Thanjarde ko than udžaribaske ki Platforma taro trenoskoro stasioni kiPraga vizia so sikavela kaj humano legaripa prekal sako Ukrainsko našutno ki Čehia nane.

I vrekje sojbaske si frdime tele o plastično gonoa šeencar si pherde dći upre . Pherde ko akala nilaeskere bare temperature o čhave tikne si umučime em pharste bešena ki odoja platforma.

Akava si I bibaht taro šel Romane našutne . Ko vakti kana udćarena I decizia taro Čehiakoro govermenti so ka ovel olencar em dali ka resen viza te šaj ačhon em te resen akomodacia an I them Ola ačhona ko treneskoro stasioni em udžarena.

O volonteria so keren buti akate vakerena kaj nikana na dikhle našutne taro aver etnikumi so si len odokhare phare šartia sar akale Romane našutnen. Kana o EU Observer pučlja jekhe taro sekjuriti dali šaj o žurnalistia khuven andre ov asala em vakerela:

“ Akate nane te dikhen khanči. Vakerla ov. “našti ni jekh te slikinel akate Avena TV ekipe em siniminen salde o kalo plastično platforma em o duvar, ama andre našti khuvel pe zte dikhel pe. Ov vakerel kaj o šatoria istemalkeren salde o Rom,

Sugeririnela pe sine kaj nekko taro Romane našutne so avena ki Praga si kotor tari ungariakiri dijaspora tari paščimali Ukraina thaj si len ungariakoro themutnipa.

E čehiakoro ministeri andrune bukjenge Vit rakušan ilustriringja olemgoro ajbeakate taro akala Roma tari Ungaria sar “baro problem”

Link: https://euobserver.com/world/154968

O Amir Destanov si Romano čhavo taro droma so angja decizia te marel pe e bibahtale jaziaja so manglja oleskiri familia te ovel but čoroli, a ov oleskere phralja em I phen  thaj oleskiri daj te oven telal familiarno terori , reslja te astarel trinto than ko matematičko natprevaruvanje “Kengur”.

I baht hulavgja ko Socialno centro čhavenge ko Šuto Orizari so dela  suporto ko momenti 671 čhave so resle te iranen len taro droma ma te mangen devlenge em te čhiven len ki škola te džan em denalenge suporto ki dćiedukacia em te keren buti ko školsko savale.

O Amri si but zainteresirime baši matematika em odoleske manglja te džal ko akava natprevar “Kengur” so reslja o sukcesi baš so kerel sine buti ko akava Centro e nastavnikoja o Filip . Kana šungja kaj ka ovel natprevar manglja ov da te lel than ama na sine le 200 denaria (3 eura) te šaj pukjinel da bi lel than ko akava natprevar.

„Mangena sine aver te džan ama sebepi so ki matematika me sem majzoralo , me nakhljum o testiriba. Vakergja mange I klasna em me vakergjum lake:”Šukare ka kerav lafi mire dajaj khere em ka vakerav tumenge” I uplata bašo matematičko natprevar “Kengur” sine 200 denaria love so mande na sine man” vakerela o Amir.

Mangipaja kaj mangel te džal ko odova natprevar po matematika ki kategoria taro VIII em IX klasi ov informiringja e nastavnička I Irena Velskovska em e Vasilka Jovanovska so si socialno bukjarni thaj e Aleksandar Loyanovski vospituvači . Ola dengje pire love em uplatingje leske te šaj džal ko akava  natprevar.

Koa kava natprevar o Amir nadžanel sine sar nakhlja . Ov e vospituvačenge em e nastavnikonge ko Centro vakergja kaj nane sigurno so kergja, soske sine ko basteriba kopčia – elektronsko . Sekirinel pe sine dali kergja sar so valjani em dali šikare basteringja o kopče jail na.

„Ama kana alo e diplomaja ko vast em o reslo trinto than, amen siamaj but bahtale” vakerela I Irena Velkovska , koordinatori ko Diveseskoro centri čhavenge pe droma.