Шутка NEWS

Се реконстуира втората фаза од улицата Индира Ганди во Шуто Оризари

Екипите на Град Скопје денеска ја почнаа втората фаза од реконструкцијата на улицата Индира Ганди, во општината Шуто Оризари. Обновата на вториот дел од оваа фреквентна сообраќајница е предвидено да заврши во рок од 50 дена.

- Како што ветивме минатата есен кога ја почнавме реконструкцијата на првата фаза од улицата Индира Ганди, оваа пролет ја почнуваме реконструкцијата на втората фаза од оваа улица, и тоа во должина од 800 метри, од улицата Бутелски венец до улицата Нов живот.

Ќе биде заменет стариот асфалт кој е целосно уништен, ќе се заменат оштетените рабници, а ќе бидат реконструирани и тротоарите. Инвестицијата на Градот Скопје во овој проект изнесува околу 13,5 милиони денари со ДДВ - рече градоначалникот Шилегов, на почетокот на градежните работи на улицата Индира Ганди.

Тој нагласи дека во текот на реконструкцијата на оваа делница, во овој дел од градот ќе биде воведен привремен сообраќаен режим.

- Ги замолувам граѓаните за разбирање и за почитување на тој привремен сообраќаен режим, се со цел што е можно побрзо да завршиме со реконструкцијата на оваа улица која повеќе од 30 години не е реконструирана. Градот Скопје вложува во сите делови од градот зашто за нас сите граѓани се исти и имаат исти потреби од добра инфраструктура.

На почетокот на оваа пролет, кога ќе почне сезоната за садење, овде ќе подигнеме и нов парк - прв парк кој што ќе го уреди Градот Скопје во Шуто Оризари за потребите на граѓаните – најави Шилегов.

Жените од Шуто Оризари повторно останаа без гинеколог

Седум дена жените од Шуто Оризари немаат матичен гинеколог во општината. Со заминувањето на единствениот лекар за репродуктивно здравје, велат, се враќаат една деценија назад, кога и почнала нивната борба за основен пристап до услуги од овој тип.

 

Над 8.000 пациентки во единствената гинеколошка ординација во Шуто Оризари, веќе една недела наидуваат на затворена врата. Велат, затекнале известување без претходна најава дека докторката Влјолца Мбјара заминува да работи во населбата Ченто. Од Иницијативата на жени- ромки порачуваат дека имаат право на еднаков и непречен пристап до услуги за репродуктивно здравје.

 

Досегашната лекарка пред три години дојде од Албанија. Беше назначена од Министерството за здравство и добиваше субвенции зашто немаше заинтересирани гинеколози да работат во оваа средина. Ваквиот третман, во општина со доминантно ромско население претставува дискриминација, велат граѓанските активисти. Го прашаа министерот за здравство, дали има решение за овој горлив проблем. Доколку не се изнајде брзо решение, предупредуваат за несакани последици врз репродуктивното здравје на жените од Шуто Оризари.

 

Се огласи и министерот за здравство, Венко Филипче. Вели дека лекарот сам решил да замине. Разговара со неколку институции за да се види дали може да се обезбеди гинеколог по системот на ротација, а во случај да не може, тој најави дека ќе се обезбеди буџет за дополнителна стимулација, со програмата на Министерството за здравство.

Курто Дудуш и Исмаил Демир постигнаа договор - судска опомена

Курто Дудуш градоначалникот на општина Шуто Оризари денеска од судијата Ѓоко Ристов од Кривичниот суд „заработи“ пресуда судска опомена по однос на поднесената приватна тужба од тужителот Демир Исмаил.

Тој беше обвинет за нанесување на телесна повреда. Исмаил во тужбата имаше наведено дека лани на ромски бал кој се одржувал во „Александар палас“ бил удрен од Дудуш.

Исмаил сметаше дека причина за нападот е тоа што неговата организација донира храна и облека за жителите на општината, но тоа не му се допаднало на Дудуш и се обидувал да го спречи.

Денеска целиот процес започна и заврши во безмалку дваесетина минути. Тужениот и тужителот пред почетокот на главната расправа заедно со своите адвокати постигнаа согласност, обвинетиот да го признае делото и со тоа да заврши судскиот процес.

Обвинетиот градоначалник на Шуто Оризари во својата одбрана пред судскиот совет рече дека настанот за се случил во афектна состојба .

– Официјално му се извинувам. Да можам да го вратам времето, ова немаше да се случи – рече кратко и јасно обвинетиот Дудуш.

Мики Вујиќ, адвокатот на Дудуш рече дека многу му е мило што еден ваков настан се решил на цивилизациски начин и културно.

Оштетениот Исмаил пак нагласи дека ќе поднесе граѓанска тужба за парична оштета против Дудуш и добиените пари ќе ги донира за децата без родители.

Откако двете страни во брзата постапка се изјаснија по однос на тужбата, на судијата Ристов не му остана ништо друго освен на обвинетиот да му пресуди судска опомена.

По трагедијата во Шуто Оризари – Дали сега ќе реагираат институциите за против пожарна екипа во Шуто Оризари?

По големата трагедија во Шуто Оризари каде животот го загубија две дечиња на возраст од 3 и 1 и пол година и зафати уште четри куќи , сега изгледа институциите и државата се „освестува„

 

Покрај возилата од Пожарна, на лице место имаше и полиција, а на терен излегле и три возила од брзата помош.

-Интервенирано беше првично со две возила од потцентар Бит Пазар, па после тоа од Автокоманда пративме уште две возила.

 

Жителите на Шуто Оризари се жалат дека пожарите се доста чест и голем проблем во нивната општина. Велат долги години бараат да се формира противпожарна бригада таму, но институциите како да се глуви на нивните барања.

 

-Време е веќе без разлика кој ќе дојде на власт да воспоставиме противпожарна единица за да нема вакви немили случувања. Ако имаме време, начин и енергија да организираме балови, да организираме разно разни настани, можеме и мораме да воспоставиме да формираме против пожарна единица на локално ниво, велат револтираните граѓани на Шуто Оризари

 

По трагедијата на лице место беа и техничкиот премиер Оливер Спасовски и техничката министерка за труд и социјала Рашела Мизрахи, градоначалникот на општината Курто Дудуш и др.

FaLang translation system by Faboba

Сакам да речам

Momentalno Online

Имаме присутни 88 посетители кои го читаат ROMATIMES.NEWS

Golden Wheel - Entry Application Form

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот