Socijala

Jekh a jekh tretmani dži ko vakcine e Romenge rodena o Romane organizacie tari Dakđimali Amerika legarde tari vicepresidento an o IRU baši Dakšimali Amerika i Elisa Kosta

O vicepresidento taro IRU baši Dakšimali Amerika i Elisa Kosta liferungja liloro informacijaja so sine le neve signatire ko 31 januari 2022 berš dži ko Federalno Kriso ko niamia e dizutnenge em Federalno ministeriumi so sine signatura taro organizacie so reprezentirinen e Romane jekhina.

Kerel pe lafi baši akcepcia dži ko vakcine okolenge so si ekstremno čorole , e čhavenge so ačhile bizo jeria taro Covid 19 i akcija taro Govermenti so ka garantirinel čačutno dživdipa.

Kamav te informirinav tumen kaj ko Govermenti prekal Diferentno parlamentarno fronti bašo niamia e čhavenge em adolescentia avdive reslja lenge o lil em akava rodaripa tari federalno viceministerka Marija do Rosario PT/RS thaj signalizoiringja kaj ka kerel baro zori te  del suporto ko akava amaro rodaripa.

Odova so mudarela si o virusi , a o vaccine kurtslirinena o dživdipa. Bibahtake but Roma sebepi diferentno faktoria em but dezinformacie darana te vakcinirinen pire čhaven dži ko 12 berša. Ko lil dengjem notacia kaj isi baro nivelo fake news.

O Brasil majodoriga isi baro numero inficirime taro Omicron em palem bajrola o numero taro mule manuša (paše si 89%tarop manuša so na sine vakcinirime).

Baro netvorko taro analize em rodaripa baši protektiba e čhavenge dengje piri signature ko akava lil, maškar so em baro numero profesoria, advokatia, krisaria em specijalistia, thaj renomirime univerzitetia em rodaripaskere institucie.

Akava sine avgo oficialno akcia taro IRU Dakđimali Amerika, Brazil thaj Argentina em dokumenti akale tekstea ka ovel bičhavdo em dži ko reporter komesarijato ko UN bašo minjoritetengoro pučiba thaj PAHO.

Romano demokratikano Sojuzi – RDS pučela pes: Si li vakti bađo start taro „Romano politikano fronti“?

Si li vakti o Roma thaj i romani politikani elita te keren buti ko formiriba e „Romane politikane fronteske„?

Si li vakti te „otreznina amen“ em te ova realno kaj akava fronti šaj te anel desave politikane trampe, majbut ki romani jekhin.

Valjani li te dikha amen korkoro em te kera jekh retrospektiva napalal te šaj dikhaja i avdisutni situacia em ko savi deredža avilem . Te gejna sa so reslja i romani jekhin , a sa so našavgja pali implementacia e pluralizmoske an i Makedonia ka ovel salde našaviba vakti.

I gind si kaj trubul te irana „nevo lil“ A odova nevo lil prekal o RDS si aktivnosti prekal „Romano politikano fronti“. Sar trubul te funkcionirinel akava „Romano politikano fronti“?

 

Ko starti trubul te vakerel pe kaj valjani – eliminacia taro sa okola so korkoromangena pe, egoistia, stend ap politikantia, karieristia, dujmujale „instant političaria“ em okola so si korkoro notirime lideria jali lideria taro manuš partia.

Valjani manuša so ko  avgo than ka ćhiven o interesia e Romane jekhinake a na partisko ili individualno Valjani jekhipe em barabutno aktiviteti. Valjani jekh a jekhipe , a na intrige em barikade.

Odova značinela kaj valjani jekhipa sar nikana dži akana. Te sine em trampa ko alusaribaskoro modaliteto odova si šansa amenge e Romenge te kera buti barabutne soske te hangigja pe asavko kanoni sar jekh alusaribaskiri jekhin em individualno akti bukvalno o rezultatia ka oven katastrofalno.

Barabutne kerde listencar em dži kote akceptirinel pe asavko alusaribaskoro modaliteti jekhe alusaribaskere jekhinake bizo prago, tegani na ka valjani , uslovno o potiken partie te khuvcen ko nesave angloalusaribaskere koalicie , numa sako partia ka šaj ikljol korkoro ko alusariba te prezentirinel piri programa thaj upral odoja fubda taro reslo suporto taro dizutne kote ko sa demokratsko thema ka keren pe kontraktoas bašo majodorigutni koalicia.

Akava si lačhi šansa barabiutne aktiviteteske sar – Romano politikano fronti.

