I tikni Zejna Asanovič si sikli taro štarto klasi ki FŠ „Radoje Domanovič“ an o Niš. Oj taro pire vrsnikia si diferentno odoleas so si nasvali tari atrofija taro telune ekstremitetoa . I Zejna našti phirela a dži angleder duj berša na sinela ni invalidsko kolica. Olakoro dat ko vasta anela la sine ki škola thaj bešakerela la sine ki klupa a pali škola lelea sine tari škola em legarelala sine la khere.

Oj nikana našti khelel pire amalikencar em te džal ki ućinka . Palo o školsko zvono kana o čhave lošale ikljona sine ko odmor  ki školsko avlin i Zejna majodoriga ačhola sine ki učilnica em našti sine te ikljol.

Kana prependžargje o problemi oj reslja špersonalno asistenti so ka del la suporto ko sikljojbe. Akana sar so vakerela oj tami lake i majšukare amalinka.

Akana i Zejna ikljola ko baro odmor thaj siklili te phirel e količkaja so sine lake donacia tari Federacia taro osnovcia, srednoškolcia thaj Roma studenzti  - FROS.

Link: https://www.espreso.co.rs/vesti/drustvo/649305/mala-senja

Baro numero membria tari romani jekhin so majbut olendar dživdinena ko romane mahale an o Niš a odola si o majbare 5: Beograd mahala, Stočni Trg, Crvena Zvezda, Jevresko maalo thaj Bulevar 12 februar,

O Roma taro Niš arakhen pe pobuter problemencar, a odola si:

-butikeriba (Paše 90% taro Roma si bizi buti ),

-kherutnipa (ni jekhe romane mahala nane la DUP),

- edukacia (segregirime škole, gradinke e romane čhavenge, I statistika sikavela kaj barabutno numero taro čhave ko gradinlke, o Roma džana salde taro 5 dži ko 7%),

- Socialno problemia,

-sastipaskiri protektiva…

Dela pe o pučiba so keren o romane reprezentoa an o dizjakere funkcie  thaj ko komunakere paralmentia te faisalkeren akala problemia_ Prekal o notacie šaj te anel pe konkluzoia kaj odola Roma na keren khanči e Romenge.

Šaj li te del pe o pučiba soske nane  nisave efektia ko faisalia e probelemnge tari I romani jekhin:Soske salde o NGO sektori inicirinela te anel pe Lokalno akciono planoo te keren detalno regulativno planoa ko romane mahačle. Soske o baro numero romane avtoritetoa na angje trampe ko lokalno parlamentoa ko lačhariba e situaciake e Romane jekhinake?

Link: https://romaworld.rs/nikad-vise-romskih-odbornika-ali-problemi-roma-se-i-dalje-ne-resavaju/