Ko 17 juni paše ko 22:30 o saati sine notirime kaj sine maripe maškar duj pobare grupe ki romani mahala ko Zlokukjani. Maren pe sine lopatencar, tovera, čhurika... (bahtake sine ikavdo em pištoli so na resle te repetirinen le).

Akava baro mariba ulo sebepi konflikto maškar duj grupe so kergje čhingara. Ko akava maripe sine em trin tikneberšengere persone. Ko maripa ratvarde sine 100 dćene em  savore sine legarde ko Urgentno centroko kompleksi klinike „Majka Tereza“ kote odothe da maren pe sine akala duj grupe.

Ki avktavin tari policia vakerela pe:„Ko 17.06.2024 an o SVR Skopjesine notirime kaj paše ko  22.30 o saati ko reoni tari komuna Karpoš sebepi konfliktia margje pe F.J.(22), B.J.(39) thaj trin tikneberšengere persone jekhe rigatar thaj E.G.(52), G.G.(23) thaj H.T.(29) avere rigatar , sare taro Skopje, kote so sine istemalkerde metalno artiklia. Palo odova sine notirime kaj paše ko 01.55 saati ko Urgentno centro ko Kompleksot klinike “Majka Tereza” , dži kote o  D.J. (52) pe familijaja o S.J.(25) thaj I.D.(38) udžarel sine o rezultatia oleskere čhaveske ko odova maripa, sine fizičko atakujme taro E.G.(52), B.S.(43), A.S.(48), B.S.(44) thaj I.G.(36), kote so sine istemalkerde zorale artiklia . But sigate palo lende konsekvence, I policia taro Interventno jekhina ko SVR Skopje taro reoni Centar astargje em phanle e E.G.,B.S.,A.S.,B.S. thaj I.G.. A ko policiakoro stasioni sine ande em ikerde o F.J. thaaj B.J. em o trin tikneberšengere persone. Pali sasti evidencia em dokumentacia akale akteske mujal akala persone ka den pe notacie krisoske”  – tergjol ki informacia taro MVR.

O propozal anava e neve govermenteske si kompletirime thaj barabutne e programaja valjani te ovel dendo dži ko Parlamenti , a o votibe trubul te ovel ko vikendi so avela.

Tari I kolaicia “Tvoja Makedonia” ko govoermenti ka oven 15 ministeria , kote trin viceministeria, tari koalicia “VLEN”  ka ovel 5 ministeria em jekh vicepremieri , duj ministersko resoria ka preperen bašo “ZNAM” . Vicepremiersko than ka ovel em e koalicisko partenereske taro Socijalističko Partia  thaj I Demokratsko partia e Srblienge.

O Šaban Saliu ka vel ministeri bizo resor  thaj ka kerel buti ki integracia em implementacia e Romane dekadake.

O Mickovski vakergja kaj ko alusariba e kadrenge ko potencialia em faisalia ko nevo govermenti legarel  pe taro principia ko butikeriba , em manuša so ka den bari energia ko procesia em saste ka oven aktivno ki realizacia e ambiciozno planenege. Udžarel sukcesiali realizirtiba thaj votiba te agprkerel ko avutno vikendi  22-23 juni, vakergja o Mickovski.