O policajco so margja Rome an I Bitola, krisime si jekh berš phanlipa
Jekh berš phanlipa reslja o policajco tari Bitola so lelja than ko mariba jekhe Romeske tari Bitola angleder duj berša, informirinena taro Makedonikani asociacia terne advokatia . O Skopsko krisi ko palem iramo kriseskoro akti notirinela kaj o policajco si došalo kana I Apelacia čhinavgja I decizia em irangja o akti palem te anel pe decizia.
Kerela pe lafi bašo incidenti so ulo ko masek septemvri 2020 berš kana o policajco sar so dikhela pe ki editirimi video snimka marela grupa Romen kana o čhavo taro mardo Nevzat Jašarovski vordonea khuvgja ki bandera.
Tari I asociacia terne advokatia vakeren kaj I andi decizia si importantno em si maškar avgo ande decizie kote anel pe efektivno globa phanlipa policajcoske so nakhlja pire bukjarne kanonikane legaripa.
Protestia ikergje o Roma tari Bitola mujal o policajco ama em o kolegia em o dizutne protestiringje sar nota bašo suporto e policajcoske.