Ko sa o portalia iklili informacia kaj ko dive 11 april kava berš paše ko 21 o časo alo dži ko maripa maškar dizutne tari kočansko mahala Trajanovo trlo thaj grupa čora, kote so nekobor persone sine ratvarde. Numa o čačipa si aver.
Jekh saato palo policisko časo ki kočansko mahala Trajanovo trlo astargje em marena sine jekh 10 beršengere tikne čhave soske kosem si astargje le sar čorela nekobor cepanke kašta.
Olaa tepnencar em boksencar khuven sine e čahve so molinela len sine te čhinaven ola agjaar khuvindo ratvargje ole, Palo akava mariba ali grupa manupa te vakeren te čhinaven o mariba em te len e tikne čhavem em odoleske ulo panda jekh maripa.
O mediumia mangipaja te minimizirinen akava incidentisar informacia sikavgje kaj sine maripa maškar o dizutne tari odoja mahala em čora, a na te vakeren o čačipa kaj akala manuša margje 10 beršengere tikne čhave.
Taro policiakoro stasioni vakergje akaja informaia thaj kaj akana keren buti te dikhen sa o faktia em oficialno ka den raporto ko dive so avela.
Ki reakcia ko socialno netvorkia kote isi em o video taro akava mariba e čhaveske bičhavde si zorale reakcie kote maškar aver vakerel pe:
„ Ladžavo em katastrofa. O egzamplo tari mahala Trajanovo trlo kote valjani te ovel faisali e manušenge so kergje maripa upral 10 beršengoro čhavo m namanušikane aktia si dur tari sako civilizacia em civilno maniri.
Ko aver komentari vakerela pe: “ Kobor šaj o manuša te oven yveroa sebepi etnikani natolrenacia”
FB video:
https://www.facebook.com/messenger_media?thread_id=100000359196754&attachment_id=2833743466942284&message_id=mid.%24cAAAAABN-0SB-90xHbF4xgb7qVxoy
