Startea taro 1 januari 2022 berš o viktimia tari nalegalno sterilizacia so sine kerde maškar 1 juli 1966 thaj 31 mart 2012 berš an I Čehiakiri Republika so kergje aplikacia  baši finansisko kompenzacia ko učipe taro 12.000 eura . I dikumentiriba e fakteske kaj nakanonikane si sterilizirime sikavela le sar problemi taro nesave aplikantia.

O hospitalia šaj garavgje nesave dokumentacie ko maškarvakti. Trujal akava o server romane informacienge Romea cz o Ministeriumi sastipaske frdela o svdeočiba taro membria ko familie taro viktimia sar dokazi, trujal so odova svedočiba si sar jekh dokaz.

O viktimia valjani te sikaven kaj olengere sterilizacia sine kerdi mujal o kanoni, jail nikana na dengje amin te oven sterilizirime. Em phagle o kanonia.

Majšukare dokaz sit e den medicinsko evidencia bađi sterilizacia. Sebepi so buteder aplikantia nane len medicinakiri kopia tari odoja evidencia , a đaj rodena la taro ministeriumi sastipaske te arakhen lenge I dokumentacia.

Link: http://www.romea.cz/en/news/czech/video-advice-on-the-compensation-process-for-illegal-sterilizations-in-the-czech-republic

Youtube:

I Militantno specialno jekhin „Azov” si jekhin tari Nacionalno garda an I Ukraina kote angleder olakoro ofisi sine ko Mariupol . an o kinarakoro kustika ko Azovsko samudra kote ikljola olakoro da anav. I jekhin si fundirime ko 2014 berš sar dobrovolno paramilitarno policiakiri jekhin telal I komanda taro Andrij Bilecki te marel pe mujal prorusko militantia an o Donbas , a formalno sine konektirime e Nacionalno gardaja ko 11 novembro 2014 berš.

Akaja gurpa si kontraverzno soske si konektirime em phanena la sebepi ekstremno neonacistikani ideologia , thaj olakere simbolia so si paše nacizmea thaj kaj olakere membria lena sine than ki tortura thaj militarno terori.

I jekhin gejnela taro 900 dži ko 2.500 militantia ko period 2017-2022 berš Pobuter taro olakere membria keren lafi ki rusiakiri čhib em avena taro regionia ki Ukraina kote so kerel pe lafi ki rusko čhib.

Odothe isi em aver membria taro avera thema. Kana angleder te ovel I rusko invazia ki Ukraina ko 2022 berš, akaja militantno jekhin palem sine aktuelno ko mediumia soske majanglal kip li notacia o president Vladimir Putin vakergja kaj jekh taro faktoria e rusko invaziake si “denazifikacia” ki Ukraina te šaj chiden I kontrola upral I them npo dur taro nacionalistia sar so si o Azov.

Link: https://en.wikipedia.org/wiki/Azov_Regiment?fbclid=IwAR3Yv3KfGXu5JHZ3WbcX52BALsA-7GAl0LdshmtfNxTUlJl9ZlGV1ltL98U