Šutka NEWS

Trampe an o SDSM thavdena, anavkerde si 30 presidentia an o komunake organizacie. An o Šuto Orizari anavkerdo si o Asan Ferat

Ki pli informacia bašo mediumia o SDSM akcentirinela:

O startujmo proceso o trampe ko interes e dizutnenge em ko interes e avutnipaske džana majodoriga.
Sar so akcentiringjem , o trampe počminen akatare , taro SDSM , i partia so legarel o Govermenti thaj o parlamentarno butipa, partia so legarel progresi e themake.

O presidento Zoran Zaev , premal oleskere ingerencie , anavkerel neve 30 presidentoa ko komunakere organizacie taro SDSM.
Jekvaš taro notirime 15 olendar si neveanavkerde.

Premal akaja lista sar neveanavkerde Komunakere presidentia taro SDSM ki komuna Šuto orizari si notirime o pendžardo romano biznismeni tari akaja komuna o Asan Ferat.

Trujal o Šuto Orizari, trampa an i akaja funkcia - komunakoro presidento isi em ko komune:
Struga, Štip, Gjorče Petrov, Karpoš, Kriva Palanka, Rosoman, Sveti Nikole, Kočani, Lozovo, Vinica, Pehčevo, Brvenica, Kratovo, Novo Selo, Čaška, Berovo, Delčevo, Kruševo, Resen, Tearce, Kumanovo, Rankovce, Centar,Čučer Sandevo,Bogdanci, Konče, Radoviš, Debar thaj Ohrid.

Link: http://www.sdsm.org.mk/News.aspx?idNews=17572&lng=1

Palem incidenti an i Šutka - Prskingje le sprejeja ko jakha, palo odova posavgje le an i men

An o 12.05.2019 paše ko 22.30 saati an o SVR Skopje sine notirime kaj ki mahala Šuto orizari o Е.И.(20) taro Skopje sine atakujme taro pobuter napendžarde persone.

Aso i notacia , majanglal jekh taro odola persone napendžarde sprejea prskingja le ko jakha , palo so aver napendžardi persona posavgja le ki men. Bašo o E.I sine leske dendo medicinsko arka an o Kompleksi klinike "Majka Tereza" - Skopje.

O SVR Skopje notirinela kaj lela konsekvence te arakhen pe o persone thaj užariba e saste akteske.

Sar nakhle bašo 8 April o Roma tari Šutka thaj i Topaana?

„Akava si džungla. Akava na chidela pe. Dikh akava li si mahala. Akava si katastrofa"
Kaske si importantn o baro dive kana avdive valjani te hal pe. Baro dive kerel pe kana isi tu šajdipa odoleske. Agjaar vakeren o Roma tari Šutka em i Topaana kana ka pučen olen sar ola nakhavgje o baro dive e Romengoro 8 April.

Ni ki Šutka ni ki Topaana na sine nesavi bari euforia . Sako dikhela sine piri buti te šaj te ikljon ko agor e dživdipaja. Nesav sine holajme so bari sama ikerne e themakere funkcioneria so vakeren kaj olende den pe godiu salde ko berš jekh drom thaj kana isi alusariba.

Šerutno biznisi e Romenge taro akala mahale si kinobikibia tekstilea, khediba plastično šišia thaj sastrna. A odolea vakeren šaj li te dživdinel pe em te kerel pe baro dive?
Isi li than utsavakeribaske . Kana isi love sako dive si barodive a kana nane sa si tele. odova si apelo dži ki Europa. Odova si o čorolipa" vakeren o Roma.

Čačutne integraciake thaj majlačho statusi e romenge trubul love thaj lipar alarmirinena taro sa o institucie so aso olende o agorutne deš berpa na kergje nesavo baro aktiviteto.

Link: https://24.mk/details/so-gladen-stomak-ne-se-slavi-praznik-velat-zhitelite-od-shutka-i-topana-za-me-unarodniot-den-na-romite?fbclid=IwAR3PqUpHpVhS5QlCcEhC5lEAH5Ixx578airlSNEmGhMrs1ENLl0H2tK4ltg

 

I komuna Šuto Orizari del suportho e "Kampanja te minimizirinel pe i naničalo visitkeriba e edukaciake taro o sikle"

I komuna Šuto Orizari del suportho e " Kampanja te minimizirinel pe i naničalo visitkeriba e edukaciake taro o sikle"an o F.Š Brakja Ramiz i Hamid" an i teritoria e komunake Šuto Orizari.

O mitingo maškar o membria taro lokalno ofiso, edukaciakere medijatoria thaj profesoria , sine diskutirime bašo saste faktia an o momenti so si resle pali implementirime anketno pučibaskere lila an i konekcia e upreanavkerde kampanjake.

Upral i funda taro džiakanutno džanlipa o dizutne notirinena kaj trubul te len pe sankcie thaj organiziriba seminari , eskurzie resarinaja te minimizirinel pe o trendi o čhave te ikljoven taro edukaciakoro proceso.

Ko jekh sine akcentirime kaj trubul te lačharel pe i komunikacia thaj koordinacia maškar o duj škole an i teritoria e komunake Šuto Orizari .
Ko agor taro akava mitingo o persone so lele than sine akharde an i presentacia e instrumentenge tari interkulturakiri integracia.

 

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali