Шутка NEWS

Првата ромска општина во светот, Шуто оризари го прослави својот 23 роденден!

Општината Шуто Оризари започнува да се развива кон крајот на 1963, почетокот на 1964 година, со населување на првите жители и тоа најмногу Роми. Името потекнува од зборот “шуто” што во превод значи неплодно.

Во почетокот на 1996 година Шуто Оризари заедно со двете села околу неа– Горно и Долно Оризари, формираат самостојна административна единица – општина Шуто Оризари. Општина Шуто Оризари e првата општина во светот со мнозинско Ромско население.

Затоа на 12 Септември во ресторантот „Мевче Палас„ беше одбележан јубилеот на оваа општина каде свое присуство имаа владини преставници, меѓународни мисии, локални институции , здруженија на граѓани и медиуми.

По тој повод, градоначалникот Курто Дудуш додели плакети за придонес во развојот на ромската заедница.

Дали е пронајден убиецот на младата Ромка која беше пронајдена во црна кеса во Горно Оризари?

На 6 август годинава во близина на Горно Оризари покрај патот беше пронајден женски леш во црна ќеса. По обдукцијата беше идентификувано телото и утврдено е дека се работи за 30 годишна девојка жител од населбата Шуто Оризари.

Потоа од МВР потврди дека таа била убиена со употреба на цврст предмет и дека потоа беше фрлена покрај патот. Веднаш се појавија и информации дека веќе имаат и осомничени лица за тоа убиство.

Но потоа веќе немаше информации до каде е истрагата.  Според неофицијални извори како осомничени засега се водат две лица, жители од населбата Шуто оризари, но поради недостиг на докази, постапката против нив е запрена но тие сепак сеуште внимателно се следат.

Исто така неофицијално се дознава дека еден од осомничените е триесет годишен маж кој наводно со жртвата бил во секојдневен непосреден контакт и биле во неформална врска.

Поради тој факт, неофицијално е под полициско надгледување, каде во меѓувреме полицијата сеуште ги прегледува доказите за евентуално доколку се остварат нивните претпоставки да превземат соодветни понатамошни законски чекори.

Во истрагата се очекува да помогне и анализата на отпечатоците кои евентуално ќе се откријат на црната вреќа со која било завиткано телото.

Почина легендарниот Рефет Сулејман, познат како Папо Алфонсо

По долга и тешка болестна 8 Август 2019 во својот дом во Шуто Оризари - Скопје на 87 годишна возраст почина Рефет Сулејман, кој во јавноста беше познат како Папо Алфонсо.

Инаку Рефет меѓу народот беше познат по својата ведрина, и покрај годините по својата виталност и љубимец на сите генерации. Беше позната градска фаца и неговото дружење со сите генерации.

Инаку истовремено поради неговиот ведар и насмен дух имаше и неколку актерски улоги на ТВ и играни филмови, како и на разни спотови и реклами.
Започна во еден хумористичен серијал на ТВ БТР заедно тимот на Ајгара Бенд, како и во повеќе хумористични театарски перформанси.
Истовремено играше мали епизодни улоги во филмовите на Емир Кустурица - „Црна Мачка - Бел Мачор„, „Шампионите од Шутка„ како и протагонсит во неколку видео музички спотови и реклами.

Неговите кафе другарувања во центарот на градот често беа скоро секојдневие, и затоа беше забележан и покрај годините со неговот стандардно бело одело и прераскажувањата кои ги доживеал за време на неговите патувања низ Европа.

Неофицијално: Жената која беше најдена во црна вреќа, е жител на Шуто Оризари на околу 30 годишна возраст

Траги на насилство биле забележани на женскиот труп кој вчера беше пронајден во скопско Горно Оризари.
Некои медиуми пишуваат дека жената (девојката) најдена во црна пластична кеса била убиена, ставена во кесата, па фрлена покрај патот.
Како што се дознава неофицијално од извори од истрагата, се работи за насилна смрт, а на нејзиното тело имало повреди од удари.

Телото на починатата девојка од местото каде што било фрлено, со наредба на јавен обвинител е предадено во Институтот за судска медицина и криминалистика во Скопје. Откако ќе биде направена обдукција, ќе се знае од што точно починала, како и дали сторителот кој што ја убил оставил траги кој можат да ги донесат надлежните до него.

Инаку неофицијално засега станува збор за жителка од Шуто оризари и е на околу триесетгодишна возраст.

Од МВР информираа дека случајот во полиција го пријавил вработен во јавното скопско претпријатие Комунална хигиена додека патувал кон селото Горно Оризари, скопско.

FaLang translation system by Faboba

Сакам да речам

Momentalno Online

Имаме присутни 78 посетители кои го читаат ROMATIMES.NEWS

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот