I Unia e Romengiri ko eratutne presidennteskere alusariba – avgo rota, artiklirime reslja majhari 1200 hangia

• OO SDSM - Šuto Orizari ko eratutne presidennteskere alusariba – avgo rota, artiklirime reslja majhari 700 hangia
• O SRM ko eratutne presidennteskere alusariba – avgo rota, artiklirime reslja majhari 400 hangia
• OK VMRO DPMNE – Šuto Orizari ko eratutne presidennteskere alusariba – avgo rota, artiklirime reslja majhari 1853 hangia
• Koa kava momenti, na resljum te dikhav ko kobor si phare.

Sar čhivgjum odova ko kantari?

• Bašo o Konsili ki komuna Šuto Orizari ko 2021 berš , I Unia e Romengiri (ko odova periodi panda na sine registririme, ama reprezentirime taro isto kandidatia. O sksnutne membria e partijakere) reslja 1678 hangia, o DUI reslja 1464 thaj i AA ki koalicia r Alternativaja reslja 667 hangia. Sumiribaja olengere barabutne hangoncar . soske akana si sar Koalicia (bizi Alternativa), e Konsileske ki Komuna Šuto Orizari ko 2021 berš  akala politikane partie barabutne resle 3809 hangia jail sar procentualno kotor, I Unia e Romengiri 45%, DUI 38% thaj AA thaj I Alijansa 17%. Akatare , upral I funda taro akala procentoa ko 2021 I Unia e Romengiri ko eratutne presidenteskere alusariba – avgo rota, artiklirime reslja majhari 1200 hangia, so sikavela majhari 45% taro resle 2699 hangia.
• Bašo o Konsili ki komuna Šuto Orizari ko 2021 berš, o OO SDSM – Šuto Orizari (ko odova vakti sar Koalicia e OPER thaj PCER) reslja 1622 hangia, oo SRM reslja 956 hangia. CDU ko odova vakti na sine ni registririmi thaj na lelja than ko odla alusariba. Sumiribaja o barabutne hangia ko Konsili e Komunake Šuto Orizari ko 2021 berš , o teganutne partie so lele than barabutne, sumarum resle 2578 hangia jail sar procento, o OO SDSM – Šuto Orizari, pohari taro 63%, o SRM 37%. Taro akanutne informacie nane šajdipa te sikavav oo procento taro OPER, PCER thaj CDU. Upral I funda taro artiklirime kotor ko 2021 berš ko eratutne presidenteskere alusariba avgo rota, o SDSM – Šuto Orizari artiklirime reslja pohari taro 700 hangia (pohari taro 63% taro sumarum 1132), a o SRM reslja ohari taro 400 hangia (so sikavel trujal 37% taro resle 1132 hangia). Udžarel pe kaj o CDU si le nesavo pridones ko resle hangia . Odoleske artiklirime resle hangia ki akaja analiza notirinav len sar “pohari”.
• I Koalicia taro OK VMRO-DPMNE – Šuto Orizari, DSR,DPR,OPER thaj ROM, našti te iskalkulirinav o numeria sebepi so sa akala partie , notacijaja taro DSR , nan lele than korkoro ko alusariba bašo Dizjakoro šerutno thaj Konsilo e Komunake Šuto Orizari , ko 2021 berš. Numa sa akala pandž politikane partie barabutne resle 1853 hangia.

O teksti si lendo taro FB profili taro autori o Silhan Saitov – Magistri prekal sđputardo sastipe: https://www.facebook.com/saitovsilhan

D-r Džemile Berat, avgo Romano doktori an Makedonia, psihijatri an i penzija promoviringja piroo lil „Miro suno ‘ “Mojot son” kip li bijandi diz.

„Sine baht te bijangjovav , te educireinav man thaj te formirinav man sar persona an I Kriva Palanka. Ten a ovel sine miri diz thaj akala  dizutne me nane te resav sine akava sukcesiu thaj te ovav odtothe kote sium avdive.

Sine man suporto taro savore taro čhave, profesoria, komšie thaj amala, savore barilem ko jekh than , thaj na sine diferencie. O purine dizutne sine but šukare manuša. Vakergja I d-r Džemile Berat, avgo roomani doktorka an I Makedonija, psihijatro an i penzija, ki romocia pire abgo lileske “Miro Suno” Mojot Son ki piri bijandi diz.

Ki promocija ko Centari kulturake sine but lakere amala, familia, sikle, pendćarutne kasaja hulavela sine  lipara taro piro čhavoripa, ternipa. Ki autov+biografija kote hramsarel prie phrae dromeske thaj profesionalno kariera thaj baši pakjiv ko kerdo sukcesi so hramosarel sine ko majpahro periodi dživdipaske palo meriba lakere romeske o Bajram so sine doktori a resla taro lakoro phral  Sebo.

– Miro suno ka ovel sine salde suno thaj nane te vel sine realiteto ten a sine o suporto taro kjiro phral o Sebo ‘ Mečka soo pakjala sine ki mande. Normalno miri daj I Ganba trujal so nadćanel sine oj moldinel sine o studie thaj ko 1976 berp mukhlja te džav korkoro ko Skopje te studirinav Medicina . Na sine amen love thaj džćivdina sine tari kehrutni penzia em sium sine but droma bokhali.

Hav sine kmpira 10 dive soske na sine man love mareske. Numa sine man mtivi kaj ka ovav si+ukcesiačli em sium sine stipendisti ko teganiutno Titoskro fondi , sublimirinel I Džemilja piro drumo-.

Oj vakerel kaj trujal so I kriva Palanka si tikni diz olatar iklile but educirime Roma an I Makedonia, Oj vakerel kaj I familia Berat si avangarda kote  akana sii  4 doktoria em olakoro čhavo o David doktori po nauki-

Akava “Miro sun” kamel te mukhel piri impresi mire darhie, familia thaj dživdipe kote kotor sine bahtlo a kotor bibahtalo.ama ko agor sukcesialo. Odothe kerel lafi em bap riziko ko maripa an I Kroacia , o maripa an I Makedonia , I špandemia kana o dživdipe sine ko riziko em I diskriminacia so arakhlja la sa r doktorka romani.

Prekal I promotorka I Marica Nikolovska, o lil tari d-r Džemile Berat si importantno thaj egzampli  bašđ legaria sasoitnikane thaj humano principa vakerde taro autori e lileskoro.

Link: https://umno.mk/kriva-palanka-dala-najmnogu-fakuyltetski-obrazovani-romi-vo-makedonija/?utm_source=rss&utm_medium=rss&utm_campaign=kriva-palanka-dala-najmnogu-fakuyltetski-obrazovani-romi-vo-makedonija