O strancia ko sig vakti šaj lokheste te resen germansko themutnipe – šaj em bašo 3 berša . O ministeriumi andrune bukjenge akana zojrakerel kaj o reforme si phanle an I koalicia em isi baro progreso.
Paše 9 milionia manuša so nane len germansko themutnipa so dživdinen an I Germania . Buteder olendar šaj te oven naturalizirime dži kote odova mangena , ama avera panda na pheren o šartia bašo germansko pasporto.
I reforma ko Kanoni germansko pasporteske si phanli ko koalicisko kontrakti maškar SPD, Green thaj FDP em si piro majanglal.
O draft kanoni si paše agorkerdo thaj akana sig ka ovel bičhavdo dći ko aver ministeriumia , vakergja o portparolo taro ministeriumi andrune bukjenge o Nensi Foser.
Angleder sa o manuša so lungo berša dživdinena ki Germanija valjani majlokheste te oven germansko themutne . Ko than te udžaren 8 berša sar so si akana themutnipa šaj te resel pe e te sine tut 5 berš presto ki Germanija.
Te sine desave “ekstra elementia bašo integracia” odova šaj te ovel em palo trin berša – sar egzamplo ako o migrant sikavela nesavo akademsko, profesionalno jail aver angažmani jail si le but šukar džanlipe tari germansko čhib.
O čhave taro strancia so si bijame an I Germania trubul avtomatski te ovel olen germansko themutnipa, dži kote jekh taro jeria si le “adresa bašo bešipa” an I Germania ko agorutne 5 berša- Dži akana prekal o kanoni odova sine 8 berša.
Link: https://www.dw.com/sr/nova-vlada-nema%C4%8Dke-obe%C4%87ava-lak%C5%A1e-do-boravka-i-dvojnog-dr%C5%BEavljanstva/a-59942474
