si rezultatiu tari fer hulavipa love . O NGO rodena notacia kobor si akava kanonikane e karticencar soske sar so vakerena angja dži ko nafer eliminacia okola so lena sine socialno  a majbut okola so si čorole thaj marginalizirime.

Ko than te keren siguriteto e manušenge kaskere diferemntno manušikane problemoa angje olen ko but phari egzistencia , I implementacia taro sistemi e socialno karticencar mukhlja butederen bizo socialno love , vakeren tari Inicijativa A11.  Ki jekh lokalno komuna an I Srbia ko duj romane mahale , 90% taro manuša si ikavde taro sistemi e socijalno protektivake soske keren sine buti ki neformalno ekonomia , kote khedena sine sekundarno surovine  so sine lenge sar šerutno butikeriba  trujal o socialno kote len sine paše 85 eura” vakerel o Danilo Čurčič tari Inicijativa A11.

„E manušen na sine nisavo forma te šaj reagirinen ka ande decizie te čhinaven lenge o socialno . Neko sine informirime , ama ni jekh kobor so džana na reslja leske dokumenti kaj ka oven ikavde taro socialno arka”, vakerela I Andrea Čolak taro ERRC

Link: https://rominfomedia.rs/2022/11/30/socijalne-karte-22-hiljade-ljudi-ostalo-bez-pomoci-na-udaru-sakupljaci-sekundarnih-sirovina/

Štar policajcia so sine telal o rodaripa palo kerdo incidenti kana kergje ola rodaripa e khereske angleder duj thaj jekhvaš berša ki šerutni italiansko diz  kana jekh 36 beršengoro Rom pelo ki koma em akana arakhen pe anglal kriseskoro akti kaj mangle te keren mudaripa, dejbe hohavne informacie thaj tortura.

O Hasib Omerovič so si kašuko sar so bijandilo reslja dći ko seriozno ratvarina  ko 25 juni 2020 berš kana sar so ola vakeren “pelo korkoro” taro učibe 9 metria prekal o džami taro oleskoro kher  ko vakti kana I policia kergja nakanonikano rodaripa oleskere khereske.

O Omerovič avdidve da si panda ko hospitali tari neurološko rehabilitacia ko hospitali baši intenzivno sasljaripa ki koma , notiringja persi kurko o ERRC . Sar antvorto ko deputateskoro pučiba e italiakere vice  ministere Ricardo Magi an I konekcia bašo progresi dži kote si o rodaripe ko lende konsekvence nujal o policajcia, o themakeoro sekretaro Nikola Molteni taro Ministeriumi andrune bukjenge an I Italia  ko 18 novembro d dengja antvorto kaj o Kriso ko Rim “vazdingja došperavibaskoro akti bašo deiba hohaven raportoa  ko vakti tari službeno butikeriba thaj mujal I tortura , deliringa mobilno timia ofsea ki romsko policia  so si konektirime akale rodaripaja”.

Link: https://romea.cz/en/world/italy-four-police-officers-charged-with-torturing-a-romani-man-and-then-lying-during-the-investigation