Šutka NEWS

Andi si decizia te phravel pe policiakoro stasiono an o Šuto Orizari

O Konsilo e komunake Šuto Orizari angja decizia te phravel pe policiakoro stasioni thaj decizia te del pe Ofiso so si an o ploipa e komunake Šuto Orizari sebepi te phravel pe Policiakoro ofisa taro MAB.

O Konsilo e komunake Šuto Orizari sebepi baro numero teleperaviba o sasto tromalipa thaj dživdipa, bari frekfencia taro vizitoria an o kurko, thaj sebepi trafikoskoro problemo ko šerutno drom an o Šuto Orizari notiringja kaj trubul te putrel pe policiakoro ofiso.

Aso Membro 2 tari i Decizia te putrel pe policiakoro ofiso i buti taro akava ofiso ka ovel aso o propozicie taro Ministeriumi andrune bukjenge , sar preventivno leiba aktia - čhinaviba kriminalo, majbari protektiva thaj siguriteto thaj efikasno faisaliba bašo nakanonikane aktia.

E Ministeriumeske bašo andrune bukja tari R. Utarali Makedonia dela leske ofiso (objekto) bilovengoro te šaj kerel buti a si an i lokacia taro drom Nov Život bn te kerel piro aktiviteto sar arakhiba saste siguritetoske.

D-r Snežana Zoksimovska tari Poliklinika Šuto Orizari bašo 3 deceniea vakciniringja upreder 100.000 čhaven

Ki skopsko komuna Šuto Orizari dikhindo statistikane isi majtikno procento so si kontra taro vakcien thaj majtikno procento so si inficirime taro morbilia.

O Roma tari akaja komuna legaren pire čhaven an i vakcinacija.
Akaja komuna an o Skopje si len baro perimetro thaj procento tari imunizaci , vakcinacia taro morbilia so si 97% ko čhave so si bare dži ko 12 masekoa.

D-r Snežana Zoksimovska tari Poliklinika Šuto Orizari bašo 3 deceniea vakciniringja upreder 100.000 čhaven

O čhave so sine vakcinirime angleder deceniencar akana anen pire unukon olate an i imunizacia.
„Baro si o čalipa kana ka avel jeri pire čhavesa, jali baba pire unukosa thaj ka vakerel : " E miro čhavo akaja doktorka mande da vakciniringja. Odova sikavel kaj o korkoro jeria da si len bari pativ pe mande so kergjum lenge vakcina. Odova si resultato tari miri dži akanutni 30 beršengiri buti an i akaja poliklinika" vakerel i D-r Snežana Zoksimovska.

Ko jekh taro 59 nasvale taro morbilia an o Skopje , tari akaja komuna isi salde jekh efta masekoskoro bebe. I vakcina mujal o morbilia tari akaja komuna si len lendo paše 97% taro čhave.

 

E Lumiakiri banka si hazri te del suporto e lokalno ekonomsko progreseske an o Šuto Orizari

Ko dikhiba sar so informirinel i komuna Š.Orizari sine diskutirime e krditošajdipaskoro momento ko džuvlja prekasl modaliteto taro unikeriba so havel lačhariba thaj netvork biznis inkubatori thaj kontinuirimi komunikacia e teren promotorencar te šaj ovel olen bisnis džanlipa, fascilitacia, finansisko edukacia thaj špariba.

–Šajdipa, Mentor thaj ekonomikani reintegracia trubul e Romenge majbut ki Romani džuvli te startujnen biznisea.

Te šaj ovel respektabilno ekonomsko kompania , trubul formiriba moldi e artiklonge jali buti, arakhiba mehanizmoa te šaj ačhol ki buti, buvljaripa e biznisoske prekal ekstra instrumentia, marketing thaj džanlipa fundavno biznis koncepto, vakergja o Srgjan Amet taro Sektori lokalno ekonomikano progreso.

Progrs taro lokalno turismo jali anavkerdo sar,,community based tourism” si jekh taro šajdipa te kerel pe progresi e dživdipasker standardoske.

I Komuna Šuto Orizari avgo drom formiringja ofiso e lokalno ekonomsko progreseske sar importasntno fakti ko suporto e neve investicienge thaj konektiribas neve ekonomsko korelacie.

ERRC bičhavgja lil dži ko Premieri tari R Makedonia Zoran Zaev thaj o Ministeri e policiake o Oliver Spasovski

I ERRC sar organizacia so opservirinela e manušikane hakoa e Romenge an i Europa , thaj reprezentirinel e Romen kana si pervade e Romengere hakoa bičhavgja lil dži ko premieri e Rmakedoniake o Zoran Zaev thaj o ministeri policiake Oliver Spasovski an i konekcia e incidenteske ki komuna Šuto Orizari kote isi baro numero Roma.
Ko lil si akcentirime kaj o ERRC bare samaja dikhel o informacie taro bilteni e Policiakoro notirime an o 28.01.2019 kana grupa dizutne, anglutne notaciencar faktea taro šajdutne kidanpiriba čhaven iklile ko šerutno drom e mahalake te roden vordon kale pendžerkencar thaj bizo registarsko tablice.

