Šutka NEWS

Oficijalno Asan Ferat prezidenti ko OO SDSM SHUTO ORIZARI

Ko naklo vikend ikergjape konferencija kote so o OO Sdsm Shuto Orizari ki konferencija alusargja e neve dzenen ko akava ogranok koleja so oficijalno alusardo o Asan Ferat nevo prezidenti ko ogranok SDSM Shuto Orizari.

Ulavdo ko akaja konferencija sine thaj alusarde prezidentija ko mladinski aktiv, ko dzuvljano forum, thaj generealno sekretari sar thaj izvrshen odbor.

Ko avutnipe adzikerelape te pravelpe thaj o kancalarije tari akava ogranok kote so ka pochminel bukjaja.

Taro ogranok vakerena kaj sarine save so magena te oven kotor taro oo sdsm shaj avena te oven dzene ko akava sostav isi terne uche edukacijaja, mashkariune edkacijaja, romane dzuvlja sar thaj studentija,numa thaj  avtoritetija ki shutka vakerena taro ogranok SDSM Shuto Orizari.

Ko Šuto Orizari putardilo polisiakoro stasioni

Palo kerde imotno proekcie tari komuna Šuto orizari thaj o Ministeriumi bašo Andrune bukja avgo drom sine putardi e policiakoro stasioni akate.

Palo dendo raporto e Ministereske Oliver Spasovski taro Komandiri akale policiakere stasioneske o Kiro Grnčarski e dizjakoro šerutno Kurto Duduš barabutne e ministerea Spasovski dikhle o objekti thaj ikergje mitingo.

O ministeri Sapsovski ko plo notiriba vakergja kaj e thema si la obligacia te kerel siguritetno šartia sakote.

,, I konekcia maškar i them em o dizutne em i policia lungo vakti sine čhinavdi so iklilo napakjiv ko institucie. Buteder droma sium sine ko Šuto Orizari, numa akana si man hoš kaj isi trampe sar moderno thaj urbano Komuna. O MVR investiringja 2 milionia denaria taro piro budžeto akale objektoske, soske i prevencia e dizutnengiri si ko jekhto than.

Akana trubul te motivirinen pe o terne manuša so pheren o šartia te keren buti ko siguriteto ple jekhinake. Bahtasa i andi decizia taro Konsilo e komunake thaj suporto em i inicijativa taro konsiliaria, NGO em o dizutne”. – vakergja o ministeri Spasovski.

Trampe an o SDSM thavdena, anavkerde si 30 presidentia an o komunake organizacie. An o Šuto Orizari anavkerdo si o Asan Ferat

Ki pli informacia bašo mediumia o SDSM akcentirinela:

O startujmo proceso o trampe ko interes e dizutnenge em ko interes e avutnipaske džana majodoriga.
Sar so akcentiringjem , o trampe počminen akatare , taro SDSM , i partia so legarel o Govermenti thaj o parlamentarno butipa, partia so legarel progresi e themake.

O presidento Zoran Zaev , premal oleskere ingerencie , anavkerel neve 30 presidentoa ko komunakere organizacie taro SDSM.
Jekvaš taro notirime 15 olendar si neveanavkerde.

Premal akaja lista sar neveanavkerde Komunakere presidentia taro SDSM ki komuna Šuto orizari si notirime o pendžardo romano biznismeni tari akaja komuna o Asan Ferat.

Trujal o Šuto Orizari, trampa an i akaja funkcia - komunakoro presidento isi em ko komune:
Struga, Štip, Gjorče Petrov, Karpoš, Kriva Palanka, Rosoman, Sveti Nikole, Kočani, Lozovo, Vinica, Pehčevo, Brvenica, Kratovo, Novo Selo, Čaška, Berovo, Delčevo, Kruševo, Resen, Tearce, Kumanovo, Rankovce, Centar,Čučer Sandevo,Bogdanci, Konče, Radoviš, Debar thaj Ohrid.

Link: http://www.sdsm.org.mk/News.aspx?idNews=17572&lng=1

Palem incidenti an i Šutka - Prskingje le sprejeja ko jakha, palo odova posavgje le an i men

An o 12.05.2019 paše ko 22.30 saati an o SVR Skopje sine notirime kaj ki mahala Šuto orizari o Е.И.(20) taro Skopje sine atakujme taro pobuter napendžarde persone.

Aso i notacia , majanglal jekh taro odola persone napendžarde sprejea prskingja le ko jakha , palo so aver napendžardi persona posavgja le ki men. Bašo o E.I sine leske dendo medicinsko arka an o Kompleksi klinike "Majka Tereza" - Skopje.

O SVR Skopje notirinela kaj lela konsekvence te arakhen pe o persone thaj užariba e saste akteske.

FaLang translation system by Faboba

Mangava te vakerav

Momentalno Online

       Isi 108 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali