Шутка NEWS

Владата предложи до Собранието 20 имиња на заменици министри, меѓу нив и двајца Роми, Неждет Мустафа и Ерџан Селими

Владата на Република Северна Македонија до Собранието редложи 20 имиња за заменици министри, при што целосно се комплетира владиниот тим. Во владиниот тим се предложени и двајца Роми заменици министери.

За заменик министер во Министерството за односи со заедници се предлага Неждeт Мустафа. Мустафа е дипломиран професор по филозофија. Од 1996 до 2002 година бил градоначалник на Општина Шуто Оризари. Потоа бил дел од македонското собрание како пратеник, а од 2006 до 2017 година е назначен за Министер без ресор – Национален координатор на Декадата и Стратегија за Ромите.

За заменик министер во Министерството за локална самоуправа се предлага Ерџан Селими. Селими е магистер по политички науки. Од 2009 до 2014 година бил советник во кабинетот на министерот без ресор. Од 2014 до 2024 година бил државен службеник во Генералниот секретаријат на Владата, а од 2017 до 2024 година бил советник во Советот на Град Скопје.

Инаку како Министер без ресор претходно во овој владин состав е назначен Шабан Салиу.

Три жени се повредени во сообраќајка кај ТЦ Мавровска - Автобус се заби во жардиниера

Засега не е познато како дошло до несреќата и дали во моментот на ударот имало патници во возилото.

Три жени се повредени денеска во сообраќајната несреќа, која се случи кај ТЦ „Мавровка“, откако автобус излета од коловозот и се заби во жардиниера.

Од Итната медицинска помош потврдија дека се повредени три жени, од кои едната се пожалила на болки во колкот, а другите две се здобиле со полесни повреди. Сите три со возило на Брза помош се пренесени во Клиниката „Свети Наум Охридски“.

https://www.slobodenpecat.mk/video-avtobus-na-jsp-se-kachi-na-zhardinieri-kaj-mavrovka/

Приватните автобуси во Скопје до петок ќе возат само до 10 часот изутрина, бараат финансии за да продолжат да работат

Дел од приватните автобуски превозници во Скопје до крајот на оваа неделка ќе возат само до 10 часот наутро. Ова е, како што велат, предупредување и бараат исплата на финансии за да можат да продолжат да возат. Според нив, од јануари годинава имаат земено само дел од средствата и оти не им се исплатени пари за услугата што ја даваат.

Дел од нив, како што велат, имале средба со директорот на Јавното сообраќајно претпријатие „Скопје“, кој сега веќе е разрешен од функцијата, а од кого добиле ветување дека постепено ќе им се исплаќаат заостанатите средства. На тој начин, како што велат, до септември целосно ќе им бил исплатен долгот.

За тоа што ќе се случува по неговото разрешување велат дека немаат никаква најава.

Приватните превозници во ноември 2022 година престанаа да бидат дел од градскиот јавен превоз поради долгови што бараа да им бидат исплатени од Град Скопје. Кон крајот на ноември и почетокот на декември со повеќе од 300 автобуси паркирани на клучните крстосници го блокираа главниот град.

Градоначалничката Данела Арсовска негираше дека градот има долг кон приватниците, а минатата година рече оти е сигурна дека Град Скопје може да функционира без приватни автобуски превозници.

Скопје: Акција за отплата на долгови без пресметка на камата до 31 јули 2024 година

ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање е во тек.

Акцијата за отплата на долговите на рати без камата за физички и правни лица е со определен временски рок почнувајќи од 20.06.2024 заклучно до 31.07.2024.

-Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање.

Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес, велат од Водовод.

По истекот на овој период одлуката престанува да важи.

За секоја дополнителна информација за услугите на ЈП Водовод и канализација – Скопје контактирајте на:

02 3073 010, Дежурно Информативен Центар; 02 3240 300, Дирекција; Оваа е-адреса е заштитена од спамботови. Треба да ви е овозможено JavaScript за да ја видите.; www.vodovod-skopje.com.mk; www.facebook.com/jpvodovod.skopje