O ERRC akcentirinela kaj anglal o incidento odoja rakj sebepi sekiracia pire dizutnenge e dizjakoro šerutno e komunake Šuto Orizari Duduš Kurto akhargja e dizutnen ko rakjakere saatia te aven an i komuna an o mitingo kote than ka lel thaj o komandiri e policiakere stasioneske Čair so ka roden antvorto thaj konsultacie an i konekcia so anglutne divesa sine buvljardi informacia kaj isi manuša so dikhle kaj kurtalingje čhaven taro šajdutne kidnapiriba, situacie so rezultiringje sekiracia ko dizutne tari akaja komuna tari akaja komuna te na mukhen pire čhaven an i škola.

Salde duj časora anglal te ikerel pe o mitingo an i komuna sar so si akcentirime an o lil blokiringje o drom jekh vordoneske taro tipi Jeep Hundai Galoper kote sine trin persone kote majanglal uli verbalno čhingar thaj palo odova fizičko konflikto , kote sine ratvarina upral trin odola persone kote jekh olendar sine phareste ratvarde so palo incidento sine hospitalizirime an o hospitalo 8-to Septemvri an o Skopje.

I policia palo akava incidento akceptiringja 7 kriseskere aktia , efta personenge so lel than an o akava konflikto kote duj persone si akana starteske 30 divesa phanlipa.

Ko majodorigutno kotor taro akava lil taro ERRC akcentirinel o vakerina tari Policia thaj o ikerde press taro ministeri Spasovski thaj rodena tari Policia em aver policiakere institucie te notirinen aso o dende informacie so si but importantno akale akteske. Oj pakajala kaj ko majodorigutno rodaripa an i konekcia akale incidenteske nane te ovel akceptirime refleksia aso ande kriseskere decizie. O ERRC rodela antvorto taro themakere institucie:

- Save institucionalno konsekvence ka len pe reasrinaja protektiva thaj siguriteto e dizutnenge. 
-Save konsekvence ka len pe te respektirinel pe o niami baši edukacia e čhavenge kote o jeria ka šaj te pakjan kaj o siguriteto olengere čhavenge si garantirime.
Akcentirinen na detalno faktencar baši i situacie vordoneske ko si gazda taro Hundai Galoper? Si li o gazda akale vordoneske policajco? Sine li o gazda e vordoneske odothe kana sine o incidenti? Save si tumare informacie odolea so o vordon si paldime bizo registarsko tablice thaj kale pendžerke? Si li arkahle an o vordon desave nalačhe artikloa? Čače li ko vordon na sine palal o thana bešipaske? Thaj so si čačipa e fantomkenge , kopačia thaj lopate so sine arakhle ko gepeko e vordoneske? So sine i rolja e trinto manušeske so na sine policajco?
- So si o aver aktia so ka len pe taro institucie te arakhen detalia an i konekcia akale incidenteske thaj soske alo dži ko akava incidenti?
-Kobor romane persone si akharde an o raspit thaj kobor krisoskere aktia si vazdime? Dendo li lenge translatari thaj advokati an o akava proceso? Save avutne aktia planirinen pe?
- Kobor droma o policajcoa so nane ko momenti an i buti džana an o akcie aso notirime aktia prekal o FB?
- Si li akala korkorolende akcie taro desave policajcoa si avutni strategia e policiake, ekstra kana nae ki buti, thaj dali ola ka oven lende disciplinakere aktia?
Save aktia ka keren pe asavke incidenteske ko avutnipa solea ka čhinavel pe i situacia te eskalirinel an i etnikani natolerancia, faktea kaj o ratavrde sine albansko etnikane preperutnipaja?

Si li plania te putrel pe policiakoro stasioni an i komuna so gejnela upreder 30.000 dizutne?
Ko agorutno kotor e lileske taro ERRC akcentirime si kaj an o konteksti taro majbuvlo Antiromani hoš an i Europa , thaj baro numero diskriminirime Roma so nane len nisavo niami o ERRC apelirinel dži ko krisoa thaj aver institucie thaj e policia so keren ko asavke aktia buti trubul te ikeren pe aso Europakere krisoskere aktia bašo manušikane niamia prekal o membria (6) thaj (14) thaj o membro taro Europakoro Kris manušikane niamenge (3) thaj (8).

O ERRC akcentirinela kote dži ko agor ka dikhel o sasto akti thaj sa o aktia so si konektirime akale incidentea te šaj te ovel siguritetno kaj isi repeskti e kanonekge thaj o membria an o akava kanoni sar so si o (2,3,5,6 )thaj (8) ko jekh o (14) membro tari Europakiri Konvencia an i protektiva e manušikane niamenge. I organizacia ka tergjol an o raspoloženie te del konsiliaro adekvatno faisaleske an i konekcia akale urgentno situaciake , akcentirinel pe an o agor ko lil taro ERRC so si adresirime dži ko premiero thaj o ministeri tari Policia an i Makedonia.

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali