Socijala

E Italia si la forma sar čizma, i Albania sar kondomi, a i Makedonia?

O youtuberi Zackabier editiringja ko piro kanali kote ilustriringja ko so ličinena o europakere thema. Ko video ov akceptiringja sa o thema tari EU em okolen so nane membria , konektiribaja em e Makedonia.

Akava simpatično video počminela e pučibaja – Dali dikhena okova ki Europa so me da dikhava?

Poodoriga ov pučela dali desavo drom pašljona sine ki čar em dikhen sine ko del. Pučibaja ko so ličinena o badalia so dikhena len ko del.

„Napakjavutne si kana sa o forme taro badala ličinena ko nešto sar artiklo jail džanvariu em odova si jekh a jekh thaj e konturencar taro desave thema “ vakerel ov ko plo video.

I Italia si la forma sar čizma, I Albania si la forma sar kondomi, I Ermenia sar ajkula, a I Austria sar thuli pužalka.

O Azerbejdžan nakhlja pošukar pa o Youtube konektirinela la e formaja akale simantrakere themake sar rajko ćirikli. I Belgia sar manuš so molinela pe a I Bosna sar raketa.

I Kroacia tradicionalno lipardi si sar manuš ki kifla, a okola so si pooptimistia sar gulabi so ujrala, em dikhel pe kaj o „Game of Thrones“ iranja adaja percepcia em e Kroacia si la forma sar Dragon – Zmaj. I Srbia e youtubereske ličinela sar dinosaurusi, o Kosovo sar duho, a I Makedonia ličninela leske sar karfioli, pa odoleske dikhen akava video te šaj dćanen sar izgledinela odova..

 

Link: https://www.boredpanda.com/europe-countries-shapes-according-creative-people/?utm_source=google&utm_medium=organic&utm_campaign=organic

 

Youtube:

 

Romani džuvli taro Šuto Orizari si la kancer thaj phumb ki matka, em na legargje ola ki dializa soske khandela sine

E saranda thaj ofto beršengiri Seare tari Šuto Orizari si mukhli korkoro peske bizi doktorsko opservacia ko katastrofalno sastipaskiri situacia olakere ginekološko nasvalipaja a o institucie ko sistemi si kašuke thaj korole. I Seare trujal so si la ginekološko problemoa thaj si  suspektno kaj si la kanceri ki matka oj ko jekh si pacienti ki dializa thaj trin droma ko kurko valjani te džal ki dializa. >Numa angleder deš divesa o šoferi angja decizia ma te lel la kheral em ma te legarel ola ki dializa, soske “but khandela” em o aver pacientia so džana odole vordonea vakergje odova. Uporal sa e Romnja nane la nisave da dokumentia dživdinel ko ekstremno čorolipa ki jekh čuči sobako Šuto Orizari anavkerdo sar “geto” ki deponia , nane la kašta takjaribaske, struja, hajbe, medikamentia thaj ni avena doktoria!

O „Sloboden pečat“ kontaktiringja e NGO Inicijativa ko niamia e džuvlenge taro Šuto orizari so si jekhutni NGO so kergja sa akale nasvale romnjake I Seara.

I direktorka e organizaciakiri I Salija Bekir Halim bašo “Sloboden pečat” vakergja kaj I Seare ko momenti si khere ki Šutka em ni jekh sastipaskiri institucia na opservirinela la. I tragedia te ovel panda pobari duj čhave akale romnjakiri mule.

Oj dživdinel ko ekstremno čorolipa . Ki tikni soba dendi manušendar so bešena ko stranstvo. Nane la ni takjaribaske kašta. Kergjam zori te la I doktorsko raporto te šaj čhiva la ko desavo hospitali  baši palijantno sevdža, ama odoleske trubul neko te pukjinel. Sare chidenape ki rig. I khand nane taro odova so oj melali numa taro phumb so nane ni jekh so ka tretirinel ola. Amen kingjem antibiotikia , nesave medikamentia bašo hari rook numa valjani o institucie te faisalkeren akaja lakiri situacia, vakerel I Bekir Halim.

Jekhutne so dži akana hari tretiringja e Seare si I Klinika baši ginekologia ko kompleks klinike Majka Tereza  ko Skopje. Odori I Seare sine legardi privat medicinsko vordonea pukjime taro NGO em vakergje kaj šaj te ovel la kanceri ki matka ama valjani dopherde kontrole. Pali akaja kontrola oj sine mukhli khere, aver kontrole nane kerde em akana bešel ko dukkha em bizi sastipaskiri protektiva ki Šutka.

Kana sine kerdo o pregled o specijsalisti vakergja kaj šaj kerel pe lafi bašo karcinom ki matka em valjani detalno kontrola te dikhel pe savi forma si o karcinomi. Sine lake dendi terapija so piel khere a amen kingjam la, em palo kerde sa odola kontrole e Seare e vordonea irangjan mla khere, Kontaktiringjem e Centroa baši dijaliza vakergjem I sasti situacia tari Seare em odothar vakergje kaj ola ka legaren la ki dijaliza, vakeren tari Inicijativa e džuvlengiri taro Šuto Orizar em dopherena kaj oj si salde jekh taro akala aktia ko Šuto orizariu sebepi so nane personalno ginekologo ki Šutka.

Bašo desave dive e Seare nane te ovel la pobut em hajbaske, ni medikamentia a kaštenge našti nit e kerel  pe lafi. I NGO ali ko kontakti e Centroa bašo  socialno vukja ki diz Skopje te keren zori I romni te ovel čhivdi ki gerijatria ko Skopje, jekhutni sastipaskiri institucia kotar so nudingje lake suporto ama odole hospitalizicijake trubul medicinakoro raporti so olate nane ola akanaske.

Ko maškar vakti e Seare si la bare dukkha ki šudri soba ko Šuto Orizari kote si sastipaskere em špsihićko but peravdi, Faktea kaj e Seare nane la ni dokumentia , oj našti ni putrel transakcisko konto baši donacia , em taro NGO dena apeli dći kote neko taro dizutne mangel te donirinel odova neka keren personalno ko ofisi tari I NGO ko drom Indira Gandi numero 50. Majbut valjani kašta takjaribaske, hajbe, higiensko artikloa thaj medikamentia.. Prekal o Centro socijalno bukjenge I Seare legarel pe sar persona bizo kher soske bešel ko nalegalno than. Ola nane la ni jekh socialno arka.

 

Link: https://www.slobodenpecat.mk/zhena-od-shuto-orizari-so-kancer-na-matka-i-gnoj-ne-ja-nosele-na-dijaliza-poradi-neprijatniot-miris/?fbclid=IwAR0QYZBMPiZt0imt6wir7yC-Hqf1Mv4vO9hLCxY5EkJ8fwlS1iV3qXmn-NE

Miro stav: Akaja them majpakjavutne astargja o drom te teleperavel e Romen, nane ni vice ministeri Rom

I Makedonia ko nakhlo periodi sine them lideri ki konekcia e Romen. O avgo romano deputati ki Europa sine o Faik Abdi, dizjakoro šerutno thaj ministeri o Neždet Mustafa sar Roma. I them sine garvasiali olencar em ko mitingia e europakere liderencar kitinel pe sine akale gestea kaj o Roma si kotor tari politika em o govermenti.

O teksti si ko drumo te kerel pe kontinuiteti ko lačhe politike taro anglutne govermentoia, O SDSM prekal piri ideologia si pro-minjoritetengiri partia em valjani sine te dele šajdipaki realizacia ko akala rodiba tari I romani jekhin.

Konektiribaja e Romen ko nevo Govermenti ki Makedonia šaj sine te arakhel sikavde ekspetoa, taro EU integracie, internacionalkno korelacie, diplomatia, manušikane niamia, akcepcia ko bukja so si importantno avrutne imidžeske e themake., Ki romani jekhin isi kvalitetno kjadria ki kultura, sastipe, socialno bukja jali ekonomia.

O Roma si hazri te den suporto e themake, a pučiba si kobor o SDSM thaj I koalicia sikavgje pe ko reforme em progresivno gindia ko aktiviteto?

Numa i Makedonia, konektiribaja em o nevo premieri valjani te prekontrollirinen piri decizia ko hulavipa em deiba funkcie ki them.

I Romani jekhin pakajala sine em udžarela sine kaj ko kerde planoa baši inkluzia e Romengiri ko sasoitnipa em ko themakere institucie kote valjani sine te čhiven pe Roma/nja ko legaribaskere funkcie ko themakere institucie so si importantno ko progresi e Romenge ki Republika Utarali Makedonia. Inače ki paralela sar vice ministerial , 9 si Albancia, 6 Makedoncia em 2 Turklie si an I lista so del propozalo o Govermento a te oven alusarde taro Parlamento.

Maškar agjaar vakerdo dujto politikano ešaloni nane ni jekh Rom, Srblia, Bošnjako, Vlaho jali taro avera potikne jekhina trujal so realno si 7% taro sa o dizutne ki Makedonija.

Miri percepcia si kaj akaja them majpakjavutne astargja o drom te teleperavel e Romen, nane ni vice ministeri Rom. Šaj si miri percepcia lošno. Ako si lošno jali načačutni – Rajonalen mandar jekh baro izvini!

Pendžarde romane scensko artistia; Rosario Flores

Rosario del Karmen Gonzales Flores popendžardi sar Rosario Flores bijami ko 4 Novembro 1963 berš thaj duj droma lelja o phursako sar špansko giljavutni ko latino Gremi phursakoa.

Bijami si ko Madrid, Špania, sar čhaj taro o Antonio Gonzales “El Peskaila” thaj I pendžarutni giljavutni I Lola Flores, Oj si phwn tari I giljavutni Lolita Flores thaj o kantautori o Antonio Flores. Ola si la čhaj taro olakoro ex kamlo o Karlos Orelana. Olakoro dujto čhavo o Pedro Antonio si bijame ko 21  januari 2006 berš ki data sar oleskiri baba I Lola Flores.  I Rosario thaj o Pedro Lazga olakoro partneri thaj dat olakere dujto čhaveske zapendžargje pe ko vakti kana sniminen sine o filmi taro Pedro Almodovar „Hable con ella“ ko 2001 berš.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 195 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date