O Romano politikano fronti ka ovel šukar te kergja buti sare sar jekh sa o romane politikane partie em barabutne te aven dži ki mangli resarin.

Ki odoja lista bi oven manuša so isi len pakjiv ki romani jekhin bizi diferenca savi politikni partiake preperela, Sa odola ki odoja lista so ka resen eventualno pakjiv taro elektorati em ka len pozicie jali ko Parlamenti, jali ko Govermenti (deputati, ministeri, vice ministeri) ko majodorigutno aktivizmi (akcepcia ko dujto em trinto ešaloni) tegani prioriteti ka ovel okole manušen em partie kaskere representoa nane ko Parlamenti jali Govermenti te šaj kerel pe jekh balansi.

Salde agjaar barabutne em jekhutne o Romano politikano fronti ka ovel importantno segmenti ko politikano aktiviteti em ka lel majučo than ki politikani em institucionalno hierarhia em faktori ko aniba politikane decizie.

Tegani ka našti but lokheste te oven o Roma chidime „ki rig“ em ko margine. Ola ka oven baro faktori ko aniba diferentno decizie ki them.

Panda jekh drom te vakerav kaj odoleske valjani hrabro, progresivno intelektualno persone kote bizo pardon em dar ka roden sa so valjani, Okola so si narcisoidno, egoistiam stend ap politikantia, karieristia, dujmujale, „instant političaria“ em korkoro notirime lideria jali lideri ki manuš partia, poltronia, foteljašia, šleperia em aver nane than ko Romano politikano fronti. Te džana amenge!

 

RDS sar inicijatori akale oopcijake ko Romano Politikano fronti si le strategia, idea en garancia bašo olakoro funkcioniribe. Sa o roga dži kote mangena but lokheste šaj avena em te phanen lafi e RDS –ea baši oleskiri realizacia. O RDS bešela tumenge ko raspolaganje.

„Dromarutno ko vakti“ taro 2028 berš vakerela kaj sine korkoro 340 divesa ko post – apokaliptićno lumia

„Dromarutno ko  vakti“   kote vakerel kaj taro 2028 berš hulavgja video kote vakerela kaj si korkoro ki postapokaliptično lumia 340 divesa. Ov si ko TikTok, pendžardo sar Havier em oleskoro linko si @unicosobreviviente so ki translacia si sar “salde ačhilo dživdo” avgo drom editiringkja piro sar so phenel dživdipa ko avutnipa ko fevruari persi berš snimibaja I špansko diz Valensia kana sine saste ćuči.

 

Taro odova momenti ov vakerela kaj gelo em ko thana kote angleder sine buteder manuša ko odola dizja sar si si I Barselona, Madrid, Sevilja sikavibaja akaja daravutni tišina.

 

Palo 11 masek taro oleskoro avgo video o Havier vakerel kaj si panda korkoro sar nakhavgja o 340 divesa blokirime, “mangipaja te arakhel manuš jail dživdipa” Dive 340 a me sium panda korkoro ki lumia, džajbaja ko buteder dizja” hramosargja akana sig.

 

Buteder manuša komentirinena ko odola leskere videa kaj o Havier šaj hohavela, a aver Мpučena pe šaj ov kerel disavi video tehnologia em kerel o vide ate kerel iluzia kaj si sar korkoro.

 

Avera isto pučena pe soske em satr oleste isi le panda električno energia em internet konekcia te ačhilo korkoro ki sasti lumia.

 

 .Link: https://www.ladbible.com/news/time-traveller-from-2714-tells-world-to-prepare-for-three-dates-20220104

Utarali Makedonia: 16.000 dizutne ačhile bizi buti ki pandemia vakeren o oficialno numeria

Barabutne 16 073 dizutne našavgje piro bukjakoro than taro starti e pandemijake vakergja o direktori tari Agencia bukjake o Bekim Murati.

Prekal oficialno informacie tari I Agemcia akala dizutne si kosle tari evidencia sar bukjarne em ačhile notirime sar bizi buti ko periodi palo 11 mart 2020 berš a agorutne dataja 31 decembro 2021 berš.

I Agencia bukjake ko momenti si motirime 130 982 aktivno so rodena buti thaj 54 638 aver dizutne so notirinen pe ko sako šov masek thaj ola si notirime sar pasivno persone so rodena buti.

 

Линк: https://www.radiomof.mk/16-000-gragjani-ostanale-bez-rabota-vo-pandemijata-velat-oficijalnite-brojki/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 179 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date