Šutka NEWS

Internacionalno studentia ka sikljoven romani muzika an o Šuto Orizari

I profesorka gitarake taro Israel Hamutal Zimra sine la dikhiba an i komuna Šuto Orizari te konektirinel koorelacia resarinaja te sikljoven tradicionalno romani muzika akava nilaj an o Šuto Orizari.

Barabutne 20-40 studentia si zainteresirime te aven an o Šuto Orizari te šaj sikljoven o specifike thaj autentikano momenti an i interpretacia romane muzikake konektiribaja o : ritmi, melodia thaj aver.

Akaja grupa studentia ka oven praktikujme tari rig Romane muzičaria an o duj grupe: giljajbe thaj bašaviba.

Planirime si i grupa te resel ko thavdipa e masekoske avgust , a o lokalno legaripa trubul te del suporto an i akomodacia , than kote ka ikerel pe i edukacia , konekcia e muzikantencar so pendžaren i romani muzika.

Akaja inicijativa an i koorelacia e Komunaja Šuto Orizari ka kerel majbuvli promocia e romane muzikakere artikloske.

Faktia baši i komuna Šuto Orizari

Šuto Orizari startujnel te buvljarel pe ko agor taro 1963, starti taro 1964 berš kana aven o avgo dizutne majbut Roma. O anav avela tari forma "šuto" so an i translacia pe makedonikani čhib si "jalovina" - "naproduktivno" gindibaja kaj odothe i phuv na bijanela. Kana formirinel pe sine i mahala, i komuna Šuto Orizari resel i forma sar urbanizirimi mahala.

Vaktea i mahala isi la administartivno thaj kulturakere institucie. An o 1996 berš o Šuto Orizari barabar e duj paše gavencar trujal olate o Upruno thaj Teluno Orizari formirinen jekha dministrativno jekhin - komuna Šuto Orizari. I komuna si jekhto an i lumia kote isi majbuteder Roma.
I Komuna Šuto Orizari astarela than 7,48 km² a dizutne aso i statistika si 2.780,75 manuša/km².

Generalno ilustracia e dizutnenge an i komuna Šuto orizari aso i statistika taro manuša, khera em familie an i RM taro 2002 berš dende si an i tabela kote naoficialno isi paše 35.000 dizutne). Aso o info, 60,6% taro sa manuša si Roma jali paše 14.000 Roma.

O migarcisko akcie sikavel o trendi tari progresia an i komuna Šuto orizari thaj o tabele aso o beršipa sikavena kaj o proseko si 65 berša thaj si diferentno e dizjake Skopje so si upreder taro limiti 10.4%

Ki komuna Šuto Orizari isi 2 fundavno škole . Jekh si i škola Phralja Ramiz thaj Hamid kote sikljovena ki makedonikani čhib thaj si len predmeti an i romani čhib. O aver školo si „26 Juli“ kote sikljovela pe an i albanikani čhib. Isi em maškarutni škola anavea "Šaip Jusuf" .
An i komuna isi ambulanta kote sasljaren pe sa o manuša taro Šuto Orizari thaj o gava an o trujalipa sar so si Brazda, Kučevište thaj Pobožje.

E dizjakoro šerutno an i komuna taro 2017 berš štar beršengere mandatea si o Kurta Duduš taro SDSM. O konsilo e komunake isi le 19 membrora kote 8 taro SDSM, 7 taro SRM, duj taro DUI jekh tari Besa em jekh tari Alijansa e albanconge.

 

Andi si decizia te phravel pe policiakoro stasiono an o Šuto Orizari

O Konsilo e komunake Šuto Orizari angja decizia te phravel pe policiakoro stasioni thaj decizia te del pe Ofiso so si an o ploipa e komunake Šuto Orizari sebepi te phravel pe Policiakoro ofisa taro MAB.

O Konsilo e komunake Šuto Orizari sebepi baro numero teleperaviba o sasto tromalipa thaj dživdipa, bari frekfencia taro vizitoria an o kurko, thaj sebepi trafikoskoro problemo ko šerutno drom an o Šuto Orizari notiringja kaj trubul te putrel pe policiakoro ofiso.

Aso Membro 2 tari i Decizia te putrel pe policiakoro ofiso i buti taro akava ofiso ka ovel aso o propozicie taro Ministeriumi andrune bukjenge , sar preventivno leiba aktia - čhinaviba kriminalo, majbari protektiva thaj siguriteto thaj efikasno faisaliba bašo nakanonikane aktia.

E Ministeriumeske bašo andrune bukja tari R. Utarali Makedonia dela leske ofiso (objekto) bilovengoro te šaj kerel buti a si an i lokacia taro drom Nov Život bn te kerel piro aktiviteto sar arakhiba saste siguritetoske.

D-r Snežana Zoksimovska tari Poliklinika Šuto Orizari bašo 3 deceniea vakciniringja upreder 100.000 čhaven

Ki skopsko komuna Šuto Orizari dikhindo statistikane isi majtikno procento so si kontra taro vakcien thaj majtikno procento so si inficirime taro morbilia.

O Roma tari akaja komuna legaren pire čhaven an i vakcinacija.
Akaja komuna an o Skopje si len baro perimetro thaj procento tari imunizaci , vakcinacia taro morbilia so si 97% ko čhave so si bare dži ko 12 masekoa.

D-r Snežana Zoksimovska tari Poliklinika Šuto Orizari bašo 3 deceniea vakciniringja upreder 100.000 čhaven

O čhave so sine vakcinirime angleder deceniencar akana anen pire unukon olate an i imunizacia.
„Baro si o čalipa kana ka avel jeri pire čhavesa, jali baba pire unukosa thaj ka vakerel : " E miro čhavo akaja doktorka mande da vakciniringja. Odova sikavel kaj o korkoro jeria da si len bari pativ pe mande so kergjum lenge vakcina. Odova si resultato tari miri dži akanutni 30 beršengiri buti an i akaja poliklinika" vakerel i D-r Snežana Zoksimovska.

Ko jekh taro 59 nasvale taro morbilia an o Skopje , tari akaja komuna isi salde jekh efta masekoskoro bebe. I vakcina mujal o morbilia tari akaja komuna si len lendo paše 97% taro čhave.

 

FaLang translation system by Faboba

Mangava te vakerav

Momentalno Online

       Isi 107 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali