O presidenti tari Srbia o Aleksandar Vučić lelja than kana phravgja pe o Europakoro romano instituti arteske thaj kulture em ko leskoro lafikeriba vakergja:

“ Si man baro čalipa so sium akate. Amen ko akala thana siklilem te mara amen averencar, a avdive siam akate te mara amen mujal o diferencieem Romani inkluzia. Akate kera lafi bašo teleperaviba, ama ka liparav em o potenciali so si ko Roma avdive ki Srbia. Akate isi baro numeroterne, artistoa, naučnikia.. Valjani te buvljara o pretpriemništvo ko Roma. Ka čhiva ki buti 100 Roma ki administracia.

O presidento notiringj kaj i Srbiana hulavela e manuše premal nacionaliteto jali religia em odoleske majšukar egzamplo si o organizirimo vakciniriba sa e dizutnenge ki them Srbia.

 E cehiakoro Rom o Petr Ščuka si jekhtuno so artiklilrinela ki Čehia majce, mašne jali lelneno torbice romane flagoncar em kerel len korkoro kote isi elementia taro kristalia Swarovski so bikinela len prekal oleskoro @marketi.I idea akale bizniseske prekal Internet alo leske angleder 3 berša kana kergja asavke majce paske tikne kristalencar. "Mi romni em me majanglal planirina sine te phrava jekh tikno dukjani ko 2020 berš romane artikloncar so ka biknina majce muršane em dživljane. I pandemia rumingja amare plania em nikana na phravgjam dukjani” vakerela ov.

Trubul te vakerav kaj i dekoracia - lepiba o kristalia lela majbuteder vakti soske sako kristali si minijaturno em trubul te ovel tut precizno vas. Ki jekh majca čhivela pe paše 100 kristalia” vakerel o Ščuka dopheribaja kaj oleste isi so rodena manuša em tari Austria,, Slovaki em USA. „Palo jekh berš sar siam ki berza ko Internet amen na kera buti salde e Slovakijaja em e Amerikaja numa kera akana buti em e Britanijaja em Kanada, O artiklia na rodena len salde Roma numa em gadže okolla so keren buti e Romencar jali romane organizaciencar” vakerel o Ščuka.

Link: http://www.romea.cz/en/news/czech/petr-scuka-romani-flag-accessories-with-swarovski-crystals-are-popular?fbclid=IwAR2e-bsK4CHqESU4blZa6KPNtUYnevjjgLtZ_Qv022WyJLGZmyzRXqaRnhA#.YKyM0vKSuVg.facebook