I Energiregulaciaki komisia kerel e agorutni preparacia vash o notiriba o vazdipe e divesutne takse e elektrikake. I informacia savi si pendžardi e dizutnenge dži akana si kaj kotar o jekhto Novembro, na dži ko 3 p.m., e dizutne ka shj te hardzinen maj tikni elrktrika dži ko 4 p.m. E tikni tarifa ačhol an o rakjakere saatia thaj sasto dive ko kurko.

“Amen isi amen lačhe intencie an i ideja te tromara jekh dopash saati tari tikni tarifa, kotar so o penzioneria siguripaske ka len majbut lačhipe. Numa ko jekh, amen trubul te las sama te ovel jekh patǐvalo thaj stabilno ladavipen e elektrikako thaj kaj o sistemo te stabilizil pes seriozno te śaj te kerel than vash maj dur shajde avrutne shokia. OIdova si soske ko agorutno vakti  o moldia ano regioni maj uche sar e ko berze ki Pashcimali Europa thaj Skandinavia. Vash akaja situacia, amen manglam e Energiaki Komuniteta te lel kotor”,vakergja e Energiaki Regulaciaki Komisia.

O sheruno e regulatorno autoritetesko Marko Bislimovski, nekobor kurke angleder te vakerel o moldia e elektrikake vash o dujto shov masek e bersheske,vakergja kaj si plania vash te vazden o periodi kote o dizutne kola kerena buti e dizutnengo tikni tarifa. Kodo si, na kotar 13:00 dži ko 15:00, trubul te ovel dži ko 16:00. Ki konferenca vash press kote dende pe djanipe o nevo kotor e elektrikako, Bislimovski akcentingja kaj o khera ka oven olen akava lachipe kotar o Novembri.

Aver rig, e khera si len jekh tikno tarifo ano rakjako vahti, kodo si, katar 10 p.m ji ko 7 a.m. Thaj sigurno 24 chasia ano kurko.

Jekh nevi keririmi Facebook rig, akhardi sar "Transportoski karta tari diz Skopje" del šajipe e dizutnenge te kinen jekh "Skopje" kartica dži ko agor e masekosko thaj bašo odova te len bilovengoro transporto bašo jekh berš. Majbut se klar si kaj si hohavnipe, thaj akava konfirmirimo kotar o JSP “Skopje”.

O JSP phengj kaj o hohavnipe si dendo ko Ministeriumo vash o Andruno Buti. JSP Skopje kerda jekh hohavni nevimata savenca sas falsifikuime o logo taro “Skopska” elektronikani kartica, publicirimi ko socialno netvorko kotar jekh grupa akhardi “Transportno karta tari diz Skopje”, savi nane phangli e JSP Skopjesa. Odova si hohajipe em jekh hohavno linko so chorel data baza taro dizutne pochinimaske kartica. Jekh kompania e transportesko vash publikuno transporti dende raporti vash o hohavipe e Ministriake vash o Andruno Them thaj azhukerel sig akcia kotar o autoritetia vash te arakhen o manusha kola kerde o hohavnipe thaj te lenpe sigo sa e legalune mere vash te arakhen o JSP,vakergya olengo deklaracia