Dži ko paraštuj, o privatno busa ko Skopje ka keren buti dži ko 10 o saati sabeskoro, rodena finansiripe te šaj te keren buti maj dur
Jek kotor taro privat busia ko Skopje dži ko o agor akava kurko ka transportirinen dži ko 10 o saati sabajleskoro. Akava si, sar so phenen, jekh dejbe alarmi, te den lem love te šaj keren buti poodoriga. Sar so vakerena ola salde bašo o januari lele kotor taro o love thaj nae lenge aver khanči pukjime so den ola o servisia.
Kotor olendar, sar vakeren, sine len jekh kedipe e direktoreja tari JSP "Skopje", kote akana pobut nae ki odoja pozicija, thaj vakergja lemge kaj ka oven pukjime kotorvale te šaj dži ko septembri te oven saste pukjime sa e lovencar bašo sako masek.
A akana vakeren sar leste chidingje le tari odoja pozicia, lenge khanči ni vakerdo sar ka faisalkeren akava problem.
O Privatno transportora čhinavgje te oven kotor taro dizjakoro transporti ko Novembro 2022 berš soske sine len borčia so I diz Skopje na dengja olen. Ko agor e Novembrosko thaj ko starti taro Decembro, paše 300 busia blokiringje o dromia ko Skopje thaj na keren sine buti.
E dizjakoro šerutni Danela Arsovska nrgiringja kaj e diz Skopje si la borči prekal o privatno busia, thaj notiringja kaj I diz šaj funkcionirinel em bizo olende